مجهول
1- انا رسامة هاوية و جامي رسمت على لاتوال راني حابة نخدم طابلو وحدي بحكم السعر ا..
1- انا رسامة هاوية و جامي رسمت على لاتوال راني حابة نخدم طابلو وحدي بحكم السعر الغالي تع الطابلوات ، اذا يقدرو يقولولي واش هوما الخطوات باه نخدم طابلو وش لازم نحتاج و أي نوع من الألوان نستعمل ؟ 2- سلام.، انا رسامة في بداية مشواري و اريد تطوير هوايتي، هل توجد ورشات للتعليم اساسيات الرسم في مدينة عنابة.
Le prix de tableaux yetheded b la taille w l medium li tekhedmi bih te9edri diri sur plance de bois wela toile wela metal kima thebi mais 9bel matebdey teresmi fiha lazem diri couche ta3 gesso ou l’acrylique heda ykoun couche de protection w tched bezaf hakak , tesha9i tani des pinceaux mleh w la peinture . La peinture doka nti wch thebi kayen gouache acrylique lhuile te9edri tekhedmi bihom ga3 w meme tzidi tekhedmi hajat wehdokhrin w nsemoh multi techniques wela tkheyri medium wahed w diri bih mana9derch n9olek chkoun khir kol wahed wch yheb mais l’acrylique nechef bel khef w mliha ida hbiti texture w lhuile tawel bech tenchef w te9edri tekhedmi l rahtek.ida khayerti lacrylique ay sahla diri wch rah diri w kheliha tenchef mais ida derti lhuile lazemlek hajat wehdokhrin par ex térébenthine heda essence tae sbigha bech nta9i bih la peinture w te9edri dirih kichghol medium, l khedma dun medium tsehelek la tache par kayen li ynechefha bel khef kayen li ykheliha tawal bech tenchef kayen li yrodha khfifa nti wch ysa3dek. Ki tkemli tableau w bech ychedlek lazemlek un vernis kaynin bezaf w kol wahed l resultat li ymedo donc nti w li yse3dek f l’acrylique dirih mor matenchef nrml mais f lhuile lazem tkheli hdk tableau yenchef minimun 6-12mois bech t9dri diri l vernis sinon mea l we9t yebda yetche9e9
أولا جيبي الإطار مخدوم من عند النجار بالمقاس اللي تطلبيه و ماراحش يكون السعر غالي و غلفيه بالقماش لاتوال او اي قماش يكون قريب ليه و يساعدك ثم اطليه بخليط لصقة تاع الخشب و صبيغة ساتيني تاع الجدران و خليه ينشف و تقدري ترسمي عليه بالاوان الزيتية او الاكرليك لكن ننصحك بالالوان الزيتية لأنو تقدري تعدلي عليها ادا غلطتي عكس الاكرليك لي ينشف بسرعة و يعني تقدري تتعلمي الاساسيات و الاساليب و التقنيات من اليوتيوب و أهم شيئ هي الممارسة و أكيد في الاول انسخي لوحات و قلدي رسامين و بالطول راح تبداي ترسمي بالطريقة الي تساعدك و راح تعرفي اسلوبك الخاص و بالتوفيق
Tab3i hadi ta3tik ideè @bs.0riginals .w La toile yjou 4 cadre mel kbir l sghir b 2000 da li ghalya la peinture sa depend nti w style ta3ek tfarji les video f youtyube tefehmi tani ahsan.
شوفي كشما عندكم طابلو مكسر في الدار اخدميه و ديريلو القماش و ارسمي عليه و زيدي شوفي افكار diy YouTube
تحتاجي لوحة من الحطب بالمقاس لي تحبي تغلفيها بلاطوال ومبعد ديري كوش تاع لصقة نتاع الحطب وتزيدي تصبغيها بالابيض وتخليها تنشف وشوفي اليوتوب تلقاي الطريقة بالتفصيل
اولا تنجمي تشري قماش الرسم و تغلفيه على إطار أو قطعة كارتونية وإذا تعذر عليك يمكنك استعمال ورق كونسون فهو يعطي نفس نتيجة الرسم على قماش الرسم بالالوان الزيتية ثانيا انصحك بالبداية بتعلم بالوان الغواش والاكريليك فبهما ستتعلمين الرسم الحقيقي و تجدي أن الألوان الزيتية جد سهلة ثالثا عليك بتعلم خلط الالوان أولا وتجربتها بشكل مربعات رابعا و أخيرا اشتري علبة الالوان بيبيو الصغيرة كبداية ابتعدي عن الالوان المحترفة الباهضة التي تباع بالعبوة المنفردة
La toile t7ebi tal3i we7dk tableau ou bien tchrih wejd...de préférence dirih we7dk yjik moin chère ... ta7teji un matériel mais mays9amch (ana nakhdmhm we7di Vu que keyn bzf des dimensions maykounouch dispo)...pr les techniques c'est vaste chérie ... nebda nahdr manfadch dnc de préférence tafarji sur youtube ou bien a9rey sur google...3endk la peinture acrylique....à l'huile...gouache et aqua...bzf yakhdmou bl acrylique et à l'huile et de tte façon k ta3rfi gedged wch 7eba diri tema tkheyri la peinture...perso je préfère l'acrylique et l'aqua w grv nakrh à l'huile hhhh mais wlh c vaaaaste ...un monde twil 3rid impo yatfrz f commentaire...annaba keyn l'école régionale des beaux arts nrmnt... sa9si 3liha ... b.courage et t7eb tsa9si j'ss prête à répondre ♡
شكون يعرف وين نقدر نلقى ف مستغانم ولا وهران لي يبيعو بجملة les cadres photo يكونو simple
Khti la raki barya tweli terasmi f les tableaux w 3andek une base f dessin ta9adri diriha lazem tkouni ta3arfi tmelangi les couleurs w tela3bi 3lihom c tt w materiel machi haja kbira tebdi f surface sghira par exp 20/30cm w techri des pinceaux w les couleurs primaires hada mkn w kayen kolech fel youtube t3almi wahdek khir
كاين طريقة يخدمو بيها طابلوات لاتوال فدار وتقدرو تخدمو بيهم طتبلوات ملاح بلاكول لبيض وشوية فينيل ديروها خليط وطوندي الكتان دير كوش ولا زوز وتخدم نورمال الوان زيتية ولا اكريليك وتخرج حاجة مليحة باذن الله
@askalgeria السلام عليكم ورحمة الله وبركاته اما بعد اختي الكريمة فانصحك بتقليد لوحة فنية جميلة و رسمها اولا على ورق كونصون ثم تلوينها و اذا اعجبتك النتيجة طبقيها في اللوحة القماشية (لاتوال ) بالنسبة للالوان المناسبة للرسم على لاتوال كاين الالوان الزيتية بصح اذا مكنتيش موالفة بيهم ارسمي بالاكريليك الوانها مبهجة و تشبه للالوان الزيتية لكن ايجابيتها انها تجف اسرع و بالتوفيق لك 🍀
ماراكش مسجل معانا. تقدر تفيدو؟
تقدر تدخل بسهولة منا
Sign in with Google