مجهول
اذا تسألي المتابعين اذا تقدرو تكتبو الخدمات لي مادابيكم تطور في الدزاير ولي رانا..
اذا تسألي المتابعين اذا تقدرو تكتبو الخدمات لي مادابيكم تطور في الدزاير ولي رانا مخصوصينهم خلي الشباب يدي افكار ويطور واش يقدر؟ سواء نقص في الخدمات ولا نقص في المنتجات (المشكل لجي في بالكم اكتبوه من فضلكم)
انا بالنسبة اظن أن نظام التعليم والصحة هما أكثر اطاريين يجب التركيز عليهما،لوكنت ساوجه رسالة للمسؤولين في قطاع التعليم ستكون بتقرير مدارس تعتمد نظام الباكلوريا الدولية ib وتحسين أساليب وطرق التعليم صحيح انه مجاني ولكن المستوى رديء، أيضا أدعو إلى تعليم المهارات الحياتية الهامة،وإدراج المهارات الأكثر طلب في سوق العمل ليتم تدريسها بصفة رسمية ،كالبرمجة،الفوتوشوب، التسويق الالكتروني،و اهم شيء التخلص من اللغة الفرنسية وتعويضها بالانجليزية كلغة أجنبية أولى لنواكب التطور السائد.
أهم شي هي لوكان يديرو تدوير القمامات قد ما كاين قد ما مليح والله لوكان غثفيها دراهم الشعب يلحقهالك للباب احسن مشروع لازم نضغطو على الدولة تمدلنا تسهيلات في هاذا الخصوص، نديرو تدوير البلاستيك والزجاج والمعادن والمواد العضوية، حل لاكبو مشاكلنا
بالنسبة لي الشيء المهم الي يخص هو مكتب معلوماتي. مثلا لما نحب ندير اي شيء في اي مجال مدابيا يكون كاين رقم نتصل بيه يعطني جواب سريع او مكتب نذهب ليه بثمن معين او مجانا. نسقسيه واش حابة و يجاوبني في اي مجال ..مثال. نخدم سجل تجاري و انا منعرفش كامل وين نروح ..هو يوجهني .. نتمى تكون حاجة كيما هادي و بما انو السؤال انطرح ...نتمى الصفحة هادي تجسد هذا المشروع و ترجعو شيء ملموس ماشي الكتروني فقط و تفتح مكاتب على كامل التراب و تضع رقم خاص نطرح فيه تساءلاتنا انا مستعدة نعيط في الهاتف و نخلص دراهم في المقابل نلقى جواب لتساءلات الي عندي بسرعة .. مشروع هكدا مشاكل كثيرة تتحل و وقت كبير مهدور راح يختزل
خدمة التوصيل ...ناقصة بزاف ومع الشركات الي كاين مشي خدمة يطولو باش يدو الطرد باش يطوك دراهم فيها بزاف مشاكل كون تتحسن هذي الخدمة نظن حتكون من الحاجات الملاح الي يطلعو الاقتصاد داخل البلاد
سلام عليكم ، اولا من رأي الخاص أضن ان قطاع الصحة والمنظومة التربوية اولئ بالتطور وبعدها تسهيل انشاء الشركات المصغرة وعدم الشباب اصحاب الافكار الجديدة والابداعية في جميع المجالات ، وايضا الجانب السياحي الذي يمثل دور كبير في زيادة اقتصاد البلاد واستقطاب السياح اكثر حتئ ولو هذا المجال يعتمد كثيرا عن الشعب بحد ذاته وغيرها الكثير خدمات الانترنت وتسهيل طرق الدفع...... ومهما قدمت الدولة من اصلاحات للشعب يجب علئ الشعب ايضا تغيير طريقة تفكير لتطور والتقدم ..... لقوله تعالى: إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ [الرعد:11] بالتوفيق للجميع 🙌😊
