راني داخلة للثانية ثانوي شعبة علوم تجريبية وبصراحة معلابالي و شنو الخدمة لي راح ..

راني داخلة للثانية ثانوي شعبة علوم تجريبية وبصراحة معلابالي و شنو الخدمة لي راح تساعدني فالمستقبل بين ميدسين و هندسة معمارية ولا خدمة فيها تحواس . لي نجحو تقدرو تنصحوني ؟

نفس مشكلتي 😂 كي يجاوبوها حطولي جام بليز باش نقرى 😇

عندي ليك مجرد نصائح ....شوفي سنة ثانية ثانوي is the basic thing ساو لازم تقراي مليح ومن فضلك اقرأي لروحك باش تثقفي نفسك و تطوري ذاتك موش تقراي باش تجيبي مليح في الاختيار ....و ركزي مليح على المواد الاساسية وربي يوفقك ان شاء الله 📈🌼

أنصحك بالتجربة او شبه التجربة مثلا في يوم روح زور مرضى و في نفس الوقت شوف خدمة الطبيب عن كثب، هل هو الشيء اللي تتمناه؟ هل تستمتع كي دير واش يدير الطبيب؟ هل تستمتع بالنتائج اللي حققها الطبيب؟ راني اعطيتك مثال في الميدسين " التجربة تع الطب ما ديريهاش في زمن كورونا و اذا طولت كورونا بعيد الشر فحوس في اليوتيوب مثلا عن تجارب اطباء في الجزائر او اي بلد اخر تتمنى تزوروها او حاب تنقل تجربتها الرائعة للجزائر" و نفس الطريقة طبقها مع الاختيارات الاخرى. ارى انك مصيب في انك تخمم من دوك، النهايات العظيمة لازملها تحضير مبكر، جرب جرب حتى تلقى مكانك ان شاء الله. نصيحة اتمنى انها قدمت لي عندما كنت مكانك فاتمنى ان تعمل بها. بالتوفيق

شوفي نتي وش حابة ديري في حياتك و كيفاش حالة تعيشي ، اذا دراي طب اعرفي بلي رايحة تمدي كل وقتك و حياتك لهذا التخصص بسكو طويل و متعب اذا كنتي قادرة تقراي سبع سنوات و تزيدي تتخصي و تعملي في المستشفيات ديما... ، اذا تختاري هندسة معمارية مستقبلها في الجزائر ماشي حاجة اذا حبيتيها روحي للخارج ولا كملي ماستر ثما ، حاجة تع سياحة ماشي حتان تقرايها و اذا حابة تحوسي تخصص يجيبلك دخل مليح تحوسي وين تحبي تخصص سياحة ميت في الجزائر و حددي وش حابة باش تخدمي عليها و تجيبي معدل حسابها ماشي كيما لي يقولولك جيبي الباك مبعدا ساهل لالا جيبي الباك الاجال ذيك الحاجة و انا شخصيا ننصحك طب اسنان لانه تخصص ممتع و القرايا اسهل و اقصر من الطب و تخدمي مباشرة ، او اعلام آلي مطلوب في كل مكان الآن

مام انا كي كنت الأولى كنت نقول ميدسين كي تقراي الثانية تلقاي روحك هبطتي بزاف لانو صعيبة شوي وكي تطلعي للباك صعيبة اكثر تولي تقولي لمهم ندي الباك لمهم ربي يوفقك وتوصليلها

علاه لباك ديتيه فلاولى 🤔🙄

أول حاجة اقرأي مليح للباك باش تجيبي معدل يخولك أنك ديري اي تخصص تحلمي ليه.... ثاني حاجة التخصص ديري الحاجة الي تحلمي بيها انت و الي تحبيها اي تخصص تحبيه راح تنحجي فيه بإذن الله

