أنا تلميذ نهائي، نقرى شعبة تقني رياضي هندسة مدنية، عمري حاليا 20 سنة، جوزت الباك..
أنا تلميذ نهائي، نقرى شعبة تقني رياضي هندسة مدنية، عمري حاليا 20 سنة، جوزت الباك تاعي لول سنة 2019, و ماديتوش، لأنني ملت بزاف للجانب تاع تعلم الديزاين، و خاصة تصميم الشعارات، الباك الثاني 2020 مابقيتش غير نتعلم، وليت نخدم لناس و لمؤسسات، خدمت بزاف شعارات و فرحت، زدت ضيعت هذاك الباك، و هذا العام الثالث رجعت بأعجوبة بعد ما كنت مفصول، يعني باك 2021 هو آخر فرصة ليا، السؤال تاعي هو هل زعما راني داير غلطة كبيرة ؟ تسما أنا ناوي نكمل نقرى تصميم جرافيك في المعهد ماشي حتى في الجامعة، و زيد علابالي، برك حاب إجابة منطقية من شخص عاقل تقنعني بالطريق لي راني فيها، واش رايكم؟
السلام عليكم، حاجة شابة او برافو خويا على واش اك ادير اول شيء اخي لازم اجيب الباك تاعك باسك هذي دنيا ماتنجمش تعرف المستقبل واش مخبيلك، بعد ما جيب الباك تاعك تنجم تروح تقرأ واش بغيت فالمعهد.... يعني أدير واش راك باغي مالتالي. او كون متأكد الحاجة اللي تبغيها راك رايح تنجح او تبدع فيها
السلام عليكم، الكثير من الناس راهي دايرة الباك هو اللي يحددلك النجاح في حياتك، لا هدي ڨاع مكاش منها ، الباك رايح يفتحلك ابواب كثيرة ، بلاك تناسبك بلاك لا، انا نعرف ناس جابت الباك و كي راحت للجامعة مالقاتش روحها، حبست في نص الطريق ، لأنهم دارو حاجة مايحبوهاش، ماصابوش الشغف تاعهم فيها ، لايستمتعون بالقيام بها. ولهذا أخي انصحك بأن تختار الشيء الذي تحب القيام به ، لأنك لن تمل منه ، وستكون متميز في القيام به ، والله يعينك في مبتغاك.
ماراكش مسجل معانا. تقدر تفيدو؟
تقدر تدخل بسهولة منا
Sign in with Google