تجاوب
السؤال
التكوين المهني او منحة البطالة السلام عليكم حبيت رايكم في أمر انا حبيت نسجل فااتكوين تخصص اعلام الي تقني سامي ،تاع عامين و من جهة اخرى راني حابة ندير منحة البطالة لاني نحتاجها بزاف دوكا معرفتش واش ندي رايو عليا بارك الله فيكم
الإجابة:
حسب رايي ديري تع التكوين المهني خير اقراي تمهين ( apprentissage ) مرتين فالاسبوع نورمالمو سبت و خميس يمدولك ستاج يعني تقراي و في نفس الوقت تعملي ستاج تاعك اختاري مؤسسة اقتصادية خير متلا صونالغاز، البريد المركزي )la poste ) .. علاه ؟ لانهم يخلصوك كل شهر عالاقل ثمنمياتلف ولا تسعمياتلف + تع المعهد كي تقراي تمهين يخلصوك زوج ملاين ولا تلات ملاين .. ربي يوفقك و حاولي تفكري خدمة عند بريفي عالاقل بين ماتحسنت امورك ممكن تلقاي خدمة خاطر ديبلوم انفورماتيك مليح ياسر في وقتنا كي تزيديه فالسيفي تاعك عندك فرص عمل اكتر اقراي خير تعملي تع البطالة تبقاي غير فالدار ماتقدري تعملي والو مبعد كي تحبي تقري تكرهي تقولي كون غير قريت في صغري 😁
تسقسى 16/1/2023تجاوب في 16 جانفي 2023