استشاريين في اختيار التخصص، اخصائيين في الرضاعة" نظرا للجوء بعض النساء للرضاعة الصناعية رغم ان الطبيعية افضل بكثير وذلك لعدم معرفتهم بطرق التعامل الصحيح مع مشاكل الرضاعة الطبيعية اللي ممكن ان تحل بالعلم" ، اخصائي و أطباء في الطب الوظيفي الذي يعالج سبب الأمراض و ليس يخفي الاعراض كما هو حال بعض " حشمت برك نقول أغلب" الأطباء، حابة انو الرجال الاكفاء و الصالحين يحاولوا يحسنوا السياسة في الجزائر فالظاهر لا مفر لنا من السياسة فلذلك الصالحين يتعاونوا باش يسقموا البلاد " باش الانتخابات الجايين نلقاو ناس من الشعب صالحين ننتخبوا عليهم و من بين الحاجات اللي نتمناهم اعادة النظر في المنظومة التعليمية في الجزائر فهي مليئة بالحشو، قراونا حاجات ما نسحقوهمش و اللي صح نسحقوهم ما قراوهملناش" مثل ثقافة المال، قراونا باش نكونو موظفين و هذا غير مناسب للكثيرين فلذلك يجب تعليم الاطفال من الصغر ثقافة المال: الادخار، الإستثمار،الدخل السلبي...". انشاء مراكز و تكوين اخصائيين في تاهيل المقبلين على الزواج و الاباء والامهات " و نص قوانين الزامية بضرورة الحصول على رخصة زواج و رخصة أبوة و أمومة، ماشي ارواح و تزوج و ماشي ارواح و اولد و ارمي للشارع يربي" فلنكون اباء و امهاء صالحين و مؤدين للامانة كما يجب هناك امور ان نتعلمها حتى لا ينشئ لنا جيل فارغ و غير منتج و غير صالح" ازرع لتحصد".
كل خدمات ضعيفة ( بعض حلول تقول يديرو خوصصه الشركات , في كل ميادين( صحة , سياحه, فندقه, اتصالات, اهو ماين احتكار كبير من طرف مؤسسات تابعه للدولة
إنشاء شركات إعادة تدوير النفايات يعني البلاستيك وحدو الزجاج وحدو والورق وحدو يقدرو يستفادو منها أصحاب هذه الشركات و من جهة أخرى تنظاف الدنيا .... يعني المواطن يولي يتبع إرشادات الفرز و إلي يخالفهم يدفع غرامة ..... قطاع التعليم ثاني يقدروا يديروا نوادي رياضية أو تثقيفية بعد الدراسة تقدر تساعد الطالب على التخلص من ضغط الدراسة و يتعلم أشياء جديدة
انا نضن قبل كل هاذ شي لازم تكون وزارة المراقبة والاصلاح تحقق في مصداقية المنتوجات و تتكفل بالقطاعات الناقصة وهي لتقرر وين راه النقص هكذا باش شباب لعندو راس مال يقدر يصنع مثلا كاين استراد بزااف لمكياج بالرغم انو مهوش من ضروريا الحتمية يعني نقدرو نغلقو الاستيرات و يخلو شباب لقرى و هندو راس مال يصنع مع الدعم اكيد
التطوير كي تكون كاينا خدمة حنا ما كاش خدمات كامل قصدك يبداو يديرو خدمات
و الله صدقوني تغيضك كي تشوف خيرات بلادك و ماهمش يستغلوا فيها قدقد من جميع اانواحي سواء البشرية الله يبارك عندنا ادمغة يقدرو يديروا نهضة في مجالات بزاف كيما الطب و الفلك و التعليم و لا الموارد اللي فالبلاد لي قادرين نديرو بيها جانب سياحييغنينا اقتصاديا بصح حنا المكثرنعتامدو غير علمحروقات يعني البترول و علابالنا بلي راح يجي نهار وين مانقدروش نستفادو منو و راح نحصلوا لوكان مانلقاوش حلول من درك
تدوير البلاستيك كالاكياس و الزجاج تستطيع الاستفادة من زجاج قوارير الخمر ربي يعفو عليهم كامل
