مجهول
اذا تسألي المتابعين الكرام واش يستخدمو باش حوايج يولو يريحو مليح بالذات لمخزنين ..
اذا تسألي المتابعين الكرام واش يستخدمو باش حوايج يولو يريحو مليح بالذات لمخزنين فترة طويلة و الشمبرا ايضا؟ من غير المعطرات الصناعية؟
بالنسبة للملابس اذا ريحتهم لي سونس كاين لي يخدم ميكانيسيان .....بعد الغسل تحطهم يتشمخو في الماء و قشور البرتقال و حبات الليمون و بالنسية للبيت ماء و ليمون تبخر بيهم البيت او بخور يتباع عند العشاب خاص للبيت ينزع الرائحة الكريهة و تلصق الرائحة الطيبة في الجدران
حطي صابون دوف في وسط الحوائج و انا الشنمبرا ديري زيوت أساسية المفضلة عندي (زيت الخزامى)
أنا عن نفسي نجيب هاذوك الساشيات الصغار تاع القشقشة اللي مخيطين بالكتان ونحط فيهم عشبة الخزامى ونحطو في وسط الفاليزات والخزاين القش تبقى ريحتو عطرة والابيض مايديرش الصفورة ومايغملش
ختي ننصحك بصابون السائل le chat ta3 la machine àlaver ريحتو تبقا زمان فاللبسة ومام تقدري تستعمليه لتعطير الأفرشة ولي كاش ريدو تخلطي كمية صغيرة منو فالماء وترشي بيه خير من المعطرات تبقا الريحة تاعو لمدة طويلة
استعملي الزيوت الاساسية و لا المستخلصات الطبيعية كيما تاع الخزامة تخلي ريحة دوم بزاف
Khti choufi naw3 saboun thabi rihtou rapih o dirih fi lorgonza arabtih ohatih tani lakhzama mliha bezeeeeef
صابونة و انتي فريتيها تولي الشمبرة ديالك كامل تريح .... ديري زوج ولا تلاتة صابونات في وسط حوايجك 😍
Ki tnodi sbah hali khzantek tethawa w hali twa9i , aghasli b savon liquide ta3 hwayedj ykhali fihom riha hayla , diri savon wast lahwayedj Wela hadok les sachets li yetba3o pour parfumé le dressing Kayen bzf les pages rahom ybi3o des trucs spécial pour ça
Kima Ana ndir soupline yhbeelll w ndir savon dove f hwayjii ❤️❤️ w tb9a riha thbell
لحوايج اللي راني مخبيتهم فالفاليزات نغسلهم .نحددهم و كي نحطهم فافاليزا نديرلهم parfum كي تفوت 5 -6 اشهر يريحو ما شاء الله
La lavande les pétales de roses les galès de linge savon dove aussi rapih f la rape très bien après hotih f des sachets sghar mat9oubin wala des bourses shgar mkhaytin makhdoumin b9mach mat9oub et puis ctt ... les plus efficaces hadou houma
اذا لبسة ديري صابون دوف ولا منعم الملابس لي جي في ساشيات صغار مثلا ماركة (force xpress. . asoupline( أخطيك من الروائح القاطعة كيما البخور والمسك ديري حاجات كيما الخزامى الورد
الخزامى la lavande, حكمي ربطة علقيها باش تنشف ، كي تيبس، فتتيها في كاش سنيوة ، و هاذاك الورد الصغير لي يخرج منها ديريه فl'organza . او في هاذوك تاع les dragées و علقيهم في الخزاين ، منها طارد للحشرات ، و معطر ، و ىيحتو تبقى حتى 5 سنين،.
سوبلين هذاك الساشي تاع البرودي لي تحطيه مع الماء كي تشللي القش .تخلي الساشي كيما راه وتحطيه في حوايجك يوليو يريحو روعة سينون ديري des petit bourse تاع الخزامة
سلام ممكن لي يعرف يجاوبني كي نحب نخدم فالادارة تاع المطار وش لازم ندير تخصص فالجامعة وقداه المعدل لو سمحتم ارجو الاجابة 🛩
حنا في الصحرا نديرو البخور كاين انواع ومختلف الروايح تولي الدار كامل تفحفح وتبقى مدة طويلة وكاين العنبر تاني انواع
ختي ننصحك بصابون السائل le chat ta3 la machine àlaver ريحتو تبقا زمان فاللبسة ومام تقدري تستعمليه لتعطير الأفرشة ولي كاش ريدو تخلطي كمية صغيرة منو فالماء وترشي بيه خير من المعطرات تبقا الريحة تاعو لمدة طويلة
بالنسبة للبيت كاينة خلطة هايلة تقول راكي دايرة قاطو 😂😂 ديري في كسرونة قرنفل وقرفة وفانيليا غبرة وتخليهم يغليو و دوريهم في الدار
ماراكش مسجل معانا. تقدر تفيدو؟
تقدر تدخل بسهولة منا
Sign in with Google