مجهول
حبيت نسأل على مشروع محطة وقود في الجزائر واش لازم الوثائق وشحال لازم رأس ما "
حبيت نسأل على مشروع محطة وقود في الجزائر واش لازم الوثائق وشحال لازم رأس ما "
كنت رح مدخل فيه مرة شركة مع واحد سقسينا وحبسنا ماعندناش صبر المهم يتعطل بزاااف لعندهم تع المجاهدين ثم ثم يخرجو لاغريمو والوقود عليه دعم والسومة نتاعو من عند الدولة يسمى الربح ديالك فيكس ودوسي نتاعو مايخرجلكش في سمانة دير في بالك احتمال تبطى حتى عام ولا باش تخرج التصريحات كامل خاطر لازمك تفوت على وشحال من جيهة منها اليبئة وتع الطاقة والولاية. الملف ديالك من الولاية باش تكون علبالك تبدى من ثم وهوما يدلوك. وبنائها مكلف اذا عندك دراهم الربح فيها الله يبارك وبالذات اذا عرفت وين تبنيها مثلا في ولايات ناقصين يسهلولك الاجراءات. متوسط التكلفة هكاك اكثر من 6 مليار باش تقدر تجهزها اذا تجهيز بسيط 3 ملاير, نقلك تجهيز فقط. وثان المساحة ماشي محسوبة وهي عامل مهم باش تديرو في لحساب والاشغال ماتفوتش 3 سنين كي تقدم دفتر الشروط يطلبو منك ملكية الارض وبطبيعة الحال ماتكونش فلاحية وعلى الطريق واذا مساحة الارض في المدينة ماتقدر تديرش فيها خدمات تقدر تديرها محطة بترول فقط ونقطة وحدوخرة هي فيها شروط المحطة بلي تخدم 24 ساعة وامور من هاد النوع ومرافق معينة لازم تتوفر فيها كيما حشاكم الفيسي وغيرها الشروط كامل تلقاهم عن الولاية لرح تخدم فيها يسمى دك واش تدير باش تبدا. تجيب دفتر الشروط تع نافطال باش تستوفيهم وتقدر تدي لاغريمو الاجراءات من الولاية تبداها وتكمل معاهم وتفوت على الهيئات تع الطاقة وغيرها نصيحة لوجه الله اخطيك من القرض تعيا فيه ماعنديش معلومات بزاف عليه مي تاكد منو الا ربوي
مكان ني جينيرال ني والو ،دراهم يهدرو و كتر من مليار بسكو جينيغالمون رآهم يطالبو ب ستاصيون مع ريسطو و بوكو د شوز .. متعاندش اللي يحبسوك . شوف معريفة و بوكو شكارة😁 الله يسخرلك خويا
الله اعلم لكن أقل مبلغ يكون 10 مليار و هذا أقل مبلغ لأنهم راهم يشرطو سوبر ماركت مع المحطة و بلا ما نحكيو على المضخات و الآلات تحت الارض و الحفر ووووو
لازم دير دوموند تاع لاغريمون فالعاصمة فيها المخططات المعمارية و طلب و ملف اداري لازم تصبر شوي لانو طول وحد ستة اشهر كي يمدولك لاغريمون تروح لمهندس معماري يبدالك فالملف فيه زوج خطوات ملف قرار الانشاء وملف رخصة البناء
نعرف واحد مرضوه و بالمعرفة و لارمي زعما لدوك أي مكملة مي معدوش حق يحلها رأس مال 13 مليار
ماراكش مسجل معانا. تقدر تفيدو؟
تقدر تدخل بسهولة منا
Sign in with Google