السلام عليكم بغيت ندير مشروع صناعة مواد التجميل واش هما الخطوات لي نديرها اسكو مشروع ناجح و شحال يلزم رأس مال بتقريب لي عندها اي معلومة يفيدنا بيها و شكرا

الإجابة:

صناعة مواد تجميل لازملها دراهم كبار انا فهمت منك مواد تجميل مثل المساحيق و غوجالاف و كريمات و فرشاة و اقلام... لازملك مصنع و ملايير سنتيم و تصريح و فريق تحديد النوعية و لازم بعدها اشهار طوب و دعاية ايضا، اما اذا باغية غي تصنعي منتوج واحد فهذا ممكن، يعني تبداي بانتاج مقدار اربعين علبة و بعدها تبداي تكبري، انصحك بالبحث جيدا في المكونات و فعاليتها و سلامتها، تواصلي مع اخصائيين بيولوجيين و صيادلة و اطباء، و ديري علبة تكون احترافية تواصلي مع غرافيك ديزاين مليح معليش خسري دراهم بصح اخدمي حاجة طوب، العلبة هي نصف رضى الزبون، اخدميها مليح و بالوان مليحة ماشي باهتة، و الاهم هو تديري دعاية مدفوعة في فايسبوك و الانستا اخسري دراهم لكن باش توصلي منتوجك و تبداي تجذبي زبائن هذا على غرار الزبائن لي نتي تتواصلي معاهم في الحياة العادية، سقسي على تصريح تاع وزارة التجارة و الصحة ايضا و قومي بالاوراق اللازمة، انصحك بالصبر و تخصيص راس مال باش توصلي بعيد و حظ موفق