احتاج مساعدة نفسية
عندي صديق عزيز عليا وراه في لغربة يخدم وملي جات كورونا ما شافش يماه عنده غي هي في هاذ دنيا
الوغ راه في حالة نفسية صعبة جدا مش منجم لا يخدم لا يهدر مع حتى واحد
وراني باغيا نعاونه في سبيل الله من فضلكم لي عنده افكار يعاوني
التكنولوجيا تطورت بزاف مش كما بكري يهدر معاها بلاكام وادا عنده مواعظه يقدر يدخل بصح مايرجعش ربي معاهم الفراق صعيب ربي يلم شملهم يهدر معاها كل يوم ويشاركها كل خطواته يصبروا بهضاهم حتى ربي يفرج ويزول هاد الداء والبلاء بحول الله
رانا كامل فالغربة حاصلين! يحمد ربي لي ميمتوا راهي بخير و بصحة جيدة، الصبر حتى تفوت هذي الازمة! الحدود راهم مغلوقين، و لكن ممكن يتقرب من القنصلية الجزائرية في بلد الاقامة بصح لازم وثائق تثبت بلي الحالة مستعجلة و يسنى حتى يكونوا رحلات اجلاء يعيطولوا فيهم. الذهاب فقط! الرجوع غير مضمون و مايكفل بيه حتى طرف. قادر يحصل فالجزائر.
نحكيلك من واقع تجربة. الشي الوحيد لي بالاك يخففلك هي الصحبة لي لمليحة والنشاط مايقعدش وحدو. يخرج مع لي جان لعاقلين ويدير سبور يدخل تحفيظ قران ولا يشارك في انشطة تع جمعيات ولا مام يدخل يخدم عند كاش واحد ولا حتى يدير سطاج ولا غيرهم. يشغل وقتو. هادي الطريقة تنحي الغمة والوحشة. اذا الشخص ماكاش حاب يحسن من نفسيتو ماتفيد معاه غير الوقت. ابارصا كيما قتلك الانشطة والصحبة لمليحة.
احيانا تبرمج الجزائر رحلات من دول مثل الامارات او فرنسا، مثلا يشوف متى تبرمج رحلة من دبي الى الجزائر و يروح لدبي من الدولة لي فيها ثم من دبي الى الجزائر، و ربي يوفقو
ماراكش مسجل معانا. تقدر تفيدو؟
تقدر تدخل بسهولة منا
Sign in with Google