مجهول
نقدر ندرس دروس خصوصية و انا سنة 1 جامعي؟
سلام ، حبيت نسقسي انا جبت شهادة البكالوريا بتقدير جيد جدا 15.89 تخصص لغات أجنبية حابة نكمل تخصص إنجليزية كوني متمكنة فيها الحمد الله، سؤالي هو انو عندي جارنا عندو غاراج قالي نمدهولك تقري فيه ليكور فالإنجليزية حبيت نعرف رأيكم يعني كوني تلميذة هل مسموح ليا ندرس و زيد فغاراج اذا نسحق autorisation و لا لالاوادا نقدر ندرس واش تنصحوني انو ندرس دراري صغار ونعلمهم الانجليزية ولا نقري صحاب الباك كوني نعرف البرنامج نتمى تفيدوني و تعطوني رأيكم فالموضوع لانو ماشي حابة ندير حاجة قادرة تحطني فالمشاكل مع "الدولة" 😅 و شكرا
سلام عليكم ...بالنسبة لهذا الموضوع فكرة ولا اروع تقدر تدير نورمال وما شاء الله عليك باينه متمكنة مليحة في الدراسة وهذا المجال مش راح يعطلك ابدا املا مدام كاين قراج وهو اكبر مشكلة في هذا المشروع الناجح املا غير اصدمي بربي يكون غير النجاح ينتظر فيك .... حاجتين اولا لازمك تتفاهمي مع صاحب القراج علئ السعر والارباح من البداية بش متكونش المشاكل اعطيه بالنسبة خيرلك ... وثانيا لازمك تديري باجا تع فايسبوك واعلان ممول بش تجيبي الغاشي تع المنطقة تاعك او تديري اعلان وتعلقيه في المكاتب القريبة منك ... المهم تقدر تقري دعم تع انجليزية سواء دروس تابعة للمنهاج او دروس مقتوحة تع انسان حاب يتعلم الانجليزية من البداية او يمكن تديري في زوز افواج كل واحد كيفاه تقريه ... وهدي فكرة احسن وتستقطب ياسر غاشي لانو في هذا الوقت ياسر عائلات حابا تقري ذرهم في الانجليزية مدامهم مزالو صغار وبربي يكون المشروع ناجح المهم الصبر والاستمرار تو تلقي نتائج ايجابية جدا عن قريب ... للمزيد مرحبا بالجميع ...بالتوفيق
ماراكش مسجل معانا. تقدر تفيدو؟
تقدر تدخل بسهولة منا
Sign in with Google