سلام أنا عمري 21 سنة و نقرا فالجامعة راني نخمم فالمستقبل المهني تاعي و لقيت روحي..

سلام أنا عمري 21 سنة و نقرا فالجامعة راني نخمم فالمستقبل المهني تاعي و لقيت روحي روطار فبزاف حاجات لازم نكتسبهم (مهارات ) كيما الإعلام الآلي، الإنجليزية، ....إلخ قولولي وش لازم نكتسب كامل و كيفاش و كاش مواقع مجانية أو من اليوتيوب و شكرا مسبقا

كاين موقع مجاني يقريك الصوالح الي راك تحوس عليهم، اسمو ( ادراك) كي تكمل الدورة يمدلك شهادة ، فيه شرح بالعربية ، كمل الدورة في الوقت الي يناسبك.

أولا واش هو تخصصك، خطراش كل تخصص يتطلب مهارات مختلفة عن المهارات الثانية. طبعا كاين مهارات يحتاجوها في كل التخصصات ومنها مهارات الحاسوب واستخدام البرامج تاع Microsoft office ومنها البوربوينت والاكسل ووالوورد. طبعا مهارات اللغة كلما زادت لغتك كلما كان افضل.

ننصحك تشوفي تخصصك واش يحتاج يعني اهدري مع اللي راهم يخدمو في مجالك وشوفي واش هي المهارات اللي عندهم وامباعد ديري خطة كل فترة ادخلي دورات (اونلاين وفي الواقع) فيهم. ومن ضرك سجلي في اللغة لانها اكثر شي ياخذ وقت والتعلم يكون اسهل من خلال مجموعة تحفزك وتتعلمي معاهم

كاين مثل يقول Ne jamais régler ta vie selon l'horloge des autres مراكش روطار خويا لازم تشوف الشغف و الاهتمامات تاوعك في اي مجال راهم اذا مازال مالقيتش الشغف تاعك نورمال جرب تتعلم حاجة جديدة البرمجة، التصميم ، التدوين، التصوير، صناعة الفيديو ... إلخ اليوتيوب مملوء بالدروس في هذه المجالات بمختلف اللغات بالتوفيق

رانا في وقت مش مهمة بزاف الشهادة، المهم المهاراات المكتسبة، اول ما تروحي تحوسي على خدمة صح يشوفو مع سيفي تاعك بصح الاهم يقلك وش تعرف انت؟ و وش رح تضيف للشركة تاعنا؟ لذلك تعلم المهارات بزاف، اساسيات اعلام الي برامج ميكروسوفت تصميم ولو مستوى متوسط مش شرط تحترف، تسويق ايضا، و اذا هذا دومان تاعك رح تقدرللبرمجة و تصميم و ادارة المواقع لانو هذي هي المهارات المطلوبة بكثرة في سوق العمل

ابحثي عن اهتماماتك أولا باش كي تتعلمي مهارة ما تمليش . وكل المهارات اللي ذكرتيهم راح يوصلزك بعيد إذا تخصصتي في وحدة منهم

Kayen les sites ta3 tat3alem anglais ana ranii bihomm brk nat3alem de des applications tongo mliha

الاعلام الآلي واللغات

تعلم البرمجة تطبيقات و مواقع إليكترونية هي أحسن نصيحة نقدمهااك

كاين موقع إدراك و موقع فرصة و موقع معارف يديروا دورات مجانية في العديد من المجالات باللغة العربية اضافة الى شهادة في نهاية الدورة

ماراكش روطار، لكن ابدا من اليوم قبل غدوا، اتعلم برامج Microsoft office علاجال تسحقهم فكامل المجالات، و اللغة شوف لي تساعدك فالمجال تاعك و ابدا بيها، و حاول تكتسب soft skills كيما التعامل مع الناس و كيفاش تقاوم وقت الضغط، تسحق هاد المهارات كي تدخل تخدم