مجهول
حبيت نسقسي ... انا نقرا ماستر قانون دولي عام معرفتش واش قادرا ندير بيها في المست..
حبيت نسقسي ... انا نقرا ماستر قانون دولي عام معرفتش واش قادرا ندير بيها في المستقبل . و حبيت نعرف الا كاين معاهد و لا مدارس تع البنك او الضرائب ، او حتى لعندها علاقة مع السلك الدبلوماسي ، مع العلم عندي ايضا شهادات في اللغة الفرنسية و الانجليزية.
ماستر حقوق عندها وزن في الترقية ( نظن ) ولا اللي حاب يكمل دكتوراه ، ولا الباقي كل المسابقات بالليسانس حتى مسابقة المعهد الدبلوماسي و لا المدرسة الوطنية للادارة ولا ادارة الصحة يقدر يكون عندك ليسانس قانون خاص و جوزها و تنجح عادي برك وجد
كاين فرص كثيييييرة في الخارج تقدري تشوفي في موقع المحكمة الجنائية الدولية مثلا او منظمة الصليب الاحمر او منظمة العمل الدولية او حتى منظمة الامم المتحدة وغيرها من المنظمات الدولية دائما يفتحو تربصات تع 3 اشهر او 6 اشهر بيهم تحسني السيرة الذاتية تاعك وتقدري تخدمي فالخارج، وكاين ايضا تكوينات في الخارج في مجال القانون الدولي ولكن من تموليك الخاص
كاين المدرسة الوطنية للضرائب تكوين رائع نظن بالفرنسية يدخلها اللي عندو ماستر في العلوم القانونية كيما جماعة الحقوق يجوزو ثقافة عامة ، مالية عامة ، قانون تجاري جوبونص المهم عندك مواد و انت خير ، و نظن تان اختبار في اللغة الفرنسية ولا انجليزية، و عندك الشفوي ، فيها اساتذة ما شاء الله و تقرا عامين
هدوك الشهادات يفيدوك في مسابقة المعهد الدبلوماسي اللي تابع لوزارة الخارجية
ماراكش مسجل معانا. تقدر تفيدو؟
تقدر تدخل بسهولة منا
Sign in with Google