انا خريجة علوم غذائية و عندي مشروع خاص هو انني اكتشفت منتوج جديد ... (في مجال ال..

انا خريجة علوم غذائية و عندي مشروع خاص هو انني اكتشفت منتوج جديد ... (في مجال الاكل) كيف استطيع البدأ ! و ماذا احتاج لافتتح المصنع الصغير الخاص بي؟

أولا تحتاجي للتسويق لمنتوجك و اكتساب ثقة الناس بك يعني تحلي إنستا و تبداي تهدري على كل ماهو غذائي و صحي و سليم كونك خبيرة تغذية ديري مواضيع تاع الأكل المناسب و الغير مناسب لكل مرض ووووو إلخ ولي مدي استشارات فالمجال ولكن باطل يرحم والديك ياختي لعزيزة 🙏 بعدها روحي حطي منتوجك و اهدري عليه و مدي الفوائد ديالو و حاجة مهمة رح تعاونك انك تعرضي خدماتك على صلات الرياضة كخبيرة تغذية يغني اللي يجي يروح لصال ب عندوا متابعة غذائية من عندك حتى وإذا باطل ماعليش اتفكري باللي قلنا اكتساب ثقة الناس و التسويق لروحك مع الوقت كي تشوفي منتوجك لاقى استحسان و اقبال وسط الناس تماك روحي افتحي مصنع لأنو رح تضمني الزبائن ليك هكا تكوني بديتي على الصح لأنو تروحي تفتحي مصنع لمنتوجك علامة استفهام ماكاش اللي رح يشريه تعرفي حنا شحال موسوسين و عندنا حساسية من أي حاجة جديدة كاين أفكار و إجراءات بزاف نقدر نقولهالك ولكن لخصتلك الأساسيات اللي رح تبني بيهم مشروعك والله يوفقك اختي

ابداي بالحاجا الأولى و الساهلة و لاكن مهمة ما تخبري حاتا واحد من جهات معينة بمضمون المشروع حتى يدخل حيز الإنتاج سمعنا و مزال نسمعوا فقصة سرقة الأفكار و إفشال صاحبها... و ربي ينجح جميع واحد عندوا أفكار جديدة، أهم حاجة برك هي la 👌créativité

ختي الحل تاعك عدنا ابعتيلي ف فيسبوك صالحي ياسين اسامة

لازم اولا تسجلي جديدك باسمك (براءة اختراع) وماتخبري حتا واحد حتا تسجليه

النقاط الأولى لازم التركيز عليها و خاصة موردين المواد الأولية، و خط الإنتاج ، و دراسة المشروع من الجانب التقني و الجانب التجاري .. هاذو أصعب نقاط من بعد تسهال، يجي اسم الماركة و السجل التجاري تجهيز المصنع بالفايونص جميع الجدران من فوق لتحت، لاخاطر رايحة تخدمي مصنع أغذية، و التفويض من مخبر تحاليل الجودة و مكافحة الغش تاع الدولة، و التسويق لي تكوني جهزتيه مع دراسة المشروع، تحديد الاسعار و نقاط التوزيع و البيع .. بالتوفيق

....

لازملك دراسة مشروع هل المنتوج تاعك سيلبي حاجة و رغبة المشتري أم لا و هل أنت في منطقة تقدري تبيعي فيها بسهولة أم لا وهل هناك منتج في السوق مماثل و السعر اللازم للبيع... ثم روحي للاونساج و يساعدوك و اذا عندك الدراهم ديري سجل تجاري و سجلي العلامة و شوفي هل يحتاج منتوجك إلى شروط إدارية و تراخيص...

Registre commerce dépôt de marque code barre dossier chez labo d'analyses et qualité autorisation de la direction de commerce