مجهول
اذا تسألي واش رايكم في مشروع تصليح الالكترونيات و كهرومنزلية والهواتف في المنازل..
اذا تسألي واش رايكم في مشروع تصليح الالكترونيات و كهرومنزلية والهواتف في المنازل؟ يسمى اتنقل باش نصلح للناس في بلاست مايكون عندي محل ويجوني؟ وهل كاين لدار مشروع هكا ويسوقلو في الانستاغرام؟
سلام عليكم، فكرة جيدة وجديدة، بالنسبة لهذا المجال يكون عنده إقبال مليح لانك راح تنقص علئ الزبائن التوصيل وغيرها لكن من الافضل تبدا بالاسعار مغرية بش يجيك إقبال مليح وايضا في راي من الافضل تفتح صفحة فايسبوك أولا افضل في التسويق علئ الانسقرام، وبالتوفيق للجميع 🙌😊
Haja mliha bzf nas maandhomch voiture bach ydeplaciw w yado haja mkasera
هي فكرة جيدة وممتازة وقد لا تستغرق وقتا كبير كالتي تقضيها في تصليحها في المنازل اي انك ستكون احرص على تأدية العمل في وقت اوجز وبذلك تكسب وقت وادارة الوقت امر مهم و اساسي في حياة الفرد..وطبعا لازم تفتح صفحة على الفيسبوك والانستغرام تساعدك على العمل بشكل اسرع مع حساب حق التنقل على حسب بعد المنطقة على مكان اقامتك... وبالتوفيق ان شاء الله
Oui mliha dir l’annonce sur ouedkniss et les réseaux sociaux rabi yewaf9ak ♥️
والله حاجة ملييييحة بالبزاف انا فسدتلي الثلاجة تاعي وكبيييرة وساكنة في الثاني عيينا نلقاو لي يخدمهولنا في الدار ولو بنيلغ مرتفع بالتوفيق أخي مشروع هايل ماشاء الله
Très bon idée Ana khoya dayrha w nj7 fiha hmdllh llsl ykoun 3andk l'outillage kml
والله فكرة هايلة ربي يوفقك ان شاء الله وننصحك بالتسويق في الفيسبوك و الانستغرام زادا
مشروع مليح ربي يوفقك بصح دير حسابك التلفون يكول باه يتسقم مالا لازم تخدم زوج ولا ثلاثة معاك هكاك تسهال ليك اكثر 👏👏👏
كاين اللي دارو هكا و حنا نستعملوا هاذ الخدمة و باش تسوق لروحك دير بطاقة فيها معلوماتك كالهاتف و غيره و وزعها عند باعة اللوازم تاع الاجهزة اللي نتا تصلحهم و هوما بدورهم كي واحد يسقسي على خدام يمدولو بطاقتك، هكا يدير بابا باش يلقى خدام يصلح الحاجة اللي نحوسو نسقموها. بالتوفيق
Oui kayn bzf hakka w yakhdmo ghaya essaie bch tpublié rouhk f insta facebook surtt la wilaya win ma taskon b les réseau sociaux t9ad tl9a lkhadma ktr allah ywaf9ak
نعرف لي عندهم حوانت تاع تصليح ويتنقلو بصح لازم تكون عندك وسيلة نقل في الخارج يديرو هكذا بصح لازم تكون عندك سيارة équipée باش تسهال عليك المهم
شوف التمويل الانستغرام ماشي كيما الفايسبوك. الانستغرام تمويلو عالمي. اما الفايسبوك تمويلو تقدر عبر التراب الوطني ولا منطقة معينة وبعد كي تلمد المتابعين حول ذيك لباجة اللانستغرام. بربي وفكرة مليحة بزاف وكي تتطور وتولي الفكرة ناجحة تحولها لتطبيق تطبيق احسن منهم كامل
ماراكش مسجل معانا. تقدر تفيدو؟
تقدر تدخل بسهولة منا
Sign in with Google