السلام عليك خوتي أنا طالب جامعي عندي ليسانس حقوق الحلم التاعي كان نخرج من الجزا..

السلام عليك خوتي أنا طالب جامعي عندي ليسانس حقوق الحلم التاعي كان نخرج من الجزائر تخليت على هاد الحلم لانو كنت نخمم فالميمة منجمش نخليه محروڨة عليا و قدر الله توفت الله يرحمها ، و دوكا راه عند إلحاح باش نخرج من الجزائر بطريقة قانونية بدون حرڨة ، هل من ثغراة او طرق تسهلي ذلك و شكرا .

ميدان القانون صعيب في الخارج من الأفضل تروح تكمل قرايتك

تقدر تقدم كمتدرب مع AISEC وتخرج ولا مام تقدم في الانترنت على الشركات في المجال تاعك. ولو تخصص الحقوق صعيب باش تخدم فيه خاطر كل دولة وقانونها

ربي يرحمها.

تقدر تقدم على جامعات فالخارج وتحاول تكمل تقرا برا. حاول تحوس على منح يعاونوك فالدراهم على خاطر الدراسة برا مكلفة. وعندك حل وحداخر وبالنسبة ليا ننصحك بيه خير تصبر وتكمل قرايتك وتجيب شهادة ماجستير ولا دكتورا وتقدم بيها على استاذ فالخليج ولا فكاش جامعه ولا الا مراكش حاب السلك التعليمي ممكن تحوس على خدمة فالخارج بالدومان تاعك.

عليك وعلا دير راس مال كاش مليار وتروح مبعد ربي سهل دير بروجي مابين 22-37 الف دولار ومطولش يمدولك كوارط