هذا وين بديتي بإسم الله 😂 اقراي للباك وخدمي عليه امبعد ساهل

جيبي باك قبل من بعد ساهل، مزال الليل طويل عليك يا الزغراتة. اقراي اللغات تاعك فرنسية انجليزية ارجعي ممتازة فيهم، اقراي قرايتك، طالعي كتب وسعي ثقافتك اقراي في شتى المجالات، اتعلمي امور قد عمرك واكتسبي عادات مليحة، مدام عندك الوقت والراحة. والجامعة كي تلحق وقتها ساهل حالها. عندك امور اهم تشغلي بيها وقتك وتفكيرك. كييي تهتمي بلي فاتو، جيبي بااك بمعدل يسمحلك تختاري هاد التخصصات من بعد خمي فيهم، انا شخصيا ماكنتش عارفو واش حابة ، حتى قريب الباك جاب ربي سبة لي خلاتني نغير كامل اختياراتي، وراني الحمد لله لاباس عليا.

تحكي مع ناس في هادو المجالات ابحثي و اكتشفي هدو المهن و متطلبات نتا كل مهنة باش يبان الميول و القدرات الديالك حددي هدف واضح و سعاي ليه

اختي جيبي الباك منبعد ساهل

كي تتخصصي فالسنة الثانية على حساب معدلك ثما تبان

معدل باك هوا لي يحددلك واش تبغي ديري, كي تلحقي ل 3 اقراي بيان وجيبي فوق 14 معدل

ديري بالمنحة التركية هندسة والله غير هايلة اذا راكي حابة تقراي في الخارج ،

اسناي حتى تشوفي معدلك تع الباك هو لي يبينلك وين تروحي

كي تجيبي الباك و تشوفي المعدل تاعك تماك تبانلك واش ديري دوكا مازال الحال العام الجاي تتبدل القراية و كاين بزاف اللي يهبطو في المعدل السنة الأولى هي الساهلة في العلوم التجريبة و الثالثة هي الأصعب

تخصصك جامعي يحدد معدل نجاحك في باك و ليس ثانية ثانوي .

كي تلحقي لباك تعودي تقولي نشالله نديه برك ارواح برك ودير ميدسين و هندسة معمارية ابنتي

انا لغات لبارح دخلت نقرا التخصصات رايحة نبكي 😭 غير استاذ استاذ استاذ ... 😂😂😂 منيش حابة نولي استاذة درك راني بلا هدف معنديش تخصص نديرو( مكلاه جيو تطلقو الوانكم تقولولي لغات وش حبيتي ؟ انا منحوسش على ميدسين ولا بيلوط 😒 حابة تخصص من غير استاذ 😑

هادوك اللي يقولو ادي لباك اومبعد ساهل ...ياو كي تدي الباك تكون منحصرة على بعض الشعب ماشي كامل وبعض الشعب مايكونش عندها الاولوية فيها كيما المعاهد التقنية يطلبو منك معدل معين الا داير تقني رياضي بينما الا داير علوم تجريبية يطلبو منك معدل اكبر من نتاع تقني رياضي علابيها فكري قبل ماتتخصصي في الثانوية والتخصص يبدا من الاولى ثانوي مابين علوم و اداب ... وكل التوفيق

ana 3jabni takhmamak man darwak rak tkhamam f had swalah rak f trig dir hadaf w tkal 3la rabi lah ywaf9ak

شوفي واش تحبي ماشي واش مليح و ماشي واش يرفعلك من شانك خطرش رانا فوقت كلش يجيب دراهم شوفي واش تحبي ومزالك صغيرة سيي عرفي ولا عرف شغف تاعك وبلعقل بلعقل تعرف واش تحب المهم متقلقش روحك وتبع قلبك واش يحب موفق بإذن الله 😊👊👊👊👊

Edi l bac mba3d khami fel khdma 🙄

Mzl l7al chwiya bch tkhemmi f khedma zeyri rou7k 9ri apres sahl 😜

ساعة على ساعة ندخل نضحك حخخخخههعخعه😄😄🤣😂😂😂🤣

شحال تحبو تسبقو الاحداث، وتعمرو راسكم بامور، في حين وقتها مزال ماجا، والوقت لي عندك يضيع ويروح في تخمام جاي وقتو ونهارو

Ana 7abast 9araya w Rani khadam 9rib nchalah natzawaj lokan mazalni na9ra lokan mazal ra7 nzid nkaml 7yati b yadi 😂✊