معليش تسقسيلي على موقع fiverr اي معلومة ممكن تفيدني وكم من الوقت يجب الانتظار حت..

معليش تسقسيلي على موقع fiverr اي معلومة ممكن تفيدني وكم من الوقت يجب الانتظار حتى يتم تحويل الاموال من الدول الأجنبية الى هنا ؟ وكيف تتم عملية البيع بصفة عامة ؟ شكرا مسبقاً!

إدا حاب تخدم freelancer في فايفر افتح حساب باي بال و فعلو بكارت فيزا وأحسن تكون نتاع البنك بايسيرا لي في ليتوانيا .روح تليشارجي تطبيق بايسيرا من بلاي ستور و انشئ حساب بنكي في البنك ومنبعد اطلب منهم كارت فيزا ( كلش ساهل خطوات ساهلين ) ، مي المشكل أنو بايسيرا متبعتش لكارت فيزا خارج الإتحاد الأوروبي مالا لازم يكون عندك عنوان نتاع واحد من لافامي باش يبعتوهالك .مي لكان معندكش لافامي في أوروبا مكاش مشكل شوف في ليباج فايسبوك كايين بزاف لي يقدرو يأمنولك هاد العنوان الأوروبي ويجبوهلك في لدزاير للدار، وكاين حاجة تاني كي تطلب كارت فيزا من بايسيرا لازم يكون عندك في حسابك في بايسيرا 10 يورو رسوم لكارت فيزا والشحن وكلش ، مالا هاد ليباج راح يعاونوك بزاف تبعتلهم ب ccp وهوما يبعتولك 10 أورو للحساب نتاعك باش تقدر تكمل طلب الكارت فيزا . وهادا مكان كي توصل يجيبوهالك وتفعل بيها الباي بال وتسحب دراهمك من الباي بال لبنك نتاع بايسيرا وتقدر تحولهم لدراهمنا بطريقتين سوا في البنوك الجزائرية وهادي مننصحكش بيها ولا تبيعهم بسعر السوق السوداء وهو الخيار الأحسن لأنو سعر السوق السوداء اعلى. روح ليباج فايسبوك اكتب برك paysera dz و اعرض دراهمك للبيع ودك تلقى لي يشريهم، كاين تطبيق جزائري موثوق يعوضك على ليباج فايسبوك لكن نسيتو اسمو، المهم روح لهاد la chaîne you tube دك تلقى شرح تطبيقي لكلش CDM TV dz

اولا تفتح حساب بنكي ويفضل بايبال ثم تربطه بحساب بايسيرا وتفعله وللربط بينهما يجب ان يكون لديك في حسابك بايسيرا دولار او اثنان ثم تنشأ حساب على موقع فايفر وتقوم بتعديل حسابك الشخصي ثم تختار الخدمة التي تقدمها وتخضع لامتحان بسيط من طرف الموقع بعدها تستطيع ان تنشأ خدمتك التي تدعى قيق بعدها يمكنك الترويج لخدماتك عن طريق وسائل التواصل الاجتماعي لتحصل على اول زبون لمزيد من التوضبح تابع حساب @dzmoney22

مبقات خدمة في فايفر مع هنود متبانش قاع روح خدم في لواقع ولا كاين طرق أخرى بصح معيكوهملكش ناس لازم تحوس

سلام عليكم موقع فايفر متخصص في الأعمال الحرة المصغرة، مثل تعديل فيديوهات وصور ، لوقو ، كتابة المقالات، ترجمة ، تسجيل صوتي وغيرها الكثير من المهارات الي يمكنك تعلم احداها ودخول السوق بها ، من الافضل ان تكون جاهز للعمل فيه ، من الافضل يكون عندك بايبال مفعل أكيد ، او فيزا كارد بايسيرا او ماستر كارد بايونير حسب تجربتي الدفع الاولئ تكون عبر الحاسوب ولا يمكنك غير التطبيق فقط لان فيها تأكيد (نظام أمان) وايضا كيفية جلب المبيعات للمجالك في العمل ، وهو نشر اعمالك في قروبات اجنبية من الافضل او فتح صفحة فايسبوك او انستقرام لتنشر فيها اعمالك او يمكنك ايضا فتح بلوجر تعرف فيها عن نفسك واعمالك وترسلها للخاص في بعض الحسابات او مجموعات وغيرها مع الوقت ان شاء الله تلقئ روحك حكمة بيعات مليحة وتفكر ديما المبيعات الأوبئة راك تحوس علئ التقييم الجيد وليس المال وبعدها دير فيهم طريق 😉 وكاين الطرق المدفوعة مثلا تنشر اعمالك وتدير اعلان ممول في الفايس بوك تجيب بيه الغاشي المهتم بهذا المجال، أي سؤال أو استفسارات في هذا المجال مرحبا بالجميع⁦☺️👌

@dzmoney22 ممكن تفيدك

ليحب اموالك على فايفر لازم أقل مبلغ يكون عندك 20 دولار، وسائل السحب إما عن طريق باييونر او بايبال الذي انصح به، كل يجب ان يكون بايبال مفعل، بعدها يمكنك تحويل الاموال من بايبال الى دينار وذلك ببيع الدولار الموجود في البايبال الخاص بك نظن مفهمتش خويا هههه مخلطا فالاول برك، عملية البيع بصفة عامة هي انك تعرض عمل تقوم بيه يسمى في فايفر gig . في هذا الموقع يلتقي عارضي لخدمات مع طالبيها. أبحث عن شرح الموقع في يوتيوب

افتح انستغرام و سوق لروحك ، متخدمش مع لهنودة ، و اصبر اصبر اصبر اصبر . و الدراهم كي ديرهم ساهل ههه تعرف تخرجهم وحدك

Intéressé .

Nakhdem freelance sur ces plateformes depuis 2006, fiverr n'est pas le meilleure, pour les algeriens keyn graphiste.com pour le design et redacteur.com pour tout ce qui est transcription, traduction, redaction de contenu, etc. Codeur.com pour le dev. et autre On peut y gagner sa vie facilement mais lezm serieux w lkhadma, concurence 🔥 mais les clients sont francophones, français belges suisses, etc. Paiement 50% acompte, solde à la livraison par paypal, où virement bancaire UE (paysera, transferwise, etc.) Puis vendre l'euro sur les pages.

وش الحل اذا واحد لا بغا يشري الخدمة تاعي ؟

اما طريقة البيع ف تفتح خدمة (gigs) و تحط العمل تاعك والوصف .... وتنتظر وصول طلبات وكاينة طريقة اخرى فيه تشوف المشتري واش يحوس وتقدملو طلب باه تديرلو العمل

كاش واحد يفهمني فحكاية الهنودة 😂

تقدر تحط خدمتك فالتويتر و تتفاعل مع حسابات مصممين واكيد راح يجوك عروض

تابعو صفحتي لأجمل الصور و الإقتباسات

🤣🤣مزال مع فايفر ؟خلو الهنود موقع اسمو فايفر جامي تخدم معاهم ههه

السلام عليكم خاوتي حبيت نسقسيكم عل الماشينة تاع الطباعة على الملابس شحال دير و مشروع هكدا بمحل شحال يسقام و اسكو فيه ربح مليح ولا نو

لازم تنتظر 14 يوم باه تقدر تجبد صواردك