مصطلح ذكوري أو الشخص الذكوري. الصراحة مفهمتوش درت بحث و لقيت بلي هو صلب قوي العز..

مصطلح ذكوري أو الشخص الذكوري. الصراحة مفهمتوش درت بحث و لقيت بلي هو صلب قوي العزيمة حاد الذكاء مستقل راجح العقل قادر على ضبط نفسه و قادر على الرفض و قول لا مهما كانت العواقب و من صفات الذكوري الغيرة على نساءه و لا يرضى الغلط و الانحلال و التفلت و يقوم بضبط الامور بحزم و بعقلانية. السؤال: هل هاد الحاجة سلبية؟ دوك يجيني راجل بحكم التعرف يقولي أنا شخص ذكوري، هل الحاجة مليحة لبناء أسرة مستقبلا أم لا؟

هههه هذا تعريف تاع الذكوريين لأنفسهم اما النسوية فتعتبر الشخص الذكوري عدوها الاول لانهم يرونه حاجزا امام تحررهم

هو مفهوم الشخص الذكوري يختلف من شخص لاخر كاين ذكوري بمعنى حقار و يشوف المراة ادنى درجة منو و هذا شخص متعصب و كاين ذكوري لي عندو غيرة مفرطة على حريمه و هذا امر محمود في الدين الاسلامي و لكن باعتدال و كاين شخص ذكوري في فكره تجاه المراة فقط لا اكثر و لا اقل يعني كيشغ ذكوري نظريا و في التطبيق لا و كاين ذكوري باسم الدين كي يكون معتدل مليح اما كي يكون متعصب يولي حقار و كاين ذكوري بعقلية زاني تلقاه من كثرة التخلاط يولي ما يامنش في النساء و يحتقر المراة و يولي يزير مرتو كي يتزوج خاطر موسوس كيما يقولو ناس زمان من فعالي ما ما نامن حتى واحد و كاين ذكوري من نوع مثقف تلقاه يحقر المراة باسم العلم و خاصة كي يلقى مراة حاهلة يستغل ضعف وعيها و و و العديد من الانواع باختصار الذكوري هو لي يشوف بلي المراة اضعف من الرجل يعني اذا كان متعصب يحقرها و اذا كان معتدل يحميها و يتحمل مسؤوليتها و هاذي افكار تقدر تتبدل لان مصدرها العقل و العقل قابل للتكيف مع الظروف خاصة اذا طاح في مراة تشبعو عاطفيا اكيد راح تخليه يكون معتدل معاها و يلين حتى لو كان قاسي و في الاخير يرجع الامر ليك نتي تميزي هذا الانسان و تقرري