مجهول
اخي تاني تعرف كاش ناس يخدمو في التعليم و دارو خدمة ثانية يكسبو منها و واش هي !؟
اخي تاني تعرف كاش ناس يخدمو في التعليم و دارو خدمة ثانية يكسبو منها و واش هي !؟
الي يحب يعرف اكثر اعلى الجواب يقرا كتاب الاب الغني والاب الفقير لستيوارت كيوزاكي يحكي على الموضوع
قليل لي تلقاه استاذ وداير مهنة زيادة لانو صعيييبة بزاف التعليم وحدو متعب خاصة اذا كنت تخدم بعيد وهذي حال الاغلبية.. والقلة لي يخدمو تلقاه داير مكتبة يعني حاجة خفيفة
تقدري تخدمي ليكور فيها الدراهم بزاف .. ولا تصوري فيديوهات وتطلقيهم في يوديمي ولا يوداسيتي وتجيبي منهم دراهم .. وتقدري تفتحي شان يوتيوب
الحرف هي احسن طريق للكسب الثانوي سواء ذكور ولا اناث، الزراعة المعيشية الموسمية تاني مليح اذا عندك ارض ولا مدن ريفية، في المدن الكبرى التبزنيس ولا التجارة عن طريق البيعوالشراء تاع المنتوجات النسائية ولا العطور ولوازم التجميل والهواتف كاين بزاف يديروها وخاصة ان livraison متوفرة في جميع الولايات
يعني ننصحها و لا ننصحوا اول حاجة يبعد على ليكور صح فيهم دراهم بصح يحس روحو يعوم فنفس البحر مليح يجرب حرفة جديدة بعيدة خلاص على مجال خدمتو ولا الحل الافضل هو التجارة بيع و شراء خاصة اذا كانت الكترونية عفسة مليحة بلبزاف
تبعات الدروس الخصوصية على القطاع كارثية على الاستاذ وعلى التلميذ.. صراحة ماننصحش بيها
نعرف أساتذة عندهم مكتبة ولا تدير دروس خصوصية ولا دروس عبر الانترنت عبر اليوتيوب تتعب من البدية شوية مباعد تشتهر وتولي تخلص على الفيدوات لي تخدمهم ولا مثلا تكتب مقالات في المجلات وتخلص على الكتابة لي تكتبها والأفضل يكونو مجلات في الخارج اذا بالعربية في الكويت والبحرين والا باللغات الأجنبية
على حساب تخصصك مثلا اذا كنت تقري ادب عربي ممكن تفتح مكتبة ممكن دير دروس خصوصية مثلا اذا كنت تقري اعلام او الكترونيك تقدر تفتح cybergaming او تقدر تفتح محل الكتروني و تبيع فيه كنتجات معينة اكسسوارات نسائية مثلا و اذا كنت مراة تقدر تخدم خياطة شوف المجال لي تفهملو و يناسبك
ماراكش مسجل معانا. تقدر تفيدو؟
تقدر تدخل بسهولة منا
Sign in with Google