مجهول
السلام عليكم حبيت نسال على مشروع تصميم الهدايا gift box هل هو مشروع ناجح؟؟ و ك..
السلام عليكم حبيت نسال على مشروع تصميم الهدايا gift box هل هو مشروع ناجح؟؟ و كيف نبدأ و كم يلزمني مبلغ لي نبدا بيه؟؟ و اذا كاين صفحات يبيعو بالجملة (علب،كيسان ،مواد تجميل....الخ) و شكراااا
في رايي المتواضع الأحسن ماتكونش برك علب هدايا ممكن تكون معاها الهدية نفسها. يسمى كل هدية وتغليف سبيسيال تاعها. هكا الناس كي تشري تشري الهدية كامل من عندك وتوفر عليهم الوقت وفي نفس الوقت بالنسبة ليك كصاحب المشروع تقدر تدي الفايدة في العلبة والهدية في نفس الوقت. ومن ميزات المشروع تاعك الهدايا ماشي كيفكيف يسمى تعطيها طابع التميز. وبالنسبة للراس المال. يعتمد على نوع العلب وبصفة عامة كي تبدا بالشوية مافيهاش بزاف راس مال. يسمى تقدر تفتح صفحة في الانستا وتحط فيها امثلة تع هدايا تقدر تختار مناسبة معينة واحدة وتنطلق مثلا مناسبة التخرج ولو انها موسمية تقدر تبدا بمناسبة تتكرر اكثر مثل نتع الزيادة.
شوفي ختى على واش حابة تديري كاين لي يشرو بايط نورمال مام تع سبابط ويغلفوهم ورق التفصيل تع بترون هاذا تلقايه عند اي محل تع خياطة ماشي غالي وكاين لي يغلف بلورق تع الطياب تلقايه عند لي يبيع لوازم الحلويات. وكاين لي يدور بالخيط تع الخيشة وكل واحد كيفاش عليك وعلى الشكل لي حابة توصلي ليه. كاين بزاف افكار وماتحتاجيش راس مال كبير اذا كثرتي كاش 1000 دج وعليك على الانستاغرام وكيفاش توصلي البرودوي تاعك. وواش تحطي في الباطة لداخل. المهم برك ماتحطيش الشمع هكاك بلا غلاف خاطر يسيحو من سخانة
مشروع يخدموه بزاف مي يمشي لاباس بيه. خير من لفراغ. النجاح نتاعو مربوط بطريقة العرض نتاعك وواش تبيعي فيه. اعرفي منين تشري الاساسيات برك وتقدري تبداي ثمثم. ماتشريش جملة في لول. واذا حتجتي كاين هاذا تقدري تشوفي معاه https://www.facebook.com/Pap-decoupe-104619711017290 وشت مرة وحدين خدمو لكراطن وحدهم هادي مثال
وهاذو افكار ممكن تستفادي منهم:
لي يمشو مليح في الهدايا كيما قالولك تع الزيادة تقدري تديري في بودر وريحة ولي كارط ولا مام حلوة دراجي. ووواش تحطي لداخل تحدد السعر
ماراكش مسجل معانا. تقدر تفيدو؟
تقدر تدخل بسهولة منا
Sign in with Google