مجهول

تكتب نهار 25 جانفي
تعامل مع الناس
شافوه (473) مرة
8

سلام عليكم ، ان شاء راكم كامل ملاح ، ليوم جيت نحكيلكم حاجة بلاك كاين لي يقدر ينص..

سلام عليكم ، ان شاء راكم كامل ملاح ، ليوم جيت نحكيلكم حاجة بلاك كاين لي يقدر ينصحني بحاجة ان شاء الله. بون انا بالرغم من اني نصلي صلاتي في وقتها و نقرا اذكاري ليل و نهار و نستغفر و كلش بصح قلبي كحل و نزرب نحقد و لي يغلط معايا خلاص عليه ، حرت في روحي نقول نتبدل و نحكم في روحي بصح والوا و هذوك لي غلطو معايا بلاك في 2012 مزلت نكرهم و منسيتهمش و لعباد لي نكرهم راهم غير يزيدو ، لي مقلقني انهم من عايلتي و نحس في روحي نكرهم و ندمانة بصح مقدرتش نبيض قلبي، كون جاو صحابات و جيران و ... ميهمنيش ، زعما وش نقدر ندير ؟ ...


قضايا ومجتمع

بما اني انسانة تشبهك في افعالها والانسان اللي يغلط معايا بزاف نحقد لوكان يصرا واش يصرا مانسامحوش عندها واحد العام قررت نحي هاد العقلية و الخطوة اللولة الي درتها هي رحت طلبت السماح من جميع انسان غلطت معاه و ثانيا رحت بديت نحسن فعلاقتي مع الناس اللي غلطو معايا بالعربية رجعتلم شرهم بالخير و بأفعال تخليهم يفكرو مليح ومايعاودوش يغلطو معايا و وليت اي واحد يآذيني نروح نقولو على الخطأ اللي دارو (نضرب الحديد وهو سخون) باش مانحقدش يعني ماتخليهاش في قلبك باش مايترباش الحقد في قلبك و أخيرا حاول قدر المستطاع تبدا بنفسك و ماتغلطش مع الناس و اذا غلطت ماتخليش الانسان مجروح موراك دايمن صحح افعالك بما امكن وانشاء الله يصفاو القلوب والله يثبتك ‏🤍 ‎ – Yushi ‎ نهار 25 جانفي

جواب نهار 25 جانفي

4

قال الله تعالى: (وَ لَقَدْ نَعْلَمُ اَنَهُ يضيق صدرك بما يقولون(97) فسبح بحمد ربك وكن من الساجدين(98) واعبد ربك حتى ياتيك اليقين) سورة الحجر97-99 يبين لنا هنا الله تعالى كيفية معالجة الغضب بالعودة اليه سبحانه وتعالى و تسبيحه والاستغفار اليه. والذكر والسجود ودعائه فهو مجيب الدعوات و قال تعالى: (..الذين ينفقون في السراء والضراء والكاظمين الغيظ والعافين عن الناس والله يحب المحسنين) [آل عمران134] يبين لنا الله تعالى هنا فضل السماح و كتم الغيظ ونسيانه و لهذا فانا انصحك متحكمش في قبلك واستعذ باللله و استغفر و الح في دعائك عليك و جرب انك تسامح والله تحس براحة عجيبة سبحان راح ترتاح وتنحي هم كبير من على صدرك فالله تعالى يقول: (و لا تستوي الحسنة ولا السيئة ادفع بالتي هي احسن فإذا الذي بينك وبينه عدواة كانه ولي حميم ) [فصلت34]


جواب جديد
شافوه (219) مرة

جواب نهار 25 جانفي

3

الحقد و البغض في القلوب و افضل شيء يصفي القلب هو القرأن


جواب جديد
شافوه (219) مرة

Yushi ‎

1.49K

جواب نهار 25 جانفي

3

بما اني انسانة تشبهك في افعالها والانسان اللي يغلط معايا بزاف نحقد لوكان يصرا واش يصرا مانسامحوش عندها واحد العام قررت نحي هاد العقلية و الخطوة اللولة الي درتها هي رحت طلبت السماح من جميع انسان غلطت معاه و ثانيا رحت بديت نحسن فعلاقتي مع الناس اللي غلطو معايا بالعربية رجعتلم شرهم بالخير و بأفعال تخليهم يفكرو مليح ومايعاودوش يغلطو معايا و وليت اي واحد يآذيني نروح نقولو على الخطأ اللي دارو (نضرب الحديد وهو سخون) باش مانحقدش يعني ماتخليهاش في قلبك باش مايترباش الحقد في قلبك و أخيرا حاول قدر المستطاع تبدا بنفسك و ماتغلطش مع الناس و اذا غلطت ماتخليش الانسان مجروح موراك دايمن صحح افعالك بما امكن وانشاء الله يصفاو القلوب والله يثبتك 🤍


جواب جديد
شافوه (222) مرة

Younis

1.42K

جواب نهار 26 جانفي

3

الصلاة في وقتها مليحة مي الخشوع لازم معاها. وتشوفي كيفاش تتبدل حياتك. وثان ديري تمرين كل ماتحقدي على تصدقي على واحد خرجي صدقة واعطيها لمحتاج. وربي يجازيك ويوفقك لفعل الخير.


