![](/static//assets/img/anon.png)
مجهول
سلام، من فضلكم حابة تفيدوني بالنسبة للجمعيات لي تقدم مساعدات ايدا كي نتبرعلهم هل..
سلام، من فضلكم حابة تفيدوني بالنسبة للجمعيات لي تقدم مساعدات ايدا كي نتبرعلهم هل مافي فتوى في الدين على ذلك ؟ هل تجوز الصدقة نقدا لهم ؟
هناك فرق و الموضوع هذا فيه تفصيل
اذا كانت صدقة عادية فيجوز اعطائها لاي شخص يحتاج المساعدة او جمعية موثوقة تساعد الناس مهما كان نوع المساعدات سواء طبية او غدائية او اي شيء حلال ينفع الناس
اما اذا كانت زكاة المال يعني الزكاة لي تخرجها كي يكون عندك مبلغ كبير من المال هاذي فيها احكام
كاين 8انواع يستاهلو الزكاة مذكورين في الاية المعروفة و ما يحوزش تمدها لواحد مش من هاذو الانواع و لازم يكون مسلم ما تمدهاش للكافر و اما بخصوص الجمعيات تقدر تمدهالهم بصح لازم تمون متاكد انهم يمدوها للناس لي مذكروين في الاية و يطبقو شروط الزكاة هنا كي تمدهالهم حلال و يتحملو هم المسؤولية اذا خدعوك يديو الاثم و انت تدي الاجر و تبرأ روحك مع ربي
اما اذا كانت زكاة الفطر تاع رمضان فلديها شروطها ايضا و هي ان تخرج في ليلة العيد او قبلها بيومين او صبيحة العيد تسما اذا الجمعية تراعي هذا ااشرط اعطيهم حتئ تمدهالهم قبل معليش المهم هم يخرجوها في وقتها خاطر لا يجوز اخراحها قبل وقتها او بعده
و في الاخير باختصار باش ما تحيرش في امرك من الافضل انك انت تتولى امرها وحدك خير ساهلة تحوس على انسان محتاج و تمدهالو و الاقربون اولى بالمعروف يعني القراب ليك اولى تمدهالهم شوف جيرانك ولا عايلتك لي يستهالها حسب الاية في القرآن و مدهالو من يدك ليدو خير و لازمك تبحث و تقرا عليها باه ديرها سواء الزكاة ولا غيرها اقرا دينك و تفقه فيه بش كي تعبد ربي تعبدو بطريقة صحيحة الصحابة رضي الله عنهم كانو عايشين مع الرسول عليه الصلاة و السلام و يسمعوا القرآن منو مباشرة و لكنهم طولوا بش حفظوا القرآن خاطر كانو يحفظو آية يطبقوها بش يحفظو آية اخرى و بش تطبق اية لازمك تقرى كاين آيات ما يكفيوش 5كتب باش تفهمها ااقرآن كلام الله عز و جل ما يفضش و ما يخلاصش كل ما تقراه تزيد تفهموا و تربط الايات ببعض تزيد تفهم حوايح جدد و هكذا المهم الواحد يتعلم الحوايح الضرورية هاذي في الدين تاعنا يسميوهم المعلوم من الدين بااضرورة يعني لازم تعرفو و كي ما تعرفوش تنحاسب عليه عند ربي و من هاذي الامور الفقه و خاصة في اركان الاسلام لازم تفهمهم خاطر هم اساس الاسلام و نشاله نكون نفعتك و اذا حبيت نعاونك عاود ردلي نعطيك طريقة تتصل بيا و نفهمك مليح و نوصلك لناس يفهموك بااتفصيل بش ما تغلطش خاطر كاين بزاف ناس يخدعوا باسم الدين خاطة كي تكون حكاية تاع دراهم لازم تكون ذكي المؤمن لازم يكون ذكي و ما يكحلوهش الخبثاء و السلام عليكم و رحمة الله و بركاته
ماراكش مسجل معانا. تقدر تفيدو؟
تقدر تدخل بسهولة منا
Sign in with Google