مجهول
ادا تسألي اذا كاين طلبة يقراو ويخدمو ويخلصوا بالنهار؟ واش من نوع خدمات تخدمهوم و..
ادا تسألي اذا كاين طلبة يقراو ويخدمو ويخلصوا بالنهار؟ واش من نوع خدمات تخدمهوم وهل تعطلكم الخدمة على الدراسة؟
سلام عليكم كاين ياسر فرص تع عمل سوبيرات ولا في السوق او فاست فود غيرها من الأعمال العادية تقدر تساعد بيها روحك ولا تدوير سلعة في الفايس بوك او الانسقرام النهار كامل رانا مقابلينه 🙄 بلا فايدة ولا تخدم حاجات وتبيعهم في الفايس بوك او تشري طابعة ولا تخدم البحوث مدامك جامعي ونتشر إعلانات في الاماكن العامة وغيرها وغيرها الكثير والكثير من الافكار الفكرة انك النية بالعمل واذا لقيت للخدمة اعطيها وماتخلي والو ، بالتوفيق للجميع 🙌😊
Moi personnellement j'étais secrétaire dans une école privé nakhdem demi journée et je fait mon master en parallèle et hmdlh
العمل عمرو ما يعطلك على القراية، بالإرادة دير كلش ... و نصيحتي لكل واحد ربح البكالوريا ... دبر خدمة يا لوكان بعشرين ألف في نهار و ادخر دراهمك و ما ضيعهمش في شكيل ... كي تكبر تعرف قيمتهم و يديرولك مشروع المهم يفتحولك باب ... ربي يسهل لكل إنسان
هي لوكان تعرفو. تنظموا وقتكم و ماديروش حاجة علاحساب لوخرا راح تنجحوا هوما الخدمات الملاح يعني لي تقدر ديرهم اومبارالال تخدم طاكسيور ولا روسوفور ولا تخدم في سوبيرات و لا حتى تدير تكوين بائع صيدلاني و لا مول سيبار و ربي يوفقكم ان شاء الله
كن بسيطا مسالما في كل شيئ الا في احلامك انتزعها من الحياة بقوة ارقى اقتباسات في صفحتي
إذا تتقن اللغات تقدر تخدم في centre d'appel.. و الخلصة مليحة كي تكون طالب
انا كنت نقرا او نخدم في ارديس ولا كاين باب الزوار ولا دوام الاخير كاش فندق
نعرف لي يخدمو مع موبيليس يديرولهم الاشهار مثلا في المساحات الكبرى ولا حتى بعض لي يخدمو في السوبيرات يخدم على حساب الايامات لي مايقراش فيهم
اشري عفايس بجملة و بيع احسن شي بنسبة لطلبة بنسبة اللبنات كاين لي يخدمو قاطو فديور و يخدمو بنهار
لازم عليك تحوسي على عمل تقدري تخدمي بنص النهار كيما بائعة في صيدلية ولا حانوت .. او تتفاهمي مع صاحب العمل يحسبلك بالسوايع خاصة اذا دراستك ماشي كل يوم نفس جدول التوقيت .. أو حوسي على عمل يكون غير في نهاية الأسبوع و يكون الخلصة بالأسبوع طالعة كيما معلمة او استاذة في مدرسة خاصة بالدروس الخصوصية .. و عندك خيارات كالفريلانسر أو التجارة (بدون محل) و كل انسان ميولو و شطارتو
انا نخدم فليل في لاكنيك وفي نهار نقرا نخدم يومين فليل ونقعد يومين مليحة
Ya9edro ye9aw sbah w yakhedmo la3chiya w yhatto certaficat fi l'administration beli rahom khedamin en cas ou ma9edrouch yahadro les td 9raw m3aya bzzef hado li yakhedmo w houma kano ymajoro w fahmin khir menna 😂
خدمت في حانوت نليع قش ذراري صغار لمدة ٦ أشهر مع لول كنت بيان مبعد بديت نحس باسلبية لأنو الشعب تاعنا مايعرفش يتعامل و لي يجي يحب يستعبدك الور تغيدك روحك كي تكون قتري و تتعامل مع الحثالة ننصحك تصيب خدمة في بلاصة تحتك فيها مع لي كيفك مثلا انيكاصيون في مركز تجاري او في مدرسة خاصة
Mliha tkhdmo w ta9raw ana kont na9ra w nkhdam nroh ghir les td kont nkhdam f hanout ta3 hwaydj w wa9ti kan mndam w en plus kont nkharadj 3ami très bien w m3awna rohi b1 sur w masarif mémoire kaml drthom wahdi hmd kont m3awna rohi
هي أحسن حاجة أنك تحاول تخدم في مجال قرايتك مثلا انت تقرا تجارة ولا اقتصاد شوف الحوانت اذا كنت تقرا صيدلة اخدم في صيدلية اذا بيولوجي اخدم في المخابر او الصيدليات وهكذا
Tqdr tkhdem f superette, wela tkhdem vendeur f kech hanoute, yla 3ndk scooter tqdr tkhdem les livraisons l ness, w zid nta w chata3raf dir, yla ta3raf tarsam matalan tqdr dir page fb w insta wtkhdem les dessins l ness,wela tkhdemhom f les sites ta3 freelance tqdr tkhdem impression 3la tshirt wela covers ta3 telephone, tqdr tebda ecom local jib sel3a direlha publicité wtbi3 (matakhd3ch ness) ... bla manahdro 3la lkhdayem li tqdr dirhom f dar
تقدري تخدمي عند صاحب مكتبه تعاونيه وتخدمي بالنهار ولا بالساعه ...تخدي في سوبيرات. بنص نهار او حسب ما تتفاهمي معاه .... تكتبي مذكرات على الكمبيوتر وتخلصي عليهم ..تخدمي في محل ملابس في ايام الي متكونش عندك قرايه بزاف ولا مكاش قرايه هداك النهار .ربي يفتحلك بيبان الرزق ان شاء الله
ماراكش مسجل معانا. تقدر تفيدو؟
تقدر تدخل بسهولة منا
Sign in with Google