التعامل مع المتعاقدين والمستخلفين كأساتذة وعاديين و يتمدفع مستحقاتهم كالأساتذة كل شهر مع جميع المستحقات الاضافية التي يأخذها الاساتذة
المشكلة بلادنا تصعب عليك في اي حاجة وإذا سهلتلك المجتمع مايرحمكش والحالة المادية تان عائق للاسف😔 المشاريع كثيرة مثلا خدمات التوصيل والتسويق الالكتروني فتح شركات مصغرة لاصحاب الحرف تبني إدارة مسابقات وتأطير تجمعات لاكتشاف مواهب في شتى المجالات ودعمها لتظهر وتعطي وتخدم البلد ..المشاريع موجودة بكثرة في بلدنا وعلى تنوع ماشاء الله لكن التسيير وسوء تقييمها هو مايفشلها مثلا مشروع محل حلويات صناعة يدوية 100٪ ومواد خام وعلى الطلب لاصحاب السكري والضغط من اول وهلة يظهر مربح لكن للاسف فشل لعدم توفر ثقافة العرض والطلب اللازمة وارتفاع الأسعار مقارنة بالمحلات الأخرى دون السؤال على السبب 😔
بالنسبة ليا انا هو كل مجالات ناقصة وتحتاج التطور وكاين أيضا مشاريع صغيرة بصح تخلي الشباب يخدم والآخر ميضيعش ينمي مواهب تاعو كاين بززززاف ولايات تعاني من هادا شي شباب معندوش وين يروح غير القهوة والخلطة الفاسدة حتى الإناث وكفكرة لازم يحلهلوهم بلايص ينمولهم مواهب مثلا مدارس للرسم لرقص مثلا بالي صالصا شرقي للغناء مثل ماهو موجود في دول متقدمة نوادي كبرى الخ
Kolchi yeliklah yetwar نظام الصحة نظام التعليم حنا الامان و معدناش في بلادنا تتمشى و خايف نظام القانون و العدالة
فتح للسياحة من دون فيزا كون يحلوها الاقتصاد الهنا يولي فالسما بلادنا شابه بصح السياح يكرهو يروحو و يوجدو للفيزا
بالنسبة للمنتجات كل المنتجات الغذائية التي تتخيلها مفقودة في دول الخليج يجيدونها في اقرب محل تجاري اما في الجزائر فبشق الانفس هذا اذا وجدتها اساسا،دون الحديث عن ما نحتاجه للدراسة او الاجهزة الالكترونية،او المنتجات الطبية
اللغة الانجليزية،لا للفرنسية لغة التخلف التي لا معنى لها اعطينها اولوية وجعلنها رمزا للتحضر، انها لغة لم يعد لها اي قيمة على الإطلاق حتى في فرنسا يتم تدريس البحوث الكبرى خاصة في مجال الطب بالانجليزية
يبدلولنا اللغة الفرنسية باللغة الانجليزية كلغة اجنبية اولى برك 🤦♀️
حنا ماكاش حتى خدمة الدفع بالبطاقة لازم رافد دراهم و ادا نسيتهم كلاك بوبي ياو انا ايتاذة ما كانش حتى باش نكتبو فالتابلو حناو نجيبو كن عدنا اورق الاختبار نجيبو من عدنا برا و بزززززاف امور في كل قطاع يديرو ملبح لوكان كل مره يخيرو قطاع فالدولة و يبداو ينظمو فيه و بقترحو حتى يطوروه شويه و كل مره قطاع بلاك كاش ما يتبدل
السياحة ،لوكنا دولة اخر لحققنا الملايير السياحة غنية في الجزائر ،لكن سوء تسيير القطاع واعتمدنا على المحروقات في الاقتصاد بالدرجة الاولى جعلنا افشل الدول،هناك مناطق ودول لا تملك اي ثروات وتقوم فقط على قطاعها السياحي
انت قلت الخدمات الناقصة بش الشباب يدي افكار ويطور بصح الي باغي يطور كفاه راح يطور هذاك هو المشكل 🙂
ماراكش مسجل معانا. تقدر تفيدو؟
تقدر تدخل بسهولة منا
Sign in with Google