مجهول
سلام عليكم . انا و صاحبي رانا ريحين نديرو مشروع صغير و نكبروه غي بلعقل و لي هو ت..
سلام عليكم . انا و صاحبي رانا ريحين نديرو مشروع صغير و نكبروه غي بلعقل و لي هو تربية الأرانب و عنا خبرة مليحة شوية فهاذ المجال . بغيت نصائح من ناس لي دارو هاذ المشروع مقبل و بغيت نعرف رايكم نتوما كمستهلكين
راي الخاص الفكرة جيدة جدا 👏 وفيها ارباح ان شاء الله وراي كمستهلك لحم الارنب افضل من لحم الدجاج 😅😂. للتذكير فقط لازم ديما ديرلهم فحص مع البيطري لانو اذا مرضت وحدة غدا صباحا يروحو كامل لانو الأرانب لا تتحمل وخاصة الصغيرة منها ... بالتوفيق✌️🌸🐰
درتو وفشلت فشل ذريع...الاسباب ملقيتش وين نسوقو مشي عليه طلب كبير وبديت بقوة وين عاد الاكل تاعهم بزاف عليا ،لازم النقا نهار بالنهار وتفيريفي الما يكون نقي،يمرضو ويموتو،لازم توقف عليهم كل يوم ، تعطيهم ماكلتهم الخاصة وتخدمهم فالصنادق تاعهم باش اذا دخل المرض ميمرضوش قع ، البيطري يجيك بصفة دورية على جال الحقن وكذا ... اسئلة أخرى تفضل ....وميعنيش اني خسرت نت تان تخسر بالتوفيق🙏
مستهلكين !!! 😢😢💔 apparemment ghir ena li jamais klithom psq yghidouni
بالتوفيق ان شاء الله ...كمستهلكة جامي ذقت القنين منيش عارفة علاه😕😕 حابة نجربو🙌. لكن مشفتوش قدامي باش نشريه.😁 عائلتي تان جامي شريناه. 😞 عائلة زوجي كذلك😞. لكن لا اعرف ان كان غير حنا الي جامي شريناه او معظم الناس ميستهلكوهش. الامر الاكيد انكم ادا ادا مجربتوش مراحش تعرفوا ادا راح ينجح المشروع .. من قلبي بالتوفيق ان شاء الله😍
فكرة جيدة نعطيك حاجة وحدة برك لارنب تحب نظافة بزاف يعني كل سمانة تنظفها و في لكوبلاج لازم كي تولي باغي تكوبلي لازم تخرج ذكر وحدو و تديلو لانثى هكذا و كي تولي راح تولد الارنب حطلها صوف باه متبقاش تنتف في شعر نتاعها و لباقي اك تعرف
لازم تكون عندنا ثقافة استهلاكية متنوعة لا رااح نقعدو ندرو في نفس دواايرة بين لحم و جاج و كلام تع غاالي برك أنا في رأيي تبدأاشهار في قنوات يوتيوب تع الطبخ .. ... و اشوف ردة الفعل تع الناس هنا عقلية لازم تتبدل (شعب يحب غير البطاطا و يتخلع بتاكوس شوية صعيب في ماكلة و يزيد يشكي كلش غالي في ماكلة ...)رأيي خاص ...فن الطبخ واسع واش توري قناة سمير قطرة في بحر ...
هو مشروع ساهل ومليح بصح لازم تعرف وين تصرف المنتوج تاعك مثلا اذا كاين مذبح تع ارانب قدام اتكل على ربي و وكبر المشروع واذا مكانش متسييش تكبرو بزاف باش ميصرالكش فائض في المنتوج
المشكل كي يبداو يموتولك الصغار ... لازم تديرلهم بلاصة مليحة وتوجدلهم لي كاج تاعهم وتنظفلهم كل يوم سينون يمرضولك ... ربي يوفقك
ماراكش مسجل معانا. تقدر تفيدو؟
تقدر تدخل بسهولة منا
Sign in with Google