مجهول
السلام عليكم. وش يقدر يدير الواحد باش يتجنب الاكتئاب و التفكير الزائد خصوصا بالن..
السلام عليكم. وش يقدر يدير الواحد باش يتجنب الاكتئاب و التفكير الزائد خصوصا بالنسبة للفئة الماكثة بالبيت. أفيدونا. شكرا
التغيير اختي احسن حاجة و اشغل نفسك بابسط الاشياء و احسن طريقة شفتي كي يجوك الافكار تم تم بدلي يا لوكان بافكار جايحة ضحك و ولفي روحك هاذ الشي ابتكر اشياء ديريها شوفي فيديوهات محفزة ، شفتي هاذ التليفون اللي راكي حاكماتو تقدري ديري بيه العجائب و كثري من الاستغفار و تذكري النعم اللي راكي فيها . و الله يريح البال.
تقدر دير حاجات بزاف في الدار و تلهي روحك، شوفي كاش صنعة و خدمي فيها في الدار مانحبش بالوقت و فيها فايدة ليك دوكا الخدمة ماشي لازم تكون برا ناس في دارهم و يخدمو
طبعا الجانب الديني بلا ما نحكوا فيه الصلاة و قراءة القرٱن و الاذكار و الدعاء الى اخره،حاولي تبعدي على الروتين مثلا مرة مرة غيري ديكور الغرف و المطبخ ، جربي وصفات طبخ جديدة، اقراي كتب و لا عندك ملل من القراءة حاولي تسمعي لملخصات الكتب خاصة لي تحكي على علم النفس، حاولي تابعي قنوات اليوتيوب لي يهتموا بالصحة النفسية، دايما اتهلي في روحك و كوني انيقة في دارك باش يتعدل مزاجك حاولي ديري برنامج زيارات عائلية مثلا مرة في الاسبوع يجوك اهلك ولا نتي تروحي عندهم يعني ما تعزليش روحك على ناس ، جربي الخياطة ولا الكروشي ولا
يصلي صلاتو في وقتها يقرا كتب في كل المجالات ويبعد على لي ريل لي في انسطا تاع التفاهات وو يشوف فيديو تعليمية كاين بزاف قنوات مليحة يقرا دورات تدريبية في موقع إدراك وفرصة وغيرها يهتم بأكلو يكون صحي ويدير رياضة بيسك تعاونو بزاف باش يتخلص من الاكتئاب
ماراكش مسجل معانا. تقدر تفيدو؟
تقدر تدخل بسهولة منا
Sign in with Google