1- اذا تسألي عندي دبلوم انجليزي مي باغية نولي صحفية هل نقدر ولا لازم نديردبلوم؟ ..

1- اذا تسألي عندي دبلوم انجليزي مي باغية نولي صحفية هل نقدر ولا لازم نديردبلوم؟ 2- تعيشو انا عندي ماستر 2 في الصحافة بصح مانيش حابة نخدم بيها ممكن تقترحوا عليا des formations ملاح نديرهم باش نخدم في الشركات. 3- انا طالبة في المدرسة العليا الصحافة حابة ندير اتصال كتخصص بصح علابالي فرص العمل مكاش ايا حبيت ندير سطاج ولا formation فيها مستقبل مدولي اراءكم بليز علما اني متمكنة في اللغة الانجليزية و الفرنسية و نسلكها اسبانية كما اني مبتدئة في مجال الطرز

أكيد لي عندو دبلوم إنجليزي يقدر يدير صحافة يعني دير تربصات و دورات تكوينة في مجال الاعلام و يعطوه شهادات و يقدر يخدم بيهم نرمال.

يرحم باباك ماشاء الله عليك تقراي مدرسة عليا و تتقني لغات و تقولي مكاش خدمة تفائلي خيرا طوري من نفسك و سوف تعملين في المجال الذي تحبيه لاهاطر رانا نشوفو مستوى الصحافيين و كل من هب ودب يرجع مقدم و منشط

ممكن تبرطاجيو سؤالي بليييز

@kho_ul_ud

@chourouk

ايا لي قرا شي حاجة يروح يخدم فيها عفوووونا قع حبيتو تولو صحفيين كل من هب ودب باغي يولي إعلامي لي عينو فالإعلام كون قراه ماشي تروحو تقراو حوايج آخرين لمستقبلكم و تجو تحامرونا في مجالنا ...دوك مين تقرا انجليزي تولي صحفي و محاسبة تولي صحفي و طبيب تولي صحفي و ممثل تولي صحفي و بهلول في مواقع التواصل تولي صحفي و تبيع الخيمارات تولي صحفي و مغني تولي صحفي و طباخ تولي صحفي و تقرا اي حاجة و لا ماتقراش قع تولي صحفي ...لي قرا صحافة واش يدير ؟؟؟ ااااه واش يدير يتفرج فيك مثلا...علاش السودار مايوليش طبيب و النجار مايوليش معلم و الحلاق مايوليش مهندس و لي قرا انجليزية ما يقريش فلسفة بالصح الإعلام قع حابين تولو اعلاميين اخطوووووونا ياااااا لاكان هاك يغلقو كليات الإعلام والصحافة و ارواحو انتوما خدمو...افهمو بلي كل تخصص و الخدمة نتاعو حين اصبح الإعلام مهنة من لا مهنة له

بمعرفة طبعا تقدر تخدم اي حاجة تحبها

عندك مؤهلات تاع تخدم مراسل في كانش دول في الخارج ناطقة بالفرنسية ولا الإنجليزية

عيشك المدرسة العليا للصحافة وين جاية انا عندي ديبلوم اتصال و علاقات عامة حابة نكمل قرايتي بصح التخصصات لي في ولايتي ماهمش من اهتمامي

كاين مدرسة في الجزائر العاصمة كانت تقبل لي عندهم ليسانس إنجليزية أنهم يديرو ماستر صحافة و يخيرو الإختصاص لي يحبو على أساس مسابقة كتابية تنظمها مي هاد العام كلش حابس مع كورونا.