
مجهول
سلام ممكن نصقصي اصحاب القانون الا كاين طريقة باه نمنع عائلتي من التعرض ليا مع ال..
سلام ممكن نصقصي اصحاب القانون الا كاين طريقة باه نمنع عائلتي من التعرض ليا مع العلم منيش صغيرة وتعرضت لعنف كبير

اذا كونت صغيرة ولا كبيرة الامر يوعد ليك تقدري ترفد عليهم دعوة قضائية عند خقوق يحميوك بشرط يكونو عندك ادلة تسجيلات صوتية او أعراض عنف على الجسم وراح تكون هنام عقوبات عديدة في محضر القضائ ربي يسركم او يحميكم نشأ الله امر مؤسف جدا رانا في 2020 او مزالنا نسمعوا الإعتداء بالعنف في العائلة ربي يفرج عليكم

مانيش من أصحاب القانون و لكن يمكنك إداع شكوى لدى وكيل الجمهورية و عندك الحق باش تحمي نفسك من التعنيف .. لكن نصيحة أختي إجتنبي الطريقة هاذي باسكو في الأول و الأخير هاذي عائلتك مهما تعرضتي للعنف تفكري ديما بلي هوما فقط ليحميوك .. و ربي معاك إن شاء الله


ما تخافيش عمبالي كون ملحقش لموس لعظم ماحش تشكي بيهم روحي و ماتسمعيش ليقولولك والديك كيفش تشكي بيهم خاطر كين شحال من والدين لحقو يقتلو ولادهم و كاين اللي خلاوهم ينتاحرو و ربي معاك ختي اذا نتي من العاصمة ابعتيلي عندي معريفة مع محاميين و الشرطة

واذا اخوتها غاليين يسكرو ويزطلو وكل مايروحو يكسلوها بطريحة علاش ديما العيب في المرأة لو كان شافت روحها دارت حاجة ماتصلحش ماتجيش تحوس تحمي روحها منهم كانت تقفل فمها وتسكت البيوت أسرار واحد ماعلابالوش وش راه صاري


À chaque fois tet3erdhi l la violence tro7i tdiri certificat 3nd le médecin légiste w lakan 9derti tzidi des vidéo wla , haka ykounou 3ndk des preuves ki techki t3rfi tjibi 7a9k machi techki sans preuves tzidi trow7i yzido y3tiwk tri7a whdokhra 😔

تقدر تقدم شكوى لوكيل الجمهورية و لازم تكون عندك شهادة من الطبيب الشرعي بلي راكي تتعرضي للعنف الجسدي

أكيد يمكنك رفع دعوى قضائية عليهم، و للناس اللي يقولو اخطيك نقلهم انتوما راكم تشاركو فهذي الجريمة البشعة الممثلة في تعنيف الأولاد، انت كإنسان عندك حق يضمنهولك الدستور و يضمنهولك الدين ألا و هو العيش بكرامة و الحماية الجسدية سكفلهالك القانون

القانون يحميك حتى لوكان مكنتيش قاصر قدمي شكوى و دخلي نتي و في يدك شهادة بلي وحتي لطبيب الشرعي و تعرضتي للعنف الجسدي كان بالعنف اللفظي و دخلوا للحبس عندك كل الحق باش توفيتهم و باش القانون يجي معاك هادي تتعد جريمة من جرائم الاسرة

دوكا على حساب شكون ضربك و درجة ضرب يعني اذا كان شويا من طرف باباك و لا ماماك و كنتي ولا كنت اقل من 19 سنة هنا مراح يدولك والو لاخطر ضرب التاديبي مقرر قانونا و اذا كنت كبير و ضرب تاعهم دارك عاهة يعني بقاو اثارو تقدر تشكي ترفع دعوة قضائية و اذا ماشي ماماك و لا باباك يعني شخص واحد خر من الاقارب تقدري تشكي بيه و هاو ليك

وش من عنف تقصدي ؟لفضي ولا جسدي وتهديد حياتك الخاصة؟نتمي ماكونش برك عنف جسدي وتهديد بالقتل لانوهدا مايتسكتش عليه .وكاين قاضي شؤن الأسرة لي يتكفل بيك وبحالتك ماعليكي الا التقدم بطلب خطي فيخ شكوي مرفوق بشهادات طبية او شهود اذا وجدو اوي اي ادلة اخري_ادا راكي مهددة بالقتل راح تتكفل بيك مديرة شؤن الأسرة والشؤن الاجتماعية يحطو في سنطر

