مجهول
1- اذا ممكن تسقسيلي على احسن جامعات الطب في الجزائر 2- راني حابة نعاود الباك نقر..
1- اذا ممكن تسقسيلي على احسن جامعات الطب في الجزائر 2- راني حابة نعاود الباك نقراه حر لأنو جبتو سنة 2012 باش نقرا الطب واش رايكم هل يمكن نجيبو بمعدل يأهلني ندير الطب كي نقرا غير في الدار بلا لي كور غير من المواقع
Ana 9rit ghi f dar w jabt moyen ta3 medecine hmdlh الإرادة دير المستحيل
انا نعرف واحد فوت الباك خسره قعد عامين و فوته حر راه طبيب دروك جامي تقطع لياس دير لي عليك و الباقي عل الله تعالى ديري القلب و تجيبيه انشاءالله
Bien sûr c est une question de volonté surtout que tout est disponible sur internet maintenant . Mais êtes vous sure de vouloir faire medecine ? Le chemin est trop long et trop dure si oui foncez commencez vos revisions
نعرف وحدة عامها الأول 13 عاودت حرة ، تقرى من كراساتها فقط ، جابت 18 الإرادة هي الأساس و ربي يوفقك
حتى انا عندي باك عامي الاول مترددة باش نقرا دروس خصوصية اظن ان الانترنت كافية وش رايكم ؟
انا فوت باك 2014 وراني نعاود فيه هاذ العام ونقرا غير من اليوتيوب فيه كللللشي ..غير يوتيوب وانستاغرام هذا ماكان...
لازم واحد يوريلك و ينصحك واش تقرا باش ما تضيعش الوقت ، و كي تقرى في الدار تجيب خيييير من لي يقراو في الليسي
يكذبو عليك لي يقولولك لاراده دير فنهايه كلش مكتوب اذا ربي ما كتبلكش ...اذا عندك ماده قراف فيها تعياي تقرايها مكاش نتيجه كيما المات مثلا الافضل لواحد يشوف للقدام بلاك طريق لي رلكي فيها و البرونش لي راكي دايرتها هي لي تلقاي بيها خدمه و بلاك تعاوديه و ديري ميدسين و ماتلقايش لخدمه دايمن لخير فيما اختار الله ما تضليش تكعري مع لباك و تعاودي من جديد الاحسن تروحي للقدام ماشي للور ديري ليكوغ دسواغ و لا كاش فوغماصيون لعمر يجري و لباك تاعك راهو قديم يعني عندك سنين شوماج علابالي ماشي ساعله الله يكون فعونك و عونا اجمعين
Francais @soixante_seconde tel9ay sur la chaîne YouTube des explications et des résumés dans la description des vidéos
تقدري نورمال ختي اليوتيوب فيه كلش و بالذات اذا كان عندك لوقت وتبداي تقراي ميش تخلي للخر اما القنوات العلوم : الاستاذ شاوش ) افضل استاذ علوم بالنسبة ليا) فيزيا : الاستاذ طيايبة عبد الرزاق الرياضيات كاين بزااف المشهور الاستاذ نور الدين ادب عربي الاستاذ حيڨون اسامة هايل ثاني الانجليزية الاستاذ ناصري الفرنسية كاينة قناة الفرنسية لمن يرغب شريعة الاستاذة بوسعادي فلسفة و اجتماعيات انا راني حاصلة 💔😂 و ربي يوفقك ختي
وانا ثاني نعاود فيه على جال الطب...عندي ليسانس بيولوجي ودرت بعدها باراميديكال..بالصح الطب بقالي حرقه في قلبي ههه...ادعيولي هاذ العام نحقق حلمي يارب😭
درت بارميدكال و عاودت باك زوج مرات على جال طب و ما تحصلتش على معدل لي يخليني نديرو و درك والله نحمد في ربي و نشكروا انو ربي ما كتبهوليش برغم اني كنت نحب طب و مستوى تاعي ليس بضعيف و حتى نخمم نديرو ما نقراش في دزاير ابداااا...
عن تجربة انا مجوزة الباك عدة مرات و كنت نقرا وحدي بلا دروس خصوصية مقدرتش نلحق للمعدل المطلوب حتى وليت نقرا دروس خصوصية ، و يبقى رأي شخصي
اية تقدري. اتكلي على ربي سبحانو و عاوديه و ربي يوفقك ان شاء الله. كي تنجحي و ديري ميدسين، ارواحي فرحينا بنجاحك 🥳 مام انا باك 2014 و قررت نعاودو العام الجاي ان شاء الله
ماراكش مسجل معانا. تقدر تفيدو؟
تقدر تدخل بسهولة منا
Sign in with Google