Kiki

1.17K

تكتب نهار 25 نوفمبر
دورات اعتماد
شافوه (2234) مرة
109

حابة نقدم دورات لتعليم الحلويات

السلام عليكم عندي ديبلوم حلويات تقليدية معتمد و حابة نولي ندير دورات ماهي الخطوات لتسمحلي باه نمد شهادات معرفتش منين نبدى


مشاريع واقتصاد

Bboy_joseph

3.51K

جواب نهار 26 نوفمبر

3

نظن تروحي تتفاهمي مع غرفة الصناعة والتجارة ولا غرفة الحرف وتعودي ديري دورات وديبلومات تاوعك تديهم عندهم يمضيهم المدير وتمديهم للمتدربين يعني هوما يكاشولك برك


جواب جديد
شافوه (1259) مرة

Fidari_dari

5.01K

جواب نهار 26 نوفمبر

2

ديري جمعية باش يصح لك الحق في اعطاء الدورات معتمدة ومنسقة مع غرفةً الصناعة والحرف


جواب جديد
شافوه (1257) مرة

جواب نهار 26 نوفمبر

2

الحاجة لي علابالي بيها انه هناك نوعين من الشهادات كاين تكون معتمدة من التكوين المهني


جواب جديد
شافوه (1257) مرة

Fleur

2.02K

جواب نهار 26 نوفمبر

1

عندي زوج مسارات تمشي في انك تفتحي محل تدريب ولا تدربي وحدك دورات في الانترنت وهاذي يدورها بزاف الغاشي مي الديفوا تاعها ماشي معتمدة يسمى ماتقدريش تعطي شهادة يقدرو يخدموا بيها. واذا تديري مدرسة لازم بلاصة تع كاش 4 غرف وتدريلها كراسا والعتاد تع الكوزينا لي تحتاجيه وهذا يستقامل. نقولوا زوج كوش كوندور ولا فور هاذي راها 6 ملاين. ولكرا ديريه 2 ملاين لشهر اذا ماعندكش بلاصة. والتجميل تع المدرسة مع الاثاث ممكن يكلفك 50 مليون فيها صبيغو وكارسا وطوابل وغيرها. وزيدي فوقها التسويق لي لازم تديريه لازمو شوية ميزانية اقل تكلفة ممكن مليون تطبعي وراقي وتوزعيهم في الباطيمات لي قراب ليك. تقدري تديري جمعية يعطوك الدوسي في البلدية وهاذي ساهلة تفتحيها ولا اذا حبيتي مؤسسة تجارية متكاملة تجيبي اعتماد من مديرية تكوين المهني. شوفي واش يناسبك اذا ماعندكش الدراهم تقدري تبدا في الفييسبوك وتديري دورات بدراهم بصح كيما قتلك ماتقدريش تعطي شهادة معترفة



جواب جديد
شافوه (1258) مرة

جواب نهار 26 نوفمبر


وكاين معتمدة من طرف وزارة التجارة


جواب جديد
شافوه (1254) مرة

جواب نهار 01 ديسمبر

1

تتواصلي مع غرفة الصناعات التقليدية في الولاية تاعك، تتعاقدي معاهم لأنو التكوين هذا معترف بيه عندهم، و باش يولو يمدو بطاقة حرفي للمتخرجين من عندك لازم يجوزو عندهم امتحان.


جواب جديد
شافوه (1254) مرة


ماراكش مسجل معانا. تقدر تفيدو؟
تقدر تدخل بسهولة منا

Sign in with Google