مجهول
1- انا طالب بكالوريا 2020 ادبي سقسيلي على مشروع تربية الأبقار و كيفية استيرادها ..
1- انا طالب بكالوريا 2020 ادبي سقسيلي على مشروع تربية الأبقار و كيفية استيرادها من الخارج لإنتاج الحليب و مشتقاته و تدعيم الشركات الوطنية بالمادة الأولية واش لازم نقرا بالنظر للشعبة لي راني فيها ''ادبي" و هل الدولة دعم مشروعي ؟؟مع العلم عندنا ارض صغيرة في متيجة و ارض كبيرة فلاحية في ولاية الجلفة حاب نمشي على منهاج شركة المراعي فالسعودية لكن صغيرة امبعد نكبر المشروع 2- مساء الخير من فضلك حبيت نسال على مشروع تربية أبقار ماذا يلزم من شهادة و كيف استطيع بدا المشروع علما انني حاصل على شهادة ماستر البيولوجيا شكرا
لازمتك مهندس او خبير من المانيا ننصحك ببناء المشروع في الصحراء والخبير هو نفسه من يختار لك اقوى احسن سلالة للعجول حسب الشكل الحليب ....ويركبهم في طائرة عادي يوصلوك تحتاج فلوس +اهتمام
لازم تقرى بيولوجيًا و تخصص فيها و الدولة مش راح تدعمك اختي عنها سنين تجبد و ممدلهاش لمشروع
ربي يوفقك و ينجحك ان شاء الله👏👏 وش نفرح كي نشوف الشباب تاعنا يخمو يديرو مشاريع هك👏👏👏
مش شرط شهادة باش دير هاد المشروع تقدر دير فمعهد التكوين تربية حيوانات و ببطاقة الفلاح الدولة تعاونك
بصراحة أنا نشوف مشروع مليح كيما في منطقة سيدي راشد في تيبازة دار هذا المشروع وفتح مزرعة ودار محل مواد عضوية وأجبان فكرة مليحة ❤️❤️❤️
اكثر فكرة مشروع حبيتها 💞 اطول سورة في القران (البقرة).. برغم انو والا ليا نظرة واسعة اما مرك شفت في شريط انو كل ما كان العشب في الماكلة لي ياكلها البقر تكون جودة حليبها جيدة.. و نظافتها كيفكيف تأثر... هذا وش نعرف مي كوراج
Mazalk t9ra t9dr trou7 la maison d'entreprenariat fi lfac t3kom wtatr7 l'idée t3k w homa yodrsoha wy3touk 9ardh
أنصحك بالتواصل مع مركز البحث العلمي و التقني للمناطق الجافة بولاية بسكرة www.crstra.dz المتخصص في كل ما يخص البيئة و الموارد الحيوانية.. كاين باحثين مختصين في الموارد البيولوجية يفيدوك و يفهموك وش لازم لتجسيد هاذ المشروع
روح دير تكوين باه تقدر تخرج بيه القرض راح تستفيد خير من تخسر كلش من جيبك
تخصص علوم فلاحية هو لي فيه تربية المواشي "zootechnie" لكن هدا تخصص علمي، يمكن توظف معاك مهندس زراعي إدا راح تكبر المشروع و بيطري
ننصحك تروح تخدم وين يربو الابقار و شوف كفاه يسيروه باش تتعلم المهنة و تدي نقاط تبني بيهم مشروعك.. بالتوفيق
ماراكش مسجل معانا. تقدر تفيدو؟
تقدر تدخل بسهولة منا
Sign in with Google