لاسباب خاصة و ظروف لم استطع الدراسة في الجامعة ونا متحصلة على عدة بكالوريات فات..

لاسباب خاصة و ظروف لم استطع الدراسة في الجامعة ونا متحصلة على عدة بكالوريات فاتوني عوام بزاف شفت مستقبلي ضاع قدام عيني انصحوني الله يحفظكم وش ندير بلا الجاميعة

اعتبريها كانت فترة راحة وراح تنطلقي بقوة.ديري تكوين واتعلمي حرفة وابداي مشروعك الخاص بلمستك الخاصة وان شاء الله تحققي نجاح ضعف السنوات لي فاتوا.توكلي على الله

ضك لي عندو حرفة هووسيدهم تعلمي حرفة

اقراي ف معاهد💚

المعاهد أحسن شيء

Métier سجل في معهد ولا و اتعلم حرفة

بالعكس طلب العلم عمرو ما كان بالسن او العمر ..تقدري تبدي في اي لحظة..المهم ديري الكوراج و إرادة و ربي سبحانو رح يوفقك ..

الانسان ديما يتعلم في الجامعة ولا خارج الجامعة المشكل في توظيف وش تعلم هنا يكمن مربط الفرس. انصح بمتابعة تكوين و ممارسة اهتمام واحد و بدأ صقله " الدوام يحفر الرخام" اي ديري حاجة تحبيها و مش راح تندمي لأنك حاجة تحبيها بلاشك راح تبدعي فيها انا ثاني ديت باك و ماقريتش نهار فالجامعة حسيت كانها تضييع وقت لأني شفت مشاريع بزاف ماتحتاجش وقت باه تتعلمها و مدخولها مليح، و ربي يوفقك.

حاجة مافتت اختي مدامك على قيد الحياة تقدري اول حاجة واهم حاجة هي ارادتك مزال تقدري تقراي وتكملي شفت ياسر عباد كبار ويقراو ومدام قلتي عندك ياسر بكلوريات ربي يبارك معناه راكي متمكنة وانسانة حابة تتعلم توكلي على ربي ومدام مكتبتلكش تكملي قبل ماشافش ربي فيها خير وممكن هذا هو وقتك لي تبداي فيه

معاااهد. تع بريفي

ابدئي عملك الخاص

كاين لمعاهد تتكوني كما راكي حابة واش ديري بالجامعة الدراهم لي حا تصرفيهم فالجامعة ديري بيهم ديبلوم فكش حرفة ...

ننصحك تتعلمي حرفة مثلا صناعة الحلويات و لا الطرازة و ديري منتج خاص بيك و حلي باجة فالانستقرام سوقي ليها

شاركي في مسابقة المعهد الوطني للشبه الطبي

سلام كاين تخصصات مفيدة بلا ما تسحق الباك كيما انا جبت الباك و طلعت لافاك لكن الان راني داير تكوين تع انفوغرافيا يطلبو فيه مستوى ثالثة ثانوي مجال تع هاذ التخصص واسع بزاف و تقدر تتعلم فيه بزاف حوايج اذا مهتم بكل ما يتعلق بالديزاين (الاشهار, تصميم شعارات، بطاقات اعمال، واجهات محلات، لافتات،منشورات سوشيال ميديا.... ) كاين معهد في بير مراد رايس اسمو I.N.S.I.A.G تقرا عامين و نصف تتحصل على شهادة تقني سامي باش تسجل باطل يعني ماتخلص والو