مجهول
السلام عليكم من فضلكم ادا تسقسيلي هل كاين دوا فعال لبو صفير طفل صغير سبع سنين؟ ك..
السلام عليكم من فضلكم ادا تسقسيلي هل كاين دوا فعال لبو صفير طفل صغير سبع سنين؟ كاش من عندو تجربة معاه؟
كاين عشبة اسمها مليلس تتباع عند العشاب اعطيه يشرب في بلاصة الماء كاتيزانة بدون سكر طبعا ،لحم البقري اشويه وخليه يشم رائحة تاعه وتبليه بالدڨفت (عشبة تتباع عند العشاب ومعروفة في ولاية الجلفة) ممكن ايضا تبليه بالكركم جد مفيد تجنبي الحليب ،البيض،الجبن،الدجاج ،الزيوت،حاجة تلقليان بصفة عامة تفادايها نهائيا هاذا الريجيم تبعيه مدة سبع أيام .وأحسن شى تقطعيلو عليه عند كشما عجوز ولا شيخ ...وربي ينزل الشفاء
ننصحك تبعي طبيب ولازم يعرفو علاه جاه بوصفير مشي يكبر تولو في حاجة واحد اخرى والله راني نحكي عن تجربة اختي كانت دايما مريضة بلانيمي ماديناش الامر بجدية حتى كبرت زاد عليها الحال لقاو عندها تشمع كبد وتحتاج عملية زرع الكبد وتكلفة العملية مليار وستمية في تركيا ربي يشافيها ويشافي قاع المرضى
NE SUIVEZ PAS CE QU'ILS DISENT CHOUFOU UN MÉDECIN GASTROLOQUE !!!!
عشبة المليلس فعالة مشاء الله و لازم ياكل الحلو ..انا عندي تجربة مع هاذ المرض الله يعافيكم مين كان عندي 12 سنة و رحت قطعتو ريحت الحمدلله
انا مرضت بيه كي كنت في عمري 6سنين دواء تاع طبيب مدارلي والوا بصح ماء الحمص رجعني من الموت يرنخوا الحمص فالماء ليلة والصباح يشربوا على الفراغ 3مرات فاليوم لمدة 15 يوم ورديه لطبيب وملازمش ياكل الحمضيات و الحليب والبيض والجبن
السلام عليكم، يرجى من صاحبة المنشور مراسلتي على الخاص. هناك دواء طبيعي وفعال مئة بالمئة شفيت به أختي الكبرى وأخي الصغير وكل من اعرفهم ممن أصيبوا بهذا المرض. ولكن يوصف مع الدواء حمية معينة لذلك تحتاج شرحا. معافى بإذن الله
خلينا من الخرافات بوصفاير هو مشكل فالكبد روح لعند الطبيب يحددلك نوعو وأدي الدواء لي طاهولك علاجوا يطول بزاف وأخطيك من الڨطيع وهذوا الشبعات لخطاش ميعاجوا ما والو يحبسولك الأعراض برك أما فالجسم لداخل يقعد كاين
انا مرضت بيه ، بالاااااااكم تبعو الخرافات هاذو تاع لقطيع و ماعلاباليش ، لازم تفهمو بلي هذا راه فيروس في الكبد و بطبيعة الحال راح يسبب فشل للإنسان علاهاذي لازم ريجيم و راحة تاااااامة و يبرا بإذن الله : الريجيم تاعو خفيف ظريف ،يخطي جمييييع حاجة فيها دهون (حليب، مقالي، فرامج ..) حليب اذا يحب يشرب اشريولو كانديا سيلوات ، ياكل خضر مفورة و فواكه ، يعني يتجنب الدهون هوما الي يتعبو الكبد ،بعدها تلاحظو الفرق و كاين عشبة المليلس هاذي تان مليحة انا كنت مانقدرش نشربها تسما كانت يما طيبلي عدس ولا جواز و ديرلي عراف تاع مليلس ، يعني حتى اذا طيبو جواز كي دوزنوه ديرو مغيرفة صغيرة زيت
انا عندي تجربة مع 2 من إخوتي الأول كان فالمتوسطة عندها وحد 4 أو 5 سنين ماللي مرض بون كي مرض قالنا طبيب دواه ريجيم لا دهون غير مغرف زيت زيتون مع الأكل امالا ماما دارتلو ريجيم طوطال كان غداه و عشاه غير بطاطا مغلية و مرحية بدون إضافات غير الملح و بدون خبز أو خضار تاني مغلية و مرحية و لفطور و بين الوجبات كانت تخلي قدامو فواكه خاصة الموز و الدقْلة لانو فيهم سكريات بزاف لي تمد الطاقة و مشبعة و تاني الحلوى عادية ماشي كراميل و ماشي شكلاطة لانو فيهم دهون هادو كل وقت قدامو و الحمد لله بعد أيام قليلة رجعتو لطبيب و عاود ليزاناليز لقا المرض بدا ينقص و قالها معليش أعطيه شويا خبز و ديريلو صدر الدجاج مشوي فقط ولا قطرة زيت ابري مطولش بزاف و برى و فهداك الوقت كان جارنا في نفس عمروا مرض قبلوا و بالسيف لا برى حتى جات ماماه تسقسي كفاه برى خويا الوغ قالت لماما أنا نمدلو يأكل كلش حتى كانت تشريلو لحم و كبدة تقول عندو لا نيمي مهم طبقت الطريقة و برى الطفل. و بالنسبة لأخي التاني لعام لي فات برك صراتلوا و طبعا اتخدنا نفس الإجراءات معاه و الحمد لله برى في وقت قصير
انا مرضت لعام ليفات 21ans مكاش دواء مي لازم تشوف لي زاناليز الا كان مرحلة 1ولا2ولا3/انا قطعتوا عند مرة كبيرة وتان طبيبة دارتلي ريجيم /مانكلش الزيت والمقلي /غير الخضرة المفورة وافضل علاج الكركم مع العسل الحر او مربى المشمش وتان مدتلي نانا نشم في قرعة بورقيبة (بوقرعون) ورجع يسيل مخاط أصفر من أنفي ..ربي يشفيه 😇
خاوتي شكون يعرف وين نلقى زيت كبد الحوت الأصلي الحالة مستعجلة جدا الله يخليكم
كاين واحد العشبة يديروها في اليدين بين السبابة و الابهام من بعد البلاصة لي درت فيها العشبة تتعمر بالخماج شغل لوعي حشاك ..يديروها شحال من مرة كل مرة طيش الخماج حتى يرتاح نهائي....ما نعرفش اسم العشبة هذي مرض ولد خالي داوه عند عشاب هو لي دارهالو و ما قالوش اسمها
ايه بصفاير يتقطع، كاين اشخاص اغلبهم كبار السن تقطع عندهم بالنية ماشي حاجة تع علم كبير، تقطع في مدة ثلاث ايام، كاين لي كل سنة يقطع، والشفاء بيد الله
لازم تقطعيلو اجري عليه ماتخليهش يمشي فيه واعر اذا طلع للكبد ربي يشافيه ان شاء الله
يكثر من العسل مفيد جدا و صباح على الريق يوكل كركم بالعسل ...ربي يجيب الشفاء
ماراكش مسجل معانا. تقدر تفيدو؟
تقدر تدخل بسهولة منا
Sign in with Google