مجهول
السلام عليكم...اذا تقدر تسألي الناس لي مجربة فقدان الام كيفاه تعاملو مع الموضوع ..
السلام عليكم...اذا تقدر تسألي الناس لي مجربة فقدان الام كيفاه تعاملو مع الموضوع و كملو حياتهم..انا انسانة فقدت ماما منذ شهرين وتبدلت حياتي كليا و راني رافدة مسؤولية اكبر مني الشي لي خلاني فقدت التوازن تاعي و دخلت في كآبة كبيرة
ربي يرحمها ان شاء الله ويصبرك ماشي ساهلة حاسة بيك جازت عليا ولكن الرحمة والصبر يكونوا من عند ربي لازم الصبر والدعاء والله انا كل ما نتوحشها ندعيلها ونقرا القرآن والصدقة هكا هي تريح وانتي يرتاح بالك وفي الاخير نقولك قول الرسول عليه الصلاة والسلام اذا مات العبد ينقطع عمله الا من ثلاث صدقة جارية وعلم ينتفع به و ولد صالح يدعو له هنا يجي دورك انتي وربي يرحم امواتنا جميعا
انا فقدت الأم تاعي منذ 4 سنوات ومريت بنفس الاحساس تاعك وعارفه المعاناة ومش سهل تتمسكي في دموعك وبالعكس ماتكتميش هذا شي يرجع على صحتك اذا جاتك دمعة خرجيها انا حكمتها بزاف ورجعت على صحتي ومش من سهل توالفي تم تم وتتأقلمي لكن صدقيني وعن تجربة كثري من الصلاة وقراة القران كل ماتحسي نفسك ضاقت بيك صلي ركعتين وابكي وادعي لله يصبرك ويعاونك ويكون معاك وعليك بالصدقة حتى لو حبة حلوى في جيبك صدقي بيها وانويها لأمك أجر ليك وثواب ليها وربي يكون معاك ويحسن عونك ومش راح نقولك راح تنسيها خاطر هذا مستحيل لكن مع الأيام راح توالفي وتولي قوية وتتجاوزي هذا الفترة بإذن الله والأم تبقا ف القلب مدى الحياة وربي يجعل موتانا وموتى المسلمين في جنة النعيم ويجمعنا بيهم يوم الدين يارب💔😢
ربي يرحمها اختي ويسكنها فسيح جنانه 😢 لكن الحل هو انك تزوجي الاب تاعك ، متغلطوش هو لازمه زوجة لي تقوم بيه وبالمسؤولية ، متقوليش منقدرش هذه ارادة تع ربي سبحانو وباذن الله يطيح ف زوجة لي تقوم بالواجب وانت لازم تكملي حياتك، انا خالي توفات مرتو ولادو اماجين تسعة وكي جا يتزوج كلاوه مخلاوهش بصح بنات صغار حملو مسوولية حياتهم راحت ميعرفوا والو لولاد تزوجو وجابو احفاد كي قعد وحدو باش زوجوه تزوج وحدة كان يقريها بكري 😍 المكتوب صح هو مي ادعي ربي ولازم تتقبلي هذه سنة الحياة باش تكملي صدقيني
ربي يرحم امك وجميع الامهات لي ماتو ويسكنهم فسيح جناتو و يجعل قبورهم روضة من رياض الجنة وربي يرحم جميع الموتى وربي يرزقك الصبر اختي موش حاجة ساهلة لفراق فمابالك بالام 😢😢لكن اختي لازم تقوي صلتك بربي سبحانو من صلاة وصدقة ودعاء واحد ماراح افرج عليك من غير ربي وان شاء الله ربي يصبرك واصبرنا على لي فقدناهم 😥😥😥
ربي يرحمها ويعوض محبتها بالصبر وربي يقويك ويعطيك صحتك وتسترجعي حياتك ان شاء تستقبلي يامات خير وهنا وصحة وراحة البال ربي يهدي حالك ويطمن قلبك كوني قريبة من ربي سبحانه وربي راه ديما معاك ومايخيبكش ربي حنين كريم
لم اجرب هذا احساس و لكن فقدت والد تاعي منذ خمس سنوات و كانت فترة صعيبة بزاف يليق تتقبلي واقع اولا و ترضي بما كتبه الله سبحانه و ثانيا ربي خلق الموت قبل ما يخلق حياة و هذه مذكورة في سورة ملك يعني موت لا فرار منها و اما مسؤولية لي اكبر منك فتيقني بلي ربي سبحانه لا يكلف نفسا إلا وسعها ربي راه عارف بلي انت قد مسؤولية هذه و كل شيء يحدثنا في هده حياة لحكمة ربانية ممكن نعرفوا حكمة من بعد و ممكن تقعد في علم الغيب و هده حكمة هي احسن لينا طبعا لان ربي يعلم و نحن لا نعلم و هدا كله ابتلاء لازم تصبري و تكافحي و هذه فرصة باش تقوي ايمانك و علاقتك مع ربي ماشي وقت اكتئاب اختي كوني على يقين بلي ربي يعوضك على صبرك و مسؤولية كبيرة لي راكي رفدتها ما عليك غير تتقربي منو سبحانه و تعالى بدكر و دعاء دعي اكتئاب لا يليق بمسلمين و ربي يرحم ميمتك و يبدل محبتها بالصبر
