المشاكل و المعوقات الناتجة عن كوفيد-19

نحتاج سبر اراء الناس العاملين في قطاع الصحة و المواطنين العاديين من اجل مشروع احصائي على المشاكل لي سببتها كورونا او المشاكل لي كانت موجودة اصلا بصح زادت تفاقمت بسبب هادا الوباء

من فضلكم افيدونا باجاباتكم

المشكل الأول والأخير هو النظام حنا النظام عندنا مخلط وزاد تخلط في المستشفيات مع الكورونا. ياريت المسؤولين يعطو قيمة للنظام. قصدي بالنظام كي يجي واحد يداوي ماشي قال كل واحد ودالتوا بالنميرو لالا ولا مام الانتظار مرتب, تعرب فام دوميناج تدخل انت لول. المشاكل هاذو كثرو بزاف مع الكرونا. المشكل الثاني الكوادر من حقهم يخافوا من اي مريض يجي للمستشفى فكان الاولى قبل مايدخل اي مريض بحكم نقص في المواد الأولية مثلا طبيب لازم يدور بالماسك n95 ماييصلحش يدور بلخفيف فهذا خلا الطبة يخافوا من معاينة المريض معاينة كاملة المشكل الثالث لشتوا نقص الأدوية تع المضاد وغيرها ممكا يخلي المريض ضايع

نوافق خويا صالح والنظام هو المشكل لكبير لعندنا. انا لشتوا ومام عندي فاميليا طبيبة يعانوا من قلة النظام ومايخليهمش يديرو خدمتهم مليح. والطبة ماعندهمش تاويل مليح باش يحافضوا على رواحهم.

كور وعطي لعور ماكاش تقدير للمريض ومايشدوش المريض على الاقل قبل الكورونا كانو يدير ليزاناليز مي ذرك اعطيه كاشيات تع الراس وسلك