سلام. حبيتكم تجاوبوني يالوكان بكلمة. وش يقدر يدير الإنسان لي خرج من علاقة عاطفية سامة لي كان هو الطرف لي تعرض لأذى نفسي بشكل أكبر باش مايبقاش يخمم و يزيد يهلك روحو. والله غير الأمر أكبر من أنو الواحد يتحكم بعواطفه يا ريت تنصحوني بارك الله فيكم. أتمنى من صاحب الصفحة النشر

الإجابة:

الحمدلله انك قدرت تخرج من هاذ العلاقة دوكا الواحد لي خرج من علاقة سامة خاصة وهو لي كان يتلقى الاذى منها ماذابيه يفهم نفسو ويحلل علاش عندو هاذ النوع من العلاقات مع الناس، هذا مراهوش حل للمشكل لكن فقط انك تفهم مثلا نوع الاضطرابات لي عندك ومنين جاو، تقرا فهاذ الموضوع، تشوف فيديوات فاليوتيوب العربي او الانجليزي، او حتى تسقسي chatgpt باسكو يفهم الدارجة والعربي ولونغلي كامل، هاذي اذا ماقدرتش ولا ماصبتش اخصائي نفسي كفؤ ننصحك ثانيك تتعارف على ناس في الانترنت يكونو ناس ملاح وطيبين تهدر معاهم غي هذا الموضوع، وتخلي كامل الطاقة تاعك هاذيك تخرجها وتهدر على كامل الحاجات لي صراولك وكيفاش حسيت ووعلاش حسيت هاكذاك وكيفاش كنت حاب الاحداث يكونو في عود واش صرا، هنا راح عقلك يتفتح وتحس روحك خفيف للداخل، مهما كنت رجل او امرأة كامل نسحقو واحد يسمعلنا ونخرجو طاقتنا معاه، وهاذي حاجة تخلينا نفهمو النفس تاعنا خير والافكار والمشاعر دياولنا، وهذا الاساس تع بناء علاقات قوية وصحية كذلك كاين تطبيقات خاصة بهاذ الحالات يعاونوك، دير كراس تكتب فيه اليوميات، ادخل فغروبات تع يوتيوب وشارك القصة التاعك والناس راح تشجعك وترفع من معنوياتك، المهم اشغل وقتك وخرج كل ماهو سلبي! دوكا باش تحل المشكل تع العلاقات السامة، لازملك تفهم روحك وتعدلها، اما وحدك، او بمساعدة، المهم لازم نتا تتسغم باش الاختيارات تاوعك يعودو مسغمين