1- عندي خويا مستوى اولى ثانوي و موجه للحياة المهنية ، حبيت نديرلو مهنة يعني تربص..

1- عندي خويا مستوى اولى ثانوي و موجه للحياة المهنية ، حبيت نديرلو مهنة يعني تربص في كاش معهد . باش تنصحوني خوتي 2- السلام عليكم من فضلك اناطفلة عمري 26نيفو ترمينال معندي حتى ديبلوم نضمن به حياتي .. من فضلكم حاب ديبلوم ولى مشروع مستقبلي ... حاسه روحي كبرت على كلش

الأخوة عليكم بمعاهد الفندقة و السياحة نقولها و نعاودها الفندقة و السياحة ثم الفندقة و السياحه دة اللهم اني قد بلغت🙌💪

تالتة تانوي تقدر ي ديري تقني سامي في التخصص لي يساعدك

سلام عليكم، كاين في التكوين المهني العديد من المجالات المفتوحة الي يمكن تديري فيها ديبلوم خاصة بالنساء ، مثلا حلاقة ، خياطة ، طبخ وغيرها .... كلها حرف وديبلومات مطلوبة في السوق العمر ماعنده حتئ دخل في هذا كاين 35 سنة اكبر عمر يتم قبوله اما الي فوق 35 سنة يمكن أن يلتحقو في دروس مسائية فقط ، المهم مزال كاين الوقت الفرص ، بالتوفيق⁦✌️⁩🌸⁦☺️⁩

Cfa دوك يحلو في سبتمبر تقراي عامين تحبي تقراي فنهار و لا مع عشية نتي وش يساعدك عندهم محاسبة و سياحة و موارد بشرية و تجارة دولية و انفورماتيك و تدي دبلوم تقني سامي ديبلوم بقيمتو تخدمي بيه فدولة و فبريفي ولا cnepd تانيك كليحة

يروح للتكوين يدير التخصصات لي تكوينها سريع مثل بلومبي و خياط اغلفة السيارات ولا كهرباء معمارية

سؤال الأخت تقدري تقراي فالتكوين المهني كاين بزاااف تخصصات تقني سام أنصحك بتخصص تقني سام تربية الطفولة تخدمي بيه فالروضات و تقدري تزيدي تكوينات أخرى كيما لخياطة و الطبخ و الحلويات و الحلاقة و اللغات و اعلام ألي كامل يفيدوك و يكون عندك مؤهلات باه تخدمي بالتوفيق 👏

كل تخصص مفيد إذا اجتهدت فيه، و ما تسقسيش الناس لانو كل واحد و رايو و هذا الشي لازملو رأيك نتا، خير أي تخصص يعجبك و حاس روحك تحبو بزاف ، لأنو كي تغيب الإرادة ما رحش تنجح ، و ما تنساوش الاستخارة هي أهم حاجة ❤️

@iseeg_institut_de_formation

و للاخت لي حابة تعاون خوها، نشكرك على هاذ الشيء لكن نصيحة حطي قدامو خيارات و بينيلو افاق كل ديبلوم في سوق العمل و هو يخير، رجاء ما تخيريلوش نتي او تفرضي عليه تخصص معين بسك قالو هذا فيه خدمة ، انت عليك التوجيه و النصيحة و الخيار له ذلك أفضل لك و له

Bon khoya .. Roh a9ra fel institu électricité logement ... Bchewî bchewi hatan twli technicien supérieur ... Kase3 ytehalou fors al3amel .. Même ta9der hâta dok ki ydirou lprojet ta3 énergie solaire f sahra tal9a blasteeek wedjdà .. Bon courage. ... Mon frr

@institut.reversal

والاخت تدير تكوين فالحلويات او حلاقة نساء وماكياج وكاين قروض صغيرة تدعمهم او تبدا بشوي بمقربيها واذا حبت تكبر المشروع تدي قرض والتخصصين يمشو طول العام بدون توقف تبقى فقط اللمسة و المعاملة والاحترافية لي تكتسبها مع الوقت

La soudure pipelines...

tfol yet3alem 7erfa w lemkhayra réparation portbles matalan w tefla tdir 3afsa te9dr takhdemhq m dar khyata wla rédaction wela

انصحوني بديبلوم نقدر نخدم بيه في فرانسا انا متحجبه 👏

حفافة و لا خياطة سرتو لحفافة فيها دراهم كبار

Informatique, infographie, chofi f les centres wsh kyn des formations ysl7o, akhtik khyata w hfafa t3yay surtt ki tkbri w mfihmch vrmnt drhm lzmlk tkri w matériel w jsp 7kaya

وثاني بالنسبة للولد يقدر يتعلم البناء والصباغة والبلاكو بلاتر لاننا ولينا نحوسو بالريق الناشف على ماصو ومانلقاوهش

فكروا في العمل الحر، شوفوا المهارات المطلوبة و اتعلموا وحدة تحبوها و تعرفوا روحكم تقدرو تخدموها. نصيحتي شوفوا حاجة تعرفوا روحكم تبدعوا فيها و تقدروا تبيعوها او تقدموها كخدمة للناس و يخلصوكم عليها. و اذا حابين عفسة تاع الدولة فمسابقات التوظيف يحطوهوم في موقع الوظيف العمومي، دورك بالاك مكاش علاجال كورونا لكن بعد كورونا نظن يزيدو يديرو مسابقات. بالتوفيق

بعد قراءة التعليقات، كلام حبيت نقولو : خدمة حفافة فيها الحرام دونك اذا حابة دراهم حلال فبعدي عن هذا العمل او اعملي فيه باحترام شروط الدين ان استطعت ذلك. و أخيرا: من ترك شيئا لله عوضه الله خيرا منه 🤗 تحياتي