Khti haja lwla ay haja tbayn bli rahom y3tadiw Alik swriha w wriha la police wla l'association , matsktish svp ahedri w matkhalihomch ykmlo hka


كاين جمعيات حقوق المرأة بلاك يعاونوك كيفاه و زيد لازم تروحي لطبيب باه يكون عندك ادلة

ما طبيعة العنف ؟ هل العنف و الضرب العمدي المؤدي الى العاهات ؟ يعني هل هم عاءلتك صح ؟ او كفالة؟ لان الشكوى بين افراد العايلة فقط تكون من افراد العايلة لا غيرهم و تستطيع رفع شكوي ....

يتسما داركم يعاملوك كي لكلبة نورمال وكي تشكي اكي ماتسوايش بسك راهم عايلتك؟؟ ختي اشكي عند وكيل لجمهورية و لاقدرتي ديري سارتافيكا على الضرر لي ف جسمك و روحي ارفعي دعوة ، العايلة ماشي لي تجيبك لعايلة لي تحسي روحك راكي محمية و ماتخافيش عندهم و هذو راهم بلى برك من عند ربي

ختي كاين جمعية وسمها réseau wassila هاوليك تلفون تاعهم 0560100105 هاذو يحاولو أنهم يلقاولك حلول قانونية بش متزيديش تتعرضي للعنف و لكن لازم بدليل كي تضربي صوري الكدمات و الا عندك شهادة ابعتيهالهم و راح يتكفلو بيك اذا هاذوك الحلول موصلوك لوالو كاين عندهم اقامة للنساء المعرضات للعنف و تقعدي عندهم .... تواصلي معاهم و استفسري كثر .... و متسمعي لهدرة حتى واحد والديك ولا خوك ولا ولا لي عنفك لازمو يتعاقب لانو نتوما دايمن ضد المرأة ظالمة ولا مظلومة بصح علاه جامي سمعنا راجل يحكي بلي تعنف الله اعلم بصح راجل كي يعنف تقفو معاه مثل هذه العقليات لازنها تتعدم


اذا كان العنف جسدي و فيه خطر على سلامتك و حياتك انصحك بتوثيق ذلك من خلال اللجوء لطبيب شرعي يسلمك وثيقة تثبت عجزك و تعرضك للضرب
بصح كاين تعليق تدل على المستوى الأخلاقي تع اصحابها متعرفوش تجاوبوا باحترام. .وشكوم قال والديها الي يضربوها هي قالت عائلتي بلاك خوها بلك راجل اختها بلاك عمها. و باش هدرت يعني نضرلت بزااف و ضرب مبرح. هي سقسات سؤال واحد مراه عارف الداخليات كيفاه. ربي يكون معاك

الله يهديهم ، والله غضتيني اختيتي😢😢. ممكن اهلك مرضى نفسيا . ابعتيلي ف خاص من فضلك

نصيحة من عندي ومانيش نشجع فالعنف وندافع عليه، قبل ما ترفعي القضية تعك اذا بغيتي متخميش غير فروحك، مثلا فكري فخاوتك الصغار لي حا يڨعدو بلا أب كي يدخل للحبس، فكري فأمك لي معندهاش منين تجيب المصروف كي يدخل راجلها للحبس، فكري فأمك كي يبقى قلبها محروق على وليدها لي خش للحبس اذا كنت قادرة تصبري حتى يفرج ربي اصبري وانت مولاة الراي وهاذي نبذة برك من ما خفي 🙏🙏





كي يضربوك روحي خرجيلهم كارطة ويديرولك تعهد في مركز الشرطة بعدم التعرض ليك

اكيد كاين قوانين تحمي، الجريمة و العنف غير قابل التبرير متسمعيش لي يقولك هدرة الناس أو والديك،راهم يموتو كاين 31 امرأة قتلوها من جانفي لحد اليوم غير اجري على روحك واحد فالكون معندو الحق يضربك يعنفك و يقتلك.

