انا طالبة رياضيات و إعلام آلي نحوس ندير اعلام آلي اكيد مي حابة نعرف شوي معلومات ..

انا طالبة رياضيات و إعلام آلي نحوس ندير اعلام آلي اكيد مي حابة نعرف شوي معلومات عن التخصص اكثر و عن فرص العمل ... - شهادة الماستر 2 في الاعلام الآلي وش ممكن ندير بيها؟ - هل لازم ندي دكتوراه في الاعلام الآلي باش نتحصل على فرصة تاع خدمة احسن؟ - وش هي الخدمات اللي ممكن نخدمهم؟؟ و قدماه اصلا نسبة اني نلقا خدمة ؟؟ -حسب ما قريت مقالات (مش تاع الجزائر اكيد ) انو تخصص اعلام آلي عندو مستقبل كبير بزاف

الشئ الاكيد اننا نتجه الى العالم الافتراضي عالم الانترنات هو المستقبل وفرص العمل اذا اتقنتي الحاسوب ومهاراته متحتاجيش ربما وظيفة راح تخدمي عن روحك بهذا التخصص حتا في المنزل الاعلام هو المستقبل ....👌

طبعا هاذ التخصص من اكثر التخصصات طلبا حتى هنا في الجزائر، تقدري تخدمي في اي شركة او مؤسسة يعني كنصيحة شدي فيها مليح و اقرايلها لازم يكون كشوف النقاط ملاح بالاضافة على الدكتوراه انو طبعا قد ما تزيدي تقراي قد ما يصحلك عمل احسن و احسن .

Chofi ghadi nfahmk ghaya doctora takdri tkhedmi biha prof f jami3a mais ls entreprise mayrhakohch yedemando master wki tkmli la bghiti rkhedmi f الوضيف العموميlazmlk tkon 3andk la moyenne tl3a ta3 ls 5 ans li krityha besh la paye ta3hom tayha bzf mykhlsoch ghya w khedma f ls entreprise khalssa tal3a besh mychofoch la moyenne li ditiha ychofolk chat3rfi diri labghat tal3a b 10.00 w kon yelkawek t3rfi tkhedmi yakblok w kon tefi 18 la moyene w yediro m3a entretien w ylkawek mat3rfi walo mykblokch

راكي تهدري على مجال الإعلام الآلي لي هو بحد ذاتو فيه بزاف تخصصات و المجالات الأخرى كامل ولات تعتمد عليه باعتبار الرقمنة طغات على كلش، أولا شوفي نتي إذا تبغي المجال و تاني لازمك تعرفي التخصصات كامل واش فيها واحد بواحد، ادخلي لموقع @emploitic_algerie ولا @emploipartneralgerie باش تدي فكرة على التخصصات المطلوبة، تقدري مام تبداي مشروع و لا شركة ناشئة وحدك ولا مع فريق ماشي لازم تفكري دوما في مسابقات الوظيف العمومي لي مراهو مقيم حتى تخصص ولا مجال. بالتوفيق

تخصص يعتمد على الذاتية قادرة سنة ثانية ليسانس تكوني شوي شاطرة تبداي عمل حر عبر الانترنت وتخلصي مليح مهم cv تاعك يكون مليح ❤ وتخصص مطلوووب جدا جدا كملي فيه وربي يوفقك

W nahderlk 3la keraya f jami3a la kanet jami3a norml mtkaroch fiha ghaya homa ymdolk ls cours berk w nty lazm rkray wahedk f dar w f jamu3a my3lmokch pratique kon mtet3lmich whedk ml youtibe w googl ki tkmli 5 ans tlkay rohk mt3lmti walo w nezid hja informatique fiha khedma f ls grande ville li 3andhom bzf ls entreprise beshh ls ptites ville mfihch فرص عمل بزاف

فرص العمل فهاد المجال كاين اما فالمؤسسات ولا عن بعد، بشرط الواحد لازم يخدم على روحو او بمعنى اخر ما تتكليش غير على واش يقروك فالجامعة، مثلا كاين تخصصات لي لازم تتعلمي البرمجة باش يزيدو فرص العمل ، وباش تتعلمي االبرمجة عليك و على الانترنت و الصبر ثم الصبر .

@x_ani_xou_x

تخصص إعلام آلي من اكثر التخصصات فيها افق. سيرتوا اذا عندك خلفية في الرياضيات هي لعليها الطلب بزاف. ننصحك تتخص في مجال machine learning خاطر هي المطلوبة بكثرة في الشركات الان وفيها نقص كبير. الميزة ليتفوق فيها الاعلام الآلي القدرة على العمل عن البعد. يسمى تقدر تقدم لشركات ماشي شرط في الجزائر وتخدم وانت عايش في الجزائر

الخدمة في هذ المجال = الكفاءة تاعك 👌

يا اختي واش قلت طبعا مش في الجزائر

👍

الخدمة في هذ المجال = الكفاءة تاعك 👌

من تعليم و تخدمي كلش.. باب مفتووح من كلش هدا المجال

كاين بزاف تخصصات في الإعلام الآلي، réseaux, sécurité, développement,... نتي واش راكي حابة، ماستر 2 تخدمي بيها عادي، و الخدمة نتي و شطارتك ديري Cv مليح، انخرطي في المنتديات و دايمن اتعلمي الجديد في الإعلام الآلي و بالتوفيق