مجهول
اذا تسالي انا درت مشروع منزلي تع ازالة شعر l’épilation à domicile في ولاية تيارت..
اذا تسالي انا درت مشروع منزلي تع ازالة شعر l’épilation à domicile في ولاية تيارت بصح مامشاليش مليح ماعرفتش واش هو المشكل بالرغم درت اعلان مدفوع في الفيسبوك وكلشي ماعرفتش لا المشروع فاشل ولا كاش ماناقصني
الناس مايديروش كونفيونس ماشي اي انسانة تقدر دخلك لدارها الوقت صعيب ننصحك ديري حانوت ولا في دارك و هوما يجوك احسن
و ديري اعلان على ارض الواقع ثاني يعني اخدمي لناس و خلي الناس تهدر على خدمتك ايضا شوي صبر البداية تاخذ وقت شوي
De préférence t7absi mn dork diri haja whdkhra psk l'idée machi mliha hta ltem mknch li tebghi trouh 3nd whda tgl3lha c'est rare. Je te conseille autre chose, ida ta3rfi tkhdmi la cire f dar bday khadmiha w diriha f des bocaux las9i fihom logo t3k w bi3ihom, t9adri diri des gommages w swalh whdkhrin fait maison
ليس المشروع فاشل بل انتي لم تأخذي دروس في التسويق..... اهتمي بالتسويق.... و مشروعك ناجح
Je te conseille tekhdmi b marketing relationnel y3ni tebday khedma m3a hbabatk w huma yrecommendiwk lhebabatehom w hakka hettan twli m3rufa fl wilaya surtt ila kant khedmtek n9ia w l prix raisonnable si non chufi m3a les coiffeuse wla diri des conventions m3ahum a3tihum un % 3la les clients li yeba3tuhumlk w nchlh raby yjiblk lkhir
والله عيب هاذ الأمر صراحة كاين مهن ومشاريع أفضل من هكا ننصحك غيري الفكرة
مشكل ثقة + اليوم كلشي متوفر باش تنحي فالدار وحدك و لي متقدرش تخير صالون اذا تقدري تفتحي او تخدمي مع صالونات لي عندكم قيس ميوليو يعرفوك من بعد ترجعي تخدمي فالمنزل
Ab3etih l kach wehda 3endha bzaf les abonnés 'influenceuse' ou haka idirlk une pub et bon courage
اي مشروع يحتاج إلى محتوى جداب و خطة تسويقية للخدمة لي راكي تخدمي فيها
Lokan jiti kodami fi alger w tkhdmi bon prix ndir andek abonnement
Ouvre une page f Instagram w hati les annonces madirich fel Facebook w Chofi kach wahda m’en instagram ma3roufa fel wilaya ta3ek w proposer Aliha sois tnahilha batel w dirlk la pub w tahder alik ma3a n’as li ytba3oha w pour les prix naksi gad matkderi ala hafafet bah yajok n’as psk rayhin yagolo alach nroh lik nti w machi hafafa et bah c’est le prix w f dar diri un coin spécial zaama une chambre zawkiha w jibi matrah kima ta3 les salon w khaliha thess rahi f salon
Je te conseil Instagram ! Les gens sont plus actifs sur insta que sur Facebook
ليس مشكل تسويق، انما مصداقية المشروع، حطي نفسك مكان الزبائن تعرفي ماهي النقائص،
Balak les prix tele3tihoum bzef , franchement ena c’est à cause des prix li t3elemt nehi b la cire wehdi f dar
Blk koun tkhdmi f Salon khiir m3a whda w diri les clients t3ek mb3ed rdiha a domicile psk hka ness mydirouch confiance
بالاك راكي ف منطقة ماعندهمش الامكانيات لهاد امور يفضلو ينحو ف دار زيدي حاولي ديري عروض للعرايس و هدايا رمزية ليهم شوفي كاش صالون حلاقة و لا اخدمي معاهم ديري عروض كيفكيف
Hey beautiful i'm starting a small business soon please follow me and share with your friends ❤❤
تقدري ايضا تتفاهمي مع كاش حفافة تخليك تخدمي في الصالون تاعها و تعطيها نسبة صغيرة من الربح
حاولي تراسلي كاش وحدة عندها استغرام معروفة ف شلف ممكن طاڨيلك اسمك وممكن ادا حبت تجرب هي وتقول رايها وديري انستغرام حاولي تروجي فيه
Non ma belle khasetek blk une publicité f la région ta3k men 3and des pages connues et concentre toi sur les photos surtt lzm une qualité chaba ,et surtot les routeurs des clientes ta3ek avant et après lmofid une bonne publicité au niveau de ta wilaya ,et chofi les astuces de marketing comment , et comme tt le monde sait chgoul el mlih ytwel wahda wahda khti ❤️ bonne continuation
لازمك تحلي صالون تستقبلي فيه الزبائن لان انا وحده نخاف نروح عند وحد في دارها ومنجببش تاني لداري ونزيدك معلومه خدمات التجميل بكل انواعها مراهاش تمشي لان النسا ولاو يديرو كلش وحدهم
مشروع فاشل اكيد 99% من البنات يطهلاو فروحهم في ديارهم و كاين لي يحشمو يروحو عند صالونات و لا نوع هكا فاكيد راح يفشل نصيحة بما انك فتحتي صفحة و خلصتي عليها استفيدي منها بحاجة نتي تعرفيها مثلا حلويات منزيلية تخدمي اشغال يدوية او شيء من هاذ القبيل وبتوفيق
غير شوفي مشروع وحدوخر دركا مع اليوتوب كامل تعلمو ابيلاسيو و هذو الصوالح غير الا كانت حاجة فخمة او ليزر ممكن تمشي بصح هكا ما شكيتش و ربي يوفقك
مشروعك يحتاج وقت باش تكسبي ولازم تعرفي كيفاش تسوقيلو ملييح وتوصليه لأغلب ناس
ماراكش مسجل معانا. تقدر تفيدو؟
تقدر تدخل بسهولة منا
Sign in with Google