مجهول
متابعون يسألونكم على خلاص مهن منوعة لي يقدر يفيدهم (8 اسئلة)
متابعون يسألونكم على خلاص مهن منوعة لي يقدر يفيدهم (8 اسئلة)
الشعب يحوس غير عل الدراهم مكانش شغف.. كامل يتبعو المهن لي يخلصو فيهم مليح علاش المصداقية مابقاتش.. يقولك اذا راك تقرا جيست بش دير دراهم يعني تحوس مهنة غير بش تخلص رك ديجا بادي مستقبل عوج.. علاش الواحد مايحوسش الأشياء لي يتقنها.. لي يسلكها فيها.. و يعمل بكل حرية و شغف و تمكن و احترافية.. و يقدر مام يتوسع فالمجال تاعو بما انو يحب هاد المجال.. كانت نصيحتي ف سبيل الله..
كامل فيهم شحال يخلصو هذا البروبلام راه فيكم وميخلكومش تروحو لبعيد. اولا كاينة حاجة الحلم حلمك لازم تحارب عليه باش توصلو يعني اي حاجة في هذا الدنيا فيها سيلبيات قادر في اي لحظة تخون صحتك اقل حاجة هاذي بلا الحوادث وكذا المهم تخدم تتتحرك تعول على رَبّـ❤ـيٌ في هاذي وربي يكون في عونكم
راهو كل واحد كي يدخل يخلص حاجه و مبعد يزيد خلاصو! مثل الفرملية تبدي بثلاث ملاين و 800 من مفروض و مبعدا تزيدي و توصلي لخمسه و سته!! و الي تسقسي مليحة للمرأة من نيتك؟ انتي تفشلي في روحك حابه يجي راجل يطلعك مثلا و يدعمك! مكانش مليحه للمرأة هاذي مدامك حابتها اوصليلها تميزي في نفسك مبعدا نجو نلومو الرجال و المجتمع على التمييز و مهندس معماري كيف كيف تخدم اداره تخلص شوي دير بيرو وحدك لازم تفوت عامين عند بيرو اخر شوف يخلصك شوف لا و اذا الحاسي فأنت اكيد تخلص بالمليح 😂👌 تحوس ع دراهم روح للحاسي
بالنسبة للمهندس , مع البلدية أو مؤسسة تاع الدولة يخلص كيما العمال الاخرين نظن 34000 دج مع عطلة شهر فالعام , أما المهندس في مكتب دراسات تاعو يخلص على أساس الخدمة لي تجيه , في الوقت الحالي قليلة بزاف خاصة كي يكون المهندس جديد , العطلة تاعو كيما يحب هو يقدر مايديش عطلة أصلا .
نجاوب لي سقسات على الهندسة ايه تقراي علوم عادي و في الجامعة تخيري الهندية لاملك معدل من 13 حتى 14 على حساب كل دفعة بصح نقولك من ضك كوني واجدة تتخلاي على مزاف حجات من حياتك باسكو تديلك كامل وقتك و صحتك واذا تحبيها راح تجيك قرايتها حلوة ... فيما يخص الخلصة الصراحة القطاع الخاص ميخلصش تبدايها ب18 ولا 2 و تزيد على حساب سنين الخبرة و اءا صبتي خدمة عند الدولة خير
بالنسبة للهندسة ميدان مليحة و ممتع اذا الإنسان حبو و لكن دراسة الهندسة في الجامعة مكلفة نوعا ما أكثر من التخصصات الأخرى و متعبة بزاف و تحتاج تضحية و سهر. أما بالنسبة للعمل بعد التخرج يقدر المهندس يخدم في كثير من المديريات لأنو مطلوب في كل مديرية تقريبا مهندس و خاصة المديريات لي تبني الفروع تاعها في الدوائر و البلديات يعني ممكن يعمل المهندس حتى على مستوى مديرية الشؤون الدينية. بالنسبة للراتب يكون مثل عمال الوظيف العمومي أقل قليلا أو أكثر من أربع ملايين أما على مستوى مديريات البناء و التعمير أو دواوين الترقية و التسيير العقاري أو على مستوى وكالات التسسير و التنظيم العقاري الراتب أعلى قليلا بحكم أنها مؤسسة إقتصادية. يمكن العمل كذلك في القطاع الخاص في مكاتب الدراسات أو مؤسسات البناء و الراتب هنا مرتبط بالكفاءة يعني ممكن يفوق راتب المهندس ثمانية ملايين. يستطيع كذلك المهندس بعد نهاية الدراسة و فترة التربص المقدرة بعام و نصف و بعد آداء اليمين فتح مكتب دراسات خاص و هنا المجال مفتوح قدامو للمشاركة في المسابقات المعمارية و العمل مع الخواص أو تصميم المنازل و غيرها و كل مشروع و قيمتو المالية و الله ولي التوفيق.
الهندسة المعمارية لازمك معدل على الأقل 14.5 اذا تتخرجي و تخدمي عند الدولة تسلكي في حدود 3.5 و اذا وحدك على حساب المنطقة فيها خدمة ولا لا ماتقدريش تحلي مكتب اول ماتتخرجي حتى تفوتي ستاج 18 شهر و تفوتي اداء اليمين ،اي معلومات اتاصلي بيا
لي باغي يدير هندسة معمارية يقرا تقني ولا ماط خيرلو من علوم في الليسي
لم يعد العمر يتسع للمزيد من الأشخاص الخطأ اجمل الإقتباسات والصور في صفحتي
السؤال 6 اي سيكسيون فالتقني كي تدخل تقرا لازم الخدمة ونتا تميمواري باش تسوتني يعني كي يبدا السوميستر تع الميموار تقون حكمت خدمت باش تقدر تميمواري وتسوتني بشهادة تقني سامي وكي تكمل اما تكمل فالخدمة لي بديتها اونتا تبدلها اما الخلاص زيد حوس منقدرش نجاوبك للاسف
تقني سامي في الصينة الصناعية اذا بش تخظم في شركة بترولية تخلص مليح من غير هذا لا . أما على راتب المهندس مش بالضرورة كيف كيف كل مكتب شحال يخلص المهندسين تاعو واذا بش تخدم عند مديرية مثلا راتبك كيما أي موظف أما اذا في شركة صناعية ولا اقتصادية راتبك خير
قابلة في الصحة العمومية الراتب تاعها يبدا ب 38000 da و تبقا تزيد على حساب العوام و الأداء نتاعها.
مكانش حاجه تقراها ثلاثه سنين و تخلص فيها غاية اولا ثانيا جايب باك 16 حاب تقرا تخصص كيف الي جايب 10؟ الاثنين تقرو ثلاث سنين هو من لول يبان مخه تع خدمه لبرا و تجارة ولا حاجه و انت فاني عمرك تجيب في باك سطاش باه تقرا ثلاث سنين يزينا تمسخيير يرحم الله والديكم
ماراكش مسجل معانا. تقدر تفيدو؟
تقدر تدخل بسهولة منا
Sign in with Google