مجهول
1- انا متحصل على ماستر2 في اللغة الانجليزية سنة 2016 وعندي غير شهادة المؤقتة للم..
1- انا متحصل على ماستر2 في اللغة الانجليزية سنة 2016 وعندي غير شهادة المؤقتة للماستر، ليسانس خداوها...نحب نسأل ماهي المعاملات باش نطلب الشهادة الاصلية للماستر و الليسانس و يرجعولي كشف البكالوريا. 2-سلام. سمعت بلي شهادة باكالوريا و شهادة ماستر اللي يمدوهملنا هما شاهادات مؤقتة. و كي تحب تحط ملف الهجرة لازم الشاهادات الاصلية! سقسيلي تعيش منين وش لازم و كيفاش نجيبهم ؟ و شحال يشدولي الوقت! 3-سلام سقسيلي واش ندير تبحرلتلي شهادة البكلوريا و نسخة عن كشف نقاط 4-أنا طالب جامعي تبحرتلي بطاقة الطالب... كيفاه ندير معرفتش !؟
بطاقة الطالب : تروح عند اقرب مركز شرطة للجامعة وتدير ابلاغ عن ضياع ( بش تديرو لازم قبل تروح عند القسم لي تقرا فيه يديرولك بطاقة معلومات فيها الاسم اللقب رقم التسجيل مكان الازدياد والسنة الجامعية . تديه لأقرب مركز شرطة وهوما يخدمولك بيها ابلاغ عن ضياع ممكن تهرجلك في نفس اليوم أو اكثر أجل أسبوع) مباعد تجيب الابلاغ عن الضياع للقسم تاعك ومعاه زوج تصاور ومبلغ 200دج وشهادة مدرسية ونسخة من البطاقة الضائعة (اذا عندك) وننسخة من بطاقة التعريف يخرجولك بيها بطاقة الطالب جديدة ممكن المدة تكون ثلاث ايام وممكن تمتد لشهر على حساب الادارة تاعكم
تريد توجيها و نصائحاً لانشاء مشروع بميزانية صغيرة او معدومة!! تابع صفحتنا👌
بالنسبة لبطاقة الطالب قبل ما تروح للشرطة روح لنيابة العمادة البيداغوجية يعمرولك وثيقة بعدم سحب بطاقة الطالب و من بعد تديها للشرطة باش عدا يخدمولك وثيقة ضياع
تدير يكلاراسيون عند الشرطة بالوثائق المفقودة وتتوجه للجامعة في كلية اللغات عند نائب العميد للبيداغوجية يعطيوك استمارات تعمرهم ومن الاحسن تطلب الشهادة المؤقتة و الشهادة النهائية لليسانس و الماستر مع بعض و طلب سحب شهادة البكالوريا هدو تخدمهم في نهار بصح كل ادارة و كيفاش كاين اللي تستنا ١٥ يوم وكاين اللي كتر
صاحبتي تبحرتلها بطاقة الطالب عاودوهالها فالكلية .أما حكاية الشهادات صح هي شهادات مؤقتة الأصلية تبقى فالجامعة حتا بعد 5 سنين باه تقدر تجبدها
الشهاده الاصلية تطلبيها من الجامعه لازم طلب خطي زلازم يكون عندك قبول من جامعه اخرى (الخارج) يمدوهولك نورمال ومعاه الرولفي تاع لباك تاني بصح حطي في بالاك راهي مكانش نسخه اخرى يعني لوكان كاش مايصرالها تطفر فيك قرايتك راحت باطل والجامعه راهي مش مسؤوله عليك خاطر راكي تسني عليه نهار تهزيه
انا جبت الشهادة الأصلية، برك روح عندهم و قوللهم و هوما يقولك واش خاصك، انا عمدت مانزيدش نولي للجامعة و كتبت تصريح شرفي علاش راني خارجة، ماشي حاجة كبيرة، واقيلا حتى تروح للمكتبة يعطوك ورقة مكتوب فيها باللي رديت كامل الكتب المستعارة و حتى نتاع لاسيتي الا داير، مانيش عارفة واش كامل الجامعات كيفكيف، تروح تستفسر أفضل و ربي يسهلك
ماراكش مسجل معانا. تقدر تفيدو؟
تقدر تدخل بسهولة منا
Sign in with Google