مجهول
متابعون يريدون رأيكم في دراسة علم النفس وتخصصاته؟ (6 اسئلة)
متابعون يريدون رأيكم في دراسة علم النفس وتخصصاته؟ (6 اسئلة)
علم النفس هو ميول شخصي قبل ما يكون تخصص علمي تربحي منو الدراهم. لا يهم علمية او ادبية كلاهما تدرسين جذع مشترك علوم اجتماعية وبعدها تتخصصي. فيما يخص الفرق فأن الاخصائي متحصل على شهادة الليسلنس او الماستر او الدكتوراه في علم النفس. اما الطبيب النفسي كتحصل على شهادة الطب ويزيد فرقها عامين دراسة الصحة العقلية وعندو الحق انه يكتب الوصفة الطبية. عكس الاخصائي لي يقتصر دورو على المساعدة والمساندة والتكفل. ومسألة الاقتصاد وعلم النفس مكاش رابط بيناتهم هو فقط منهاج دراسي تقرايه في السنة الاولى مدخل الى علم الاقتصاد. وايظا فيما يخص توجهات علم النفس. كل واحد يروح وين يصيب راحتو. مثلا انسان يشوف روحو بلي عندو حس التأثير ويقدر يساعد الناس ويوجههم يروح اكلينيكي. وكي يشوف روحو يهتم بالسلوكيات والمشكلات التربوية والمدرسية يروح مدرسي. وكي يشوف الانسان نفسو يحب الادارة والعمل المؤسساتي يروح تنظيم وعمل. والدراسة في الخارج انتي وحسب اللغات تاعك والتفرق الدراسي والمادي . اما صاحبة ادرار على ما اظن ادرار يوجد بها فقط علم النفس المدرسي وتنظيم وعمل . وبالتوفيق. انا شخصيا علم النفس العيادي وفاداني بزاف في حياتي وخدمت بيها نفسي قبل ما نخدم بيها اي انسان.
الله يستركم ماتسقسوش شكون خير التخصصات كلها تختلف عن بعض وكل تخصص وحلاوتو، علم النفس بكل تخصصاته سنة الأولى فلجامعة تقراو علوم اجتماعية جذع مشترك ماشي علوم إنسانية، أعتقد أنو أقرب تخصص اللي تقدر تربط بين الاقتصاد وعلم النفس هو علم النفس عمل وتنظيم حوس عليه فلانترنت، وسواء كنت علمي أو أدبي تقرا علوم اجتماعية سنة أولى بعد ذلك في السنة الثانية ليسانس دير شعبة علم النفس وفي السنة الثالثة باش تخير التخصص يعني التخصص تقراه عام واحد فليسانس هذا هو السبب اللي يخلي الأغلبية يكملو الماستر لأنو عام واحد لا يكفي باش تفهم التخصص، بالإضافة وعلى ما أعتقد أنو اللي قراو معايا اللي كانو دايرين علوم فليسي الأداء تعهم كان أفضل مقارنة بلأدبيين وأنا أدبية بكل موضوعية 😂
أما حول سؤال واش هو تخصص لي خير في علم النفس خطرا سمعت أخصائي نفسي مشهور طرحت عليه وحدا هاد سؤال قاللها ديري علم النفس العيادي (الإكلينيكي )لأنه يشمل جميع تخصصات علم النفس هذا كان جوابه وأنا سألت مرة دكتور فالجامعة قالي علم النفس المدرسي شباب ومشي فايقينله ڨاع يهربو للعيادي وكاينا منها هادي تلقى كلاصة صغيرة يقروه ونعرف وحدين كانو يدو معدل 12,و11وفيه ولاو يدو 15 المهم كي تقري سنة ثانية دوك تعرفي روحك شديري ولواش تميلي
باش ديري علم النفس العيادي تخيري علوم اجتماعية سنة اولى جامعي و ثانية علم النفس و ثالثة علم النفس العيادي
في الجزائر مخصوصين بزاف مختص النفسي الحركي psicomotrisien نعالجو ولادنا عند الأرطفونيين والنفسيين لكن قليل وين تلقى مختص نفسي حركي
السؤال ا1 : تخصص ع ن اكلينيكي تقدر تخدم في كل الميادين ...... السؤال 2 قراو معايا في الماستر وحدين من ادرار انتاقلو لتلمسان لانو كاين غير ليسانس ماكانش ماستر.....السؤال 3 علم النفس كاين في العلوم الاجتماعية ماشي العلوم الانسانية......
الطبيب النفسي هو le psychiatre والاخصائي النفساني le psychologue وتكلمت عن هذا الموضوع والفرق بينهم في صفحتي فستوري a la une
سنة أولى علوم إجتماعية. سنة ثانية شعبة علم النفس. الليسانس تخصص في علم النفس العيادي مثلا علم النفس العيادي. ماستر 1 تخصص في علم النفس العيادي مثلا العلاج المعرفي السلوكي. ماستر 2 الحصول على الشهادة . و هدا تخصص جديد.
علم النفس التربوي مليح بزاف تقرا السنة الاولى جامعي جذع مشترك علوم اجتماعية و الثانية تتفرع علم نفس تربوي تخدم بيه فالمستقبل مفتش تربوي اخصائي تربوي تخدم في روضة او اذا عندك الإمكانيات تفتح روضة تقدر تدخلو بمعدل 10 فقط ماش حاجة كبيرة لكن تخصص جيد ننصحكم بيه انا نقراه و العام هذا 3 ليسونس بإذن الله
ما تقدرش دير علم النفس بلا علوم اجتماعية ....كاين تخصص علم النفس بلا علوم اجتماعية بصح يقوم على القياس النفسي و في جامعتنا صرات مشكلة بسبب هذا لانو لقاو بلي تخصص قياس نفسي ما يعتابروهومش اخصائيين نفسانيين
انا مختصة في علم النفس وانشر كل ماله علاقة بتطوير الذات وعلم النفس💕
واخا دراسة علم النفس فالدزاير😂😂،، غي كدوب خصكم تشوفو تقراو فالموغريب عندنا ولا فتونس 🔥
كاين تخصص علم الاجتماع و سنة ثانية يوجد تخصص علم نفس و سنة ثالثة فيها عدة فروع و أفضل تخصص بالنسبة لي علم النفس العمل و التنظيم و سنة أولى ماستار تولي علم النفس عمل و التنظيم و تسيير الموارد البشرية
4 الاخصائي النفسي قاري علم النفس العيادي يشخص الحالة و يستنتج الاضراب لي عند الحالة و يبعث الحالة للطبيب النفسي لي يوصف الدواء للحالة ....بمعنى الاخصائي مهمته التشخيص و الطبيب مهمته وصف الدواء و هوما بالزوج يكملو بعضهم بعض......علم النفس تقدر يقراه كل واحد بغا علمي و لا ادبي و من الاحسن يكون علمي لاني كادبية واجهت صعوبات في القياس النفسي خاطر فيه حسابات
ماراكش مسجل معانا. تقدر تفيدو؟
تقدر تدخل بسهولة منا
Sign in with Google