اسهل طريقة تنحي الصبيغة من الكارلاج

السلام عليكم وبارك الله فيكم اول شي. ثاني شي حبيت تسقسيلي المتابعين الا يعرفو على اسهل واسرع طريقة نحي بيها الصبيغة من الفايونس والكارلاج. بسبب المديتي كل فترة وفترة نعاودو كامل الصبيغة تاع الدار والدار كبيرة وكل مرة يخلولنا الصبيغة في كل بلاص. الا تعرفو طريقة غير اليدوية باش نحو الصبيغة وربي يجازيكم

سلام عليكم بالنسبة لهذا الموضوع علئ حسب نوعية الصبغة اذا فينيل تتغسل بالماء ومع الوقت تروح عادي اما اذا لاك او ساتني لازمها ليصونص نموذجي او الديلون تروحي عند مواد البناء وقله علئ نوع الصبغة ويعطيك هذا الحل المهم ديرها في قطعة تع قماش امسحها شوي تروح اكل ... بالطريقة اليدوية ... والمرة الجاية من الافضل تحاول تنظفها في اليوم الي تتخدم فيه مدامها جديدة ... ( كاين مواد تنظيف قالو تنحي الصبغة ولكن لم اجربها من قبل ) بالتوفيق للجميع 🙌😊

السلام عليكم. اذا عندك هاذ المشكل يتكرر بزاف ننصحك انك توجد قبل الصبيغة باه توفر على روحك مشاكل ما بعد اصبيغة. اشتري بلاستيك بكميات كبيرة واشتري painters tape ولا سكوتش وغطي الاماكن القريبة ولا الاثاث اللي ممكن يتأثر وكي يجي يصبغ ولا يطرش على الارض ولا الاثاث يكون كل شي مغطي. بون شونس!