متابعون يستشيرونكم في المدارس العليا في مجال الاعلام والصحافة والاتصال والسياحة ..

متابعون يستشيرونكم في المدارس العليا في مجال الاعلام والصحافة والاتصال والسياحة لي يقدر يفيدهم (3 اسئلة)

انا نقرا فالمدرسة العليا للصحافة و جسب اذا كاين في قسنطينة تبانلي كاين فالجي برك باسكو مام تع قسنطينة يجو يقراو عندنا مي بون ....هي تدخلها بالباك العام ليفات قبلو فوق ربعطاش و نص .... نقراو عامين تحضيري امبعد نجوزو كونكور ماستر اذا نجحنا نكملو و اذا منجحناش يهبطونا للكلية العادية امبعد مور الكونكور نزيدو نقراو ثلث سنين تخصص و نتخرجو...هي لازم ديرها عن حب باش تقدر تتاقلم و توالف فيها انا درتها عن حب و قريت علاجالها كنت كارهة مع اللول باسكو مجاتنيش وش كنت نتخيل القرايا مخلطة ايتو مي السوماستر الثاني بديت نوالف و فهمت كيفاش الحالة مع اللول كنا نقراو ديمودول معندهم حتى علاقة بالصحافة مي دك دخلنا فالدومان .....جهة الاساتذة انا لي قريت عندهم ما شاء الله هايلين الحق.... عييت . .المهم سينون لي عندو اسئلة اخرى يحب يطرحملي هنا ولا تبعثلي مسج نجاوبكم عادي

3 Enst la moyenne 11 w lazem ykoun bac ta3 sna wela ta3 l3am li fat w ma9ritich bih w t3gbi concours bch dokhlilha y9blou ghir 60 prs

@reinnaa.aa ta3 Constantine hadik ali djaya fou9 mnin ntouma lala?

@abirlaros22

كاين منها المدرسة العليا ميقبلوش الي عندو فوق 24 عام؟؟

تاع صحافة قالولي مش مليحة و العمل مش مضمون و تقرى عامين و تفوت امتحان كون ماتنجحش يرجعوك لجامعة عادي و ماعرف ...

تريد توجيها و نصائحاً لانشاء مشروع بميزانية صغيرة او معدومة!! تابع صفحتنا👌

بالنسبة للمدرسة الوطنية العليا للصحافة و علوم الإعلام توجد في جامعة الجزائر ثلاثة ببن عكنون بالجزائر العاصمة فقط و معدل القبول نتاعها اربعطاش و نص و يمكن يطلع حسب نتائج البكالوريا كل عام يطلع شوي أما في قسنطينة فلا يوجد مدرسة عليا للصحافة أظن يوجد تخصص الإعلام و الاتصال فقط تابع للجامعة عادي و معدل القبول مايفوتش احداعش بالنسبة للادبيين و طناعش للعلميين....اما بالنسبة للمدرسة الوطنية العليا للفندقة و السياحة توجد في فندق الأوراسي بالعاصمة و معدل الترشح طناعش في الشعب العلمية و التقنية و التسيير اما للادبيين غير مقبول و تاني يديرو كونكور....ملاحظة بالنسبة للمدرسة الوطنية العليا للصحافة و علوم الإعلام التوظيف غير مضمون و شهادتها مثلها مثل شهادة الجامعة العادية يعني تتخرج و تروح تحوس على خدمة و تدير كاستينج كما الطلبة قع..اما عن الدراسة فسنتين تحضيري و اذا نجحت تزيد ثلث سنوات و اذا مانجحتش يردوك للجامعة عادي و اي سؤال تفضلو عن التخصصين اعلام و سياحة و انا شخصيا بحكم اني طالبة إعلام لا أنصح بهذا التخصص و المجال ادرسو العلوم ادرسو اللغات ادرسو أي شيء تعملون فيه بشهاداتكم دون أن يشارككم فيه أحد اخطوكم من الإعلام الذي أصبح مهنة من لا مهنة له و أصبح كل من هب و دب إعلامي