مجهول
علاه لقاح كورونا جا بسرعة ؟
الايدز عندو اكثر من 40 سنة و الزدرة كل عام تحكمنا علاه مدارولهمش vaccine و كورونا قدرو في عام يديروه ؟
لأنو فيروس الأيدز يتغير بشكل سريع يعني الغلاف البروتيني تاعو لي يخلي الخلايا المناعية تعنا تتعرف عليه فالمرة الثانية بعد اللقاح يتغير و مش راح تعرفو و بهذا اللقاح يولي ماعندو حتى معنى ، و بالنسبة للزدرة كاين اكثر من 150 سلالة و كل سلالة لازملها vaccin و باش كل إنسان يتلقى هذا العدد كامل مستحيل ، و الكورونا الله أعلم 😅
VIH سموه فيروس فقدان المناعة المكتسبة يعني يستهدف جهاز المناعة بينما الكورونا يستهدف الخلايا الرئوية
يعني مجرد راأي فقط : الكورونا مست العالم اوكل يعني معظم الشعوب تقاست و هذا لي خلا العلماء زادو الجهود تعهم لانو العدد غير يزيد و حاجة أخرى أنو الدعم المالي كان كبير بش يلقاو اللقاح ويبيعوه وثاني رانا ف تقريبا 8 ملاير شخص وكل شخص يدي زوج جرعات من اللقاح يعني تصور الربح و الله أعلم
بالنسبة للايدز كانت محاولات عديدة باش يديرو لقاح بصح طبيعته صعيب من نواحي عديدة:
الفاكسان في العادة يصنعوها من الانتيبوديز اللي ينتجها جسم الانسان اللي كان مصاب وتعافى بصح في حالة الايدز واحد ما يبرا منه
او يصنعو الفاكسان من فيروس مضعف او مقتول بصح في حالة الايدز ما يقدروش يحقنو الناس بيه وما يقدروش يديرو تجارب سريرية على البنادم اغلب التجارب على الحيوانات برك ومش مثبته واصلا الفيروس بطبيعته يتحور سريعا لذا الفاكسان اللي يصنع بعناء الان لا يكون له اي نفع في حال يتغير الفيروس مرة اخرى وليس من السهل صنع فاكسان ليه. والاهم من هاذا كامل ان جهاز المناعة اعمى عندما يتعلق الامر فيروس الايدز وينتج انتيبوديز تبطئ من انتشار المرض لكنها لا تستطيع معالجته. لذا نقول للسائل ما تقارنش التفاح بالتشينه وتقول كيف كيف الفيروس يختلف والامراض تتنوع بصح دائما هناك امل ممكن مستقبلا يلقاو فكرة اخرى للعلاج وربي يشفي الجميع ويعطيكم الصحة!
هيا نفهمك بالدارجة و بمثال بسيط شوف هاد الإيدز شغل مجرم خطير جدا كلما يدخل لبلاد (الجسم ) يروح ديراكت للجيش تاعها (الخلايا الدفاعية Lt4) و مع يدخل للكازيرنة يبدا يخدم جنود منو بزاااف يشبهولوا كي تتحلبوا هديك لبلاد توجد محاربين و تبعث تصويرتوا لكامل الكازيرنات لوخرين يبداو يحوسوا عليه باه يقضوا عليه ينحوا بزااف منو و كي البلاد هديك تحس روحها خلاص قريب تربح يبدل الشكل و المعلومات تاوعوا كامل و يخدم جيش وحدوخر ما تجي البلاد هديك توجد الجيش تاعها يزيد يتبدل هو تان هذا كامل و هو يبدل فالكازيرنات تاع البلاد هديك و يقلب الجيش ضد روحوا شغل يولي الجسم هذاك يحارب في روحوا و المناعة تنقص تنقص لدرجة أنو لاڤريپ يقتلك و كيما قراو و بحثوا ما لقاوش دوا بصح الكورونا مشي هكدا و يروح ديراكت للرئتين
Hiv يستهدف الخلايا المناعية LT4 التي تصنع مضادة الفيروسات و الكريات البيضاؤ و يدخل الAdn تاعو و تولي بدل ما نصنع الخلايا المناعية تصنع خلايا الغيروسات
المشكلة تع الايدز ماشي كيما الكورونا في تدميره جهاز المناعة. الايدز ربي يعافينا يدمر جهاز المناعة بسرعة اسرع من الكورونا
الايدز كل كل خطرة يبدل الطفرة تاعو على حساب واش حوست عليها صعب انهم يدورولو مضاد
ماراكش مسجل معانا. تقدر تفيدو؟
تقدر تدخل بسهولة منا
Sign in with Google