حابة ندير تطبيق ينفع الناس، مي معلاباليش على واه نديرو، حسب. رايكم ويناه التطبيق لي يخصنا حنا الجزايرين؟ ويناه التطبيق لي كاين في البلدان الاخرى و ماعندناش حنا؟ اعطوني افكار على تطبيقات جديدة مفيدة تنفع الناس و شكرا

الإجابة:

شوف اذا كنت متمكن ولا اذا كان عندك مجموعة متمكنة في البرمجة .. كاين وحد التطبيق عجبني بزاف هو تطبيق خاص بالاعمال الخيرية.. خرج في قطر ، اسمو الخير بين يديك .. كان في قلبي اني نخدم واحد كيفو بالصح لازملو قدرات برمجية لاباس بيها وانا مازالني ناقص بزاف على المستوى هذاك.. زيد لازم توفرلو استضافة على firebase تع ڨوڨل اذا تقدرلها رايح يكون عندك صدقة جارية تخدم عليك ليوم الدين و تقدر تزيد صوالح ماكانش في التطبيق لي قتلك عليه ... من مميزات هذا التطبيق: التبرع المباشر لحملات الإغاثة. ميزة التبرع عن طريق البطاقات الائتمانية من اي مكان في العالم. ميزة التبرع والصدقة عن طريق ارسال الرسالة النصيّة. متابعة آثر التبرعات وذلك عن طريق الحصول على تقارير دورية (فيديو وصور) للتبرعات. يحتوى على الكثير من مشاريع الخير مثل حفر بئر او بناء مسجد او كفالة يتيم يحتوى التطبيق على اداة متقدمة تساعدك على سبيل المثال في كيفية حساب زكاة المال او الذهب وغيرها.