التوجيه في التخصص انا طالبة باك 2024 شعبة تقني رياضي هندسة طرائق في التوجيه عطاوني اعلام الي انا محتارة بين ان نكمل فيه ول نكمل في تخصص نتاعي هوا هندسة طرائق

الإجابة:

هذا يعود ليك ولواش راكي حابة تديري فالمستقبل مدام خلاص قريب الدخول الجامعي ماتقدريش تبدلي، حاصك تفكري غاية هاذ العام، وانك تحللي الموضوع من الجهتين، يعني تحللي كامل الجوانب تع التخصصين الاثنين طبيعة العمل (يدوي، فيه تمرميد، العمل عن بعد، العمل في المخبر، الناس لي تتعاملي معاهم)، ساعات العمل، صعوبة الدراسة بالنسبة ليك وحدك، مدى شغفك، الطبيعة تاعك كانسان، نتي كيفاش تحوسي تخدمي (تفتحي بروجي تاعك ولا تحوسي تكوني موظفة برك، ولا حتى عاملة حرة)، السوق لي راكي حابة تدخلي ليها (السوق المحلية او السوق العالمية)، والآفاق لي كل تخصص يعطيلك، مثلا كاين تخصص مرن بزاف على الآخر، وفيه فرص مختلفة سما اذا مانجحتيش في واحد تقدري تنجحي في خوه بسح اذا ماتحبيش تكسار الراس، لي هي حاجة عادية كل واحد وكيفاش داير، خيري القرار لي مراحش تندمي عليه (صالح لكلا الحالتين) وفقك الله !