ولا تقل لهما اف ولا تنهرهما وكاين لي راهم يحرضو فيك باش ترفدي قضية على والديك غريب مجتمع معاق

الناس لي طيح فاها حبيت نقلكم ما تحكموش و انتم ما كمش عارفين حكايتها الطفلة ادا كانت ظالمة او مظلومة حاجة ما تخصكمش هي حبت تعرف طريقة يا تجاوبوها يا ماكالاه تجرحوها و زيد ما قالتش حنحط والديا فالحبس قالت طريقة باه ما يتعرضوليش ربي يستر البنات كامل بسكو لي ما تلقاش الرحمة و العون في دارهم مش حتلقاها فالناس لي لبرا لي على كلمة يوكلوها نرمال...

صغيرة و لا كبيرة عندك حق ديري شهادة طبية و شتكي بيهم غادي يخوفوهم برك ميحبسوهمش ولا و ليراهم يقولو والديك ومنا كاين لي والديهم سكر وكاين لي ظالمين و يدربوهم رانا نشوفو وحدين يوصلو للانتحار بسبب ضرب و العنف بقوة مالا ساكت عن الحق شيطان اخرس

الناس لي تقول ام يحكميوك ومنعرف وش علاه لازم الضحية تكون متهم؟!! كاين لي يعذبو بناتهم هكا بسك بنات برك ويجيبولهم العار المزعوم 🤦🏻♀ يا لي تقولو عايلتك تبقى عايلتك ملخر الضرب عمرو ما كان حل ولي يعرف يخمم يربي بلا ضرب ولا تعذيب، العنف يولد عنف وربي سبحانو محرم الضرب المبرح بسك يعقد بنادم كون جات الدنيا الدنيا يهزوها فوق راسهم باه كي يكبرو الوالدين تهزم فوق راسها. شوفي أختي اني صح مزلت شابة بصح نقلك في بلادنا كاين قانون بصح راح يجيبلك حقك صح لا باينة وراح تعاني وكيما دراو العباد ادوم فلكومونتار ويلومو فيك المجتمع راح يلومك اكثر، هزي يديك وادعي واشكي للمولى راح يجيبك حقك فالدنيا والاخرة، وانت حاولي تبتعدي عليهم هزي المصحف اقرايه متهدريش معاهم واصبري ولاكان كاين واحد فالعايلة كبير وواعي اطلبي منو يساعدك، وربي يفرج عليك همك وان شاء الله تولي حياتك أحسن من اكاك

اختي إلا والديك لي عنفوك راهم مراض نفسيا لأنو مكانش سبب يبرر العنف راو مرض عالجيهم مش تشكي بيهم والله رام والديك لي رباوك وتعبو عليك مهما يكون هذا ابتلاء من ربي متڨيسيش والديك بأنك تشكي بيهم صح صعيبة ومش من حقهم و تڨيسك بصح كي ديري هكا عمرهم ينساولك فعلك ولا يسامحوك وتخسري أخرتك حاولي تدعي ربي يفرج عليك والوالدين مش كيما أي ناس لي ملازمش تصبري ولا تسامحي بصح والديك لاشتا ظلموك يبقاو والديك وإذا فرد خلاف من العائلة هذيك تولي ليك عندك الحق تتخدي القرار لي يساعدك وربي يفك أحوالك نشاله

اذا كان العنف لفضي من اب ام اخ ننصحك ختيتو اصبري يبقاو والديك حتى لو قساو عليك ولي رح يجيك من لبراني صعيب اما اذا كان العنف جسدي وتسببلك في رضوض او جروح فاضروري تستنجدي بلسلطات لي رح تحميك حتى داخل داركم لكن بشرط ختي مش تروحي تخرجي من دار وديري وش تحبي ممبعد تشتكي انا لو بنتي تعملها نكسرلها رجليها










كاين الاعتداء وكاين الاصابة الاعتداء عادة ميكونش فيه ضرر كبير يعني بالعامية ضربك بكف اما الاصابة يضربك بحاجة يسببلك كسر او تشوه تقدري ترشيه في الحبس خصوصا اذا كان دائم

اولا لازم تقرير طب شرعي الي يثبت انك تعرضت للضرب و مبعد ارفعي دعوى ضدهم لدى وكيل الجمهورية
ماراكش مسجل معانا. تقدر تفيدو؟
تقدر تدخل بسهولة منا
Sign in with Google