مجهول
1- طالبة بكالوريا شعبة تقني رياضي ( هندسة مدنية) حابة ندير مضيفة طيران او اي إطا..
1- طالبة بكالوريا شعبة تقني رياضي ( هندسة مدنية) حابة ندير مضيفة طيران او اي إطار عمل فالمطارات انصحوني واش نقرا وواش لازم ندير 2- سؤالي هو هل وظيفة مضيفة طيران في الجزائر وظيفة جيدة ام لا !!
لي تجي تسقسي ولا تهدر يقولك معريفة راكم تحبطو غير فناس نتوما نصكم مجربش و معلومات غير سامعينها مشي متاكدين صحيحة ولا لا لمعريفة و رشوة حنا نحوها مشي تبون😑😑 بزاف يا خويا حتى و لوكان معريفة متحبطوش ناس خلوهم يجربو يتعبو حنى يروح يعقب كونكور هاذي وحدها اكسبريونس في حياتو
الحجاب ممنوع في الجزائرية للطيران ، لازم طويلة و عندك لغات على الأقل فرنسية ممتازة و إذا إنجليزية خير و خير ، سلبياتها مثل كل الوظائف، تبعدك على الأسرة ديالك و ماعندكش حياة اجتماعية، لازملك زوج متفهم جدا جدا، ايجابياتها السفر اكتشاف ثقافات و بلدان ، عمولة المهمة زيادة على راتبك الشهري، الإماراتية تدير ابوب مفتوحة على جال طلبات العمل ، ازدمي و ديري واش حبيتي ربي يوفقك، اتكلي على ربي هو المعريفة ديالك
في الجزائر لازملك العرف ثم المعريفة ثم الوساطة 🤣 لكن ادا حابة تخدمي مظيفة طيران لازم تسجلي في موقع التوظيف الخاص بالخطوط الجوية الاماراتية او القطرية يطلبو طول معين زائد لغة انجليزية ممتازة اللغات الاخرى تعتبر اضافة راهم يجو للجزائى مرتين في العام تروحي للجزائر العاصمة و تفوتي الاختبار الانتقائي يجوزو لمدة ثلاثة ايام هاذي في اختبارات الابواب المفتوحة و كاين وين يبعثوا دعوات لاشخاص معينين هنا تكون الفرصة كبيرة مافيهاش متطلبات بزاف طالبين مستوى الثالثة ثانوي فما فوق و طالبين اللغة الانجليزية تكون ممتازة و اذا كانت عندك خبرة في مجال الضيافة او خدمة العملاء او المبيعات يزيدو الفرص نتاعك و مين يقبلوك يخدمولك الفيزا و تروحي لتم يعطوك سكن و يخدمولك اقامة و راكي خدامة في دبي او قطر او حسب الشركة لي دفعتي معاها فيها امتيازات ملاح بزاف و خلصة مليحة بزاف
مضيفة طيران فيها بزاف شروط، لي نعتبرها تعجيزية لمعظم الجزائريات كوننا في مجتمع محافظ. مثلا اللباس، الحجاب مكانش، لازم تكوني عازبة، لازم تكون هيئة باهية، الطول فوق 160... تعرفي السباحة، تهدري عدة لغات، معندكش التزامات، لاخاطر مهنة جد متعبة، يعيطولك في أي وقت... والمعريفة طبعا :') ... بصح الحجاب كاين دول تقبلو كيما على ما أظن الإمارات وماليزيا و...
كاين مسابقة الخطوط الجوية الجزائرية النجاح مش مضمون لاكن ان نجحتي العمل مضمون أو تقراي في مدرسة معتمدة و العمل مش مضمون أو مسابقة الخطوط الجوية الامارتية و القطرية يديروها مرة في العام و لاكن بعد كورونا يمكن انهم مايديروهاش بسسب الخسائر الكبيرة التي تكبدها قطاع الطيران قريب ندير عليها فيديو ان شاء الله
Oui kyen école f Alger f daly brahim exact w spéciale l t3 wach raki t7wsi
مضيف طيران لازم مسابقة تندار , وفيها بزاف مراحل , من بينها يتاستوك في سباحة
Mmayhamch wshmen takhasos lAzemlk diri formation tae hotesse de lair c tout
Postule chez air Algérie et crois en toi . Informe toi sur ce domaine tu trouveras des vidéo sur Youtube . Comme ça tu seras prête le jour de l'entretien. Et bon courage ma belle . Pour le hijeb tu dois l'enlever pendant les heures de travail .
في الجزائر مش مليحة أبدا ،اولا لانو ميقبلوش المحجبات واشتراط اكثر من لغة ،اجبارية تعلم السباحة، وجسم معين يعني طول ووزن محدد مع ظروف العمل لازمك اهل وزوج متفهميين بزاف وكنت نافحة فيها وسقسيت بزاف عليها ولي يحب يخدم صح وعندك كل مأهلات ننصحك ب طياران الامرات او سعودية او ماليزيا ،او قطر هذو دول يقبلو متحجبات
شوفي انا مرة سقسيت عليها وش قالولي قالولي اذا في طيران الجزائر لازم تكون عندك ليسانس في فرنسية ولا انجليزية باه تدخلي تقراي عندهم وكاين معاهد خاصة في تكوين مضيفات الطيران تكوني بالباك و زردة دراهم .. اما بالنسبة لمليحة ولا لا مضيفات الطيران ماعنديش معرفة شخصية و مع احتراماتي بصح عندهم سمعة سيئة شوي
غير اخطيك اغلب الطيران يسربو الخمر وانت كمضيف/مضيفة حيكون لازمك تسربيه للناس لما يطلبوه،،، الرسول الله صلى الله عليه وسلم قال: "لعن الله الخمر، وشاربها ، وساقيها ، وبائعها ، ومبتاعها ، وعاصرها ، ومعتصرها ، وحاملها ، والمحمولة إليه ، وآكل ثمنها." رواه الحاكم وأبو داود و صححه الألباني في صحيح الجامع برقم: 5091.
يع علاش تعجبهم مع احترماتي تسما قرايتك تولي ساغفيس 😂 ويرغموك على حاجة حرام
مضيف الطيران ميحتاجتش تخصص معين من الباك ولفوق ويحتاج خصائص مثل العمر يكون ما بين 21 و 30 والطول معين وحالة اسنان .... ادخلي في ڨوڨل تلقاي كامل الشروط واهم حاجة هي اللغة انجليزية او فرنسية بالنسبة للجزائر و يكون عندك cv فيه انك شغلت مهن خدماتية تعاون بزاف
هي فاها المعريفة ،والمسابقة تمر بتلاتة مراحل المرحلة الاولى الاختيار على حساب الشكل والمظهر الخارجي و المرحلة التانية امتحان كتابي من بعد اختبار السباحة لي هي شرط اساسي
تروحي جوزي سطاج واقيل في بليدة ولا عند بريفي في الجي تكوني ماتفوتيش 28سنة فوق 1،80 تعرفي فرنسية و انجليزية رقيقة نسيت شحال لازم الوزن تعرفي تعومي و ماشي متحجبة و اهم من كل هدا تكون عندك معريفة 😊
لازم قبل الشهاده يكون عندك طول مناسب و مقياس مناسب و لابأس بيك فالجمال و تكوني تقدري للسباحه و تجيدي اكثر من لغتين... اضافه الى الشهاده في السياحه 😌
ماراكش مسجل معانا. تقدر تفيدو؟
تقدر تدخل بسهولة منا
Sign in with Google