مجهول
سلام تعيش اذا تسقسيلي واش ندير واش الحاجة اللي تنفعني راني نقرا Archéologie و ان..
سلام تعيش اذا تسقسيلي واش ندير واش الحاجة اللي تنفعني راني نقرا Archéologie و انا نبغي English مقدرتش ندير طرونسفار هذا العام و مرانيش باغية نضيع عام محياتي و نعاود نرجع بروميار اني English سقسيلي اذا نقدر نكمل. قرايتي في مصر بسك يمدولنا الفيزا بسك archéologie مستحيل نلقا بيها خدمة هنا ف الجي ولا نضيع هذا العام ونرجع اونجلي والله راني حايرة رايكم يهمني
حتى انجليزية ماعندك ماتديري بيها...رانا آلاف متخرجين قبلك مادرنا والو😩 فكري مليح قبل اتخاذ اي قرار
كنت نخمم كيما انت، خيرت واش نحب English لعام هذا ليسانس... مي ندمت لأن حتى الإنجلزية ما فيهاش خدمة غير الا قريت في مدرسة عليا تلقى عمل في سلك التعليم....
كان يرجع بيا الوقت نضيع عام و نقرى إنجليزية خير من نقرى حاجة مش حابها
English تاني ما عندك ما ديري بيها في بلادنا يا تعليم يا في استقبال مع انها لغة العالم حاليا
كيف يمكنك ان تشرح للغير انك ما عدت تصلح للأحاديث اليومية السطحية انك مستنزف لدرجة انك تحتاج فسحة من الوحدة كي ترمم ما دمرته الحرب داخلك فيودور دوستوفسكي ارقى الاقتباسات في صفحتي من اهم الكتب
مافهمتش أنا لعقلية هاذي تاع نضيع عام من حياتي يقراو معايا بزاف كبار علينا بخمسة ست سنين وعادي لمهم دارو حاجة يشتيوها قادر تكملي فهاذ التخصص وتفوت عشرين سنة وتندمي علاه مادرتيش وش بغيتي
انا في العام الاول ضاعلي و عاودت الباك و درت لغة انجليزية مرات يغيضني لعام لي راح بصح المهم درت حاجة لي نبغيها
يضيع عام خير ملي يضيعو عوام وتكمل منبعد متلقاش وتقول كون غير دير انجليزية راني دايرها والله ما تندم
مكانش حاجة اسمها نضيع عام .الحياة فالكاليتي تاعها ماش ف مدتها .اذا كنتي تحبي صح الاونجلي وتتفوقي فيها نورمال كي تستناي عام وابروفيتي لمدة لي تروحلك بكاش فورماسيون . قبل ماديسيدي سقسي لي قروا لي برونش في زوج وفهمي مليح واش راكي حابة .انا عندي ليسونس اونجلي اذا كاش ماتستفسري
اكبر غلطة في حياتك انك تقول نضيع عام اذا نتا علابالك وش حاب علاه تضيع في وقتك انا بالنسبة ليا نقول نضيع عام خير من ما تضيع حياتي كاملة
تضيع عام و تقرى حاجة تشتيها خير من تقرى حاجة متشتيهاش و راح تبعك حياتك كامل
ماراكش مسجل معانا. تقدر تفيدو؟
تقدر تدخل بسهولة منا
Sign in with Google