مجهول
انا نقرا لغات و راني حابة ندير تخصصات وحداخرين و مارانيش حابة نكمل ف لفاك راني ح..
انا نقرا لغات و راني حابة ندير تخصصات وحداخرين و مارانيش حابة نكمل ف لفاك راني حابة نكمل قرايتي في canada و ندير مهندسة معمارية بواش تنصحوني ؟
شوفي واحد اليوتوبر وسمها القناة ديالو الهجرة هي الحل انسان كبير و خبرة بحكم المنصب الراقي ديالو ثماك و يمد معلومات صحيحة ماشي طبع برك و الخرطي تاع اليوتوبرز الاخرين غير الخرطي و يوري للطلبة واش لازملهم و الواقع الكندي كفاه تبعيه و ابعثيلو الاستشارة ديالك في حسابو على الفايسبوك هنا واحد ما يفيدك
يحيروني الناس اللي يجاوبوا بلا علم و فهامة و زيد الإجابة تهبط المورال ماكاين لا أسلوب لا رقي في الكلام لا ظرافة.. ايه تقدري تقراي هندسة معمارية بشرط تعاودي ڨاع الليسي من السنة أولى ثانوي سيونتيفيك ممبعد في الدوزيام اني تديري تقني رياضي ، و كلش مع الأحرار، باه تجيبي الباك ماتيلام و تقدري تديري هندسة معمارية في كندا. بخصوص الدراسة في كندا حوسي في اليوتيوب كاين بزاف اللي يمدوا معلومات على المنحة و اعرفي مليح الحياة ثما كيفاه دايرة قبل ما تروحي. و ما تنسايش تستخيري هذي خطوة مهمة بزاف بزاف. و ربي يوفقك
تقراي لغات حابة هندسة معمارية ، مستحيل ختيتو لازم تكوني علوم ولا رياضيات ولا تقني رياضي ياش تقدري ديريها ، لغات تقدري غير حاجة ادبية
عاودي الباك كمترشحة حرة و الاحسن تماركي من السنة الثانية سيونتيفيك ولا تقني رياضي بالمراسلة ... ادي معدل مليح اقراي فكاش ايكول بريفي و عندك اليوتيوب فيه كلش يكفي و يوفي و ديري هندسة معمارية
ماتقدريش بلغات ديري هندسمة معمارية لأنو هذي تخصص علمي / تقني لازمك تكوني فرع علمي او تقني او رياضيات ويكون معدل البكالوريا تاعك مليح بش ديريها
المدرسة العليا المتعددة التقنيات للهندسة المعمارية، تكون عندك فرص أكبر للدراسة فكندا و زيد هوما يدرو منح، خير ما تقراي فالجامعة
ماراكش مسجل معانا. تقدر تفيدو؟
تقدر تدخل بسهولة منا
Sign in with Google