![](/static//assets/img/anon.png)
مجهول
1- ممكن تسقسيلي أنا تخرجت السنة هادي ممرضة للصحة العمومية ISP و حابة ندير تخصص ت..
1- ممكن تسقسيلي أنا تخرجت السنة هادي ممرضة للصحة العمومية ISP و حابة ندير تخصص تخدير في فرنسا هل نسمح ف البوست هنا ف دزاير و نروح و كيفاش نسجل تما و لا ندير عام صون صولد؟ عاونوني شكرا 2- انا ممرضة راني حابة نروح نخدم في دولة عربية وش من دول لي فيهم فرصة مليحة و اذا نعاود نقرأ و نخلص دراهم ولا نخدم مور تاست برك و كيفاش نبدأ كاين مؤسسات مختصة تساعد ولا كيفاش شكرا
![](/static/profiles/files/16774/thelittleblackhijab.256.333350.jpg)
انا نجاوب على السؤال الثاني. اعتقد بالدول العربية المقصود الخليج خاطر البلدان الاخرى شوية ماشي لراهي في احسن احوالها. انا نقلك على الامارات خاطر عشت فيها. والخليج كامل راه نفس الشي. التمريض بصفة عامة يخدمو فيه الفلبيين والهنودة بزاف والخدمة تع التمريض ماشي لي ساهلة ممكن تضطري تخدمي ساعات متواصلة وكاين ايضا انواع مثلا الاعتناء بكبار السن في ديارهم وكاين في المستشفيات وغيرها. والخلاص نتاعهم تقريبا في حدود 5000 درهم والشهريات متفاوتة على حسب المدينة. الشهريات في المدن لكبيرة كيما دبي وابوظبي والعين احسن من المدن الاخرى. دنك الشهرية هادي مليحة في دبي ولالا؟ اذا تسكني وحدك ماشي مليحة.اذا تسكني مع جماعة ايه تجيك معقولة ممكن توفري شوية اذا ماعندكش مشكلة في الغربة. ويدورولك امتحان قبل ماتتسجلي كممرضة والمعلومات عليه كاملة في رابط دك نجطو تع وزارة الصحة وكاين امتحان وسمو DHA اذا رايحة تخدمي في دبي ممكن ثان تطلعي عليه في الاخير راي شخصي الغربة ماشي ساهلة وماشي هي الحل دايما اذا لقيتي بوست في دزاير بين ماليك خيرلك تخدمي بلادك وماليك وراكي مستقرة. في الغربة اول ماتخلاص فايدتك يرموك. وكل واحد حر في حياتو وقناعتو وربي يكتب الخير للجميع
![](https://instagram.fbah6-1.fna.fbcdn.net/v/t51.2885-19/s150x150/67943135_394647874533718_1889259309242515456_n.jpg?_nc_ht=instagram.fbah6-1.fna.fbcdn.net&_nc_ohc=AZBg8ACFX-kAX_yDIBC&oh=3d014a8e77f940a88b125bba48799563&oe=5FB60B08)
اولا كي تروحي لفرنسا لازم لازم ديري ليكيفالونس بعد ما ديريها تخدمي عامين كحد ادني كممرضة متحصلة على شهادة دولة و كي يفتحو ليبوست تع تخذير . ديري كونكور بأه ديري تخصص في التخذير و الإنعاش و تنجحو حسب ليبوست... يعني كيف هنا في الجزائر...ملاحظة كي تبطلي هنا تروحلك كل حقوقك لا تخزي ديبلوم لا شهادة لانو لي يحب يهز ديبلوم لازم يبعت للمديرية الصحة و مديرية الصحة تبعت لوزارة الصحة و زارة الصحة تبعت لمعهد لي قريتي فيه بلي عندك الحق تهزيه اذا كملتي سبع سنوات خدمة... او تخلصي دراهم بكرى كانت سبعين مليون درك مئة و خمسين مليون...
![](https://instagram.fbah1-1.fna.fbcdn.net/v/t51.2885-19/s150x150/90425330_1899822826991518_1970020396807749632_n.jpg?_nc_ht=instagram.fbah1-1.fna.fbcdn.net&_nc_ohc=pbOH9FTM-AsAX8p448a&oh=03d0b634daa47a923ebcc0d13f525f3b&oe=5FB8C324)
ختي ماتقدريش ديري تخدير ديراكت تما .. لازم تعاودي تقراي من الاول .. و شوية صعيبة يديرو كونكور قبل ما يدخلوا
![](https://instagram.fbah1-1.fna.fbcdn.net/v/t51.2885-19/s150x150/118964743_368468201222106_4016695424753583629_n.jpg?_nc_ht=instagram.fbah1-1.fna.fbcdn.net&_nc_ohc=jCCkV9XD5ZYAX_YksAe&oh=d782c87a4a46f7c349f0aabc008cb4e9&oe=5FB5637F)
لازم مع الأول ترسلي السيرة الذاتية نتاعك بالاك تكون عندك فرصة نتاع مقابلة عمل اون لاين بالنسبة السيرة الذاتية كاين هاذو يخدملك سيرة ذاتية إحترافية على حساب البلد و بالتوفييق @cv.builder11
![](https://instagram.fbah6-1.fna.fbcdn.net/v/t51.2885-19/s150x150/109076683_218997189319452_1524808268823859287_n.jpg?_nc_ht=instagram.fbah6-1.fna.fbcdn.net&_nc_ohc=xa0Jl5eKMXwAX-Snm5K&oh=f0f07fa34bcf4633509223c28cee29c5&oe=5FB6721E)
بالاكي تسمحي في لبوست تاعك غير ماتتاكدي لتم كلشي مساعدك. بالاكي. دير عام وروحي سيي اقراي. تي لازم تعرفي وين رايحة تقراي قبل. واذا عندك لانجليزي ديري بريطانيا خير معروفين في التمريض مي تستقام شوية. تقدري بصح تديري تقراي وحدك وتديري اختبار برك
![](https://instagram.fbah6-1.fna.fbcdn.net/v/t51.2885-19/s150x150/118355227_157229339369514_6073024754909189078_n.jpg?_nc_ht=instagram.fbah6-1.fna.fbcdn.net&_nc_ohc=4Y29GauVYRQAX-8Pt6K&oh=f4da6823527a6e3d9e0953e13766c92c&oe=5FB873F8)
معنديش فكرة كيفاه تروحي ولكن اذا قريتي في فرنسا رايحة مباشرة بعد ما تخلصي تلقاي خدمة ثم لانهم يحتاجو الممرضين
![](https://instagram.fbah1-1.fna.fbcdn.net/v/t51.2885-19/s150x150/119011222_109679727462436_4257226884433120839_n.jpg?_nc_ht=instagram.fbah1-1.fna.fbcdn.net&_nc_ohc=v4r6kbg11SEAX_2vIXn&oh=f07c60e3c4be8e177c07c807e0964473&oe=5FB70693)
انا حاب نقرى تمريض يا إخوة يا كرام سوا في دزاير ولا في الخارج اي معلومات نستفيد منكم
ماراكش مسجل معانا. تقدر تفيدو؟
تقدر تدخل بسهولة منا
Sign in with Google