انا لا املك الا الدعاء لكي...ربي اسألك باسمك الأعظم يا اكرم الاكرمين و يا ارحم الراحمين يا جبار المنكسرين و يا سند من لا ولي له صبر قلبها و ارحم امها و افرغ عليها صبرا بعظمة الجبال و انزل على قلبها سكينة و راحة بال تنسيها حزنها و سخر لها من جنود الأرض و ملائكة السماء لإسعادها
Sali ki ttwahchiha w bki w kharji ga3 cha fik ldakhl w go3di M3a rohek bzf w hadri M3a rohek bzf w 3alji nafsk psk nafs Ta3na ts7a9 n3toha wa9t kbir w 3ahdi rohek t3ichi w tkamli hyatk w tt7adi ga3 lhyat hadi w lhyat khti makan walo 3lbli raki chaba3ti mn had lhadra mais wlh lhaja li n2akdlk w nensah hbibti biha tg3di M3a nafsk w thki lrohk w kharji ga3 cha fik ldakhl w hki l n'as w khalti bzf n'as w 3amri wa9tek b ay haja lvide howa li yektol bndm w sali w D3i l rabi yrhamha w sad9i 3liha hta 10 da kitmediha sada9a wnwiha 3liha w rabi y9adrk khti w thtaji haja rwa7ili prv mrhba bkhti
ربي يرحمها و يصبرك عليها..ربما واش راح نقول صعيب عليك. الحل زوجي باباك الدار لازملها امراة ..راح تتاقلمو معاها و باباك لازملو امراة مراحش يبقى هكدا و لهذا انت خيريها احسن ما هو يخيرها و متعجبكش و ديريلكم المشاكل. هكدا راح ترفد عليك شوية مسؤولة ..خالتي ماتت و بنت خالتي الوحيدة في دلرهم بين خمس ذكور هي زوجت باباها و طاحو في امراة ماشاء الله. الان عايشين هانيين و تقاسمت المسؤولية مع مرت باباها .. اما معنويا. راح بلعقل تتاقلمي مع الوضع عندك شهرين برك ..ربي يعينك ..
مشي مجربة .. ومستحيل نحس بواش راك حاس وربي معاك.. هاذي الفترة تاع الكآبة والحزن ماتتجاهليهاش عطي وقت لنفسك معليهش ابكي .. افقد توازنك معليهش .. يجي النهار وتتوازن .. نشالله تفهم وش قصدي .. وحاول تتقرب من ربي سبحانو شكي لربي حكيلو دعيلها ربي يرحمها .. وربي يصبركم ويكون معاكم ...
الله يرحمها ويجعل مثواها الجنة ويرزقك الصبر اختي الكريمة...صح ألم الفقدان صعب كثيرا إلا أنها سنة الله في خلقه وهذا هو اول شيء تسعاي ليه انك تقوي ايمانك بالله وثقتك الكبيرة فيه بقراءة القرآن والدعاء والصدقة وبالوقت رح تتعودي وخصوصا انك لستي وحدك من عانى هذا الفقدان وبالاخير الدنيا لم تتوقف عند ذلك الحد يعني لازم تفكري كيف تكملي حياتك وتحققي التوازن في حياتك و
Ana Tani mat àbi alah yrhmou w ana FL Jami3a w andi khoti sghar Aliya sah mas2oulia s3iba mais tt3awdi chedi f rabi sobhano w sali w d3i rabi Ya3tik kowa bah tkmli... Rabi ysabrk
ربي يرحمها ويغفر لها ويجعلها من أهل جناته يارب ،بالصبر واحتسبي أمرك لله عز وجل هادي سنة الحياة الاخت، ربي يبدل المحبة بالصبر الجميل
اللله يرحمها اهم شي الصبر والقيام ثلث الليل راح تزول كل شي وربي يجعل متواها الجنة
ربي يرحمها و يصبركم كامل،أدعي و صدقي عليها و قربي لربي سبحانو و أدعيه ،أهدري كل وش فقلبك فسجودك و أبكي فرغي قلبك و أدعي ربي يقدرك تتحملي المسؤولية.سورة البقرة يوميا تخليك أحسن.
ماراكش مسجل معانا. تقدر تفيدو؟
تقدر تدخل بسهولة منا
Sign in with Google