سلام عليكمخاوتي راني حاب نسقسيكمانا طالب جامعي عندي ليسانس فلحقوق و راني حاب ندي..
سلام عليكم خاوتي راني حاب نسقسيكم انا طالب جامعي عندي ليسانس فلحقوق و راني حاب ندير ميتي (مهنة) و راني حاير بين طولي و باتيسري و راني حاب نستشير اصحاب المهنة شكون خير فيهم
![](/static/api/profiles/files/21032/image_picker8896158380492707851.jpg)
![](/static/api/profiles/files/21102/image_picker7847173716859672987.jpg)
أرواح تشو نقولك و دير على كلامي راني كي ختك روح دير باتيسري أتعلم ملييح ملييح و كون ديما على اطلاع بالجديد تاع المجال هذا خطرش كل يوم يزيدوا الأفكار اعتمد أولا على الذوق و البنة سيي الماكس تاعك تكون الحلويات تاعك بنينة خطرش هذا واش نحوسوا حنا أمبعد روح للتزيين لازم يكون مشي تزيين عادي تاع طبع برك و المشهور في بلادنا سيي أتعلم و دير تزيين عالمي و أعرف كيفاه تخير تناسق الالوان و الشكل و الديكور دير كارت فيزيت تكون شيك و سامپل و زيد أفتح پاجة فالفيسبوك و لا فالإنستغرام و صور الحلويات اللي تطيبهم لازم تصور بشكل إحترافي باه تجذب الإنتباه تاع الناس ليك و أخيرا و أهم حاجة هي أنك لازم تكون تعرف تتعامل مع الناس و تكون طيب الكلام و القلب بشوش الوجه هذا يخلي الناس يحبوا يشروا من عندك سورتوا البنات و يولوا يديرولك الإشهارات على مواقع التواصل الاجتماعي و راح تشتهر على نطاق أوسع و ربي يوفقك ان شاء الله 🌹🥰
ماراكش مسجل معانا. تقدر تفيدو؟
تقدر تدخل بسهولة منا
Sign in with Google