جواب جديد
شافوه (219) مرة

جواب نهار 27 جانفي

3

حبيبي و أخي العزيز، دير في بالك أن هذا العارض "قلب أسود" هو مرض و يغذيه الشيطان، الشيطان العياذ بالله منه، يفرح عندما يتباغض اثنان، و النبي صلى الله عليه وسلم يوصينا بأن اثنان يتلاقوا و هوما متخاصمين فوق ثلاث ليالٍ ... إلى آخر الحديث الشريف (لم أستطع ذكره لعدم تذكره) و لذلك أترضى بأن تغضب رب العباد و تفرح عدوه ؟ هذا و بالله التوفيق و صلي اللهم و سلم على سيدنا محمد... نسأل الله الهداية لي و لجميع المؤمنين 💖


جواب جديد
شافوه (217) مرة

جواب نهار 25 جانفي

3

اولا لازم تسقسي روحك ادا راكي تحقدي بلا سبة و لا كاين سبة و قيمي السبة هادي ادا تستاهل ولا لا، تانيا هل هادوا الناس وجودهم في حياتك ادا عندهم تأثير سلبي(خطيك منهم) و ادا عادي، الي ضلمتيهم اتعلمي اطلبي سماح هدا هو مفتاح باش يلين قلبك و كي تتفكري هاداك الانسان ما تتفكريش لحوايج العيانين عليه دايما حتى ادا ضروك في حاجة لقايلهم الأسباب و طنشي


جواب جديد
شافوه (222) مرة

Imane

4.27K

جواب نهار 25 جانفي

2

السلام عليكم. اول شي نحييك بللي راكي حاسة بالمشكل وحابة تتحسني. نصيحتي حاولي تلهاي بحاجة معينة تشغلك وقتك وتفكيرك باش تنقصي تخمام فالناس. والا كاش واحد زعفك صارحيه ما تخليش الموضوع يكبر ودايما حاولي تتفكري بللي يجي النهار اللي هاذاك الشخص بعيد الشر عليهم ممكن يموت وتندمي بللي حقدتي عليهم فلخر كل شي يفوت كيما تقول ماما وحتى الا غلطو عليك تفكري بلي انسان فالاخير وكيما نسامحوهم يجي نهار حنا ثاني نغلطو ونتمناو اللي يسامحنا ويعقب وربي يصفي القلوب بون شونس!


جواب جديد
شافوه (219) مرة

Zineb

70

جواب نهار 26 جانفي

2

في رايي الخطوة الاولى هي لارمك تنقصي من الجلسات مع ناس لتنقل الاخبار الغيبة والنميمة. كيما نقولوا اخطيك من اخبار الناس. واذا قدرتي حبسي الفيس ومواقع تواصل مدة والدعاء ماتنسايهش هو المهم


جواب جديد
شافوه (219) مرة

Zahra

490

جواب نهار 26 جانفي

1

بدلي الغاشي لتدوري معاهم. وراجعي معامن راكي تدوري خاطر ناس تاتر عليك وعلى شخصك


جواب جديد
شافوه (219) مرة

Joe Abadi

260

جواب نهار 26 جانفي

1

لا تسمع لأحد فقط أحب نفسك و عندما تحب نفسك ستحب غيرك


جواب جديد
شافوه (218) مرة

جواب نهار 27 جانفي

1

أخي سيي أمشي بالقاعدة تع الناس كامل يغلطوا و ماشي ملائكة حط حدود و درجات خاطر كاين عفايس تقدر تتجاوز عنهم بحسن الظن قول ما قصدش و لا مادارهاش بالعاني مهم يقولك إلتمس لأخيك أربعين عذرا و إدا كاش واحد غلط فيك حاجا صعيبة شوية أجبد روحك عليه و قول راك مسامح من عندي و إدا كاش مادار عفسة بنية سيئة راهو كاين ربي


جواب جديد
شافوه (217) مرة


ماراكش مسجل معانا. تقدر تفيدو؟
تقدر تدخل بسهولة منا

